NIBOU NDIG NYA GI NIGOM 18:36 - ALLAH NIHYET MEM TUNGWATU NYA

³⁶ Tirigi jam dem mem mben Israel ibon midut mpia caisi bit leu nok igyai kepti lene Nabi Elia kwei ya kui nimbar dima bingat nadi “tuhan Allah di Abraham kin Ishak kin Yakub ikuk yok bak e, ma ando bindo brei ei yo dini yahagom igyai him bipia anyeng tak kep mben Israel ba, dinok ade awak biditin ei mun dini yok hagom bit leu nok acuk dati cem.

NIBOU NDIG NYA GI NIGOM 18:36 ပူးပေါင်းရင်းမြစ်များ

NITRITI 26:24

Himmun gom lene tuhan tau kep noni bipai bak “Dani ne acig Abraham de Allah rin ba, attin tut Dani au. Midinyohou nani bidinjei mun di kei bak nani cem leu binhyepo ade nintun him yamti di bram yam nya idigek kep mpia bit leu nok gi dipreu ei mem Ditde awak di Abraham nipou su.”

NITRITI 28:13

Leu api tuhan ningat rin simiak noni bipai “Dani ne tuhan ba, Abraham kin Ishak ide Allah pima ri. Mporo midipek minu di abong eisi dini hagom binani kin ade nintun him yamti di bram yam nya.

NITRITI 31:53

Abraham kin Nahor ide Allah miya hacan nok nikei mem sa. Lene Yakub heng bitug hon nicig Ishak de Allah ninyeng bipai bipia noni miyok ngon kep mun di Laban yoni ipreu kep yam tut dima.

NITRITI 32:9

Lene noni ngat nadi bipai “Dignyon Abraham kin dicig Ishak ide Allah e, amiap dihyet! Na di tuhan acuk da bipia dingkwei hanyen ug ei ditimieisi bidibong bit dide bat nya hanyen bu leu api ma anyohou dimig mun di hagom nok gi kei bibor mem da.

NITRITI 46:3

Lene Allah pai binoni “Dani ne Allah di acig kuk no bak ri. Ma attin tut gima ambut ug ei minu Mesir au. Lewo midibindei ba, ade nintun him yamti di bram yam nya idigek bibor binok mben nindig bibor bu.

SAMUEL GI NICAN 7:26

Tungwatu bidem dihyeisi dini hagom mikon anyeng di jei tirigi itri tut ighyet biyam ‘tuhan Di Sindem Bibor ninyeng tak kep mben Israel!’ Lene ma abindei ba, yo di intun dani him minok nibou ndig nya bigya luei dohoti bram yam bijo ninno bijo kikau.

NIBOU NDIG NYA GI NIGOM 18:21

Lene Elia ya ei tungwatu pima yok yahagom yoho bei bipai biyok “Jikrau kep jingon canti kikau mem nijam pig bu i? Gino tuhan ne Allah nijit rin lene ma jikuk je bak! Gino Baal ne allah nijit rin lene ma jikuk je bak!” Noro tungwatu pima yok ibuhup bi.

NIBOU NDIG NYA GI NIGOM 18:29

Icot-cot nyen nok gima dem kep nok yo di mirei bon yok kikau ug bipek mpia caisi noro kwar di ikuk yok bak dima buhup ighyet ba, yok ngon kep yok bi sren.

NIBOU NDIG NYA GI NIGOM 18:35

Lene minyei dima silipti nimbar hum ndok bitut mun di joti nya hagom kikau ba, got pima ut tut minyei.

NIBOU NDIG NYA GI NIGOM 18:37

tuhan e, ma abuhup dihyet leu binhyepo yo dini yahagom mikan tut bipia Na di tuhan ne Allah di nijit ri. Nani rima abindei ba, yahagom ikwei kuk yok biNa hanyen bu.”

NIBOU NDIG NYA GI NIGOM 20:13

Tirigi siceu itin ei mem ihwen Samaria lene nabi gom ug ngat Nibou Ndig Ahab bipai bak “tuhan pai ‘Angat tentara di imang bibor dima e? Njap di ammani midibindei ba, abindei timek yoni yahagom. Mijo nibreisi mem na bipia Dani ne tuhan ri.’ ”

NIBOU NDIG NYA GI NIGOM 20:28

Mpe dima lene nabi gom kwei ngat Nibou Ndig Ahab bipai bak “tuhan pai ‘Tentara Siria dima ikan bipia disindem tirigi Dingat rin ei hanjop nungug him lo, tirigi Dingat rin ei briep bou him lene disindem bi. Gima rino midibindei ba, jibindei timek ide tentara di nindig bibor dima yahagom ug ri. Mijo nibreisi mem nani kin ade limwa nya cem bipia Dani ne tuhan ri.’ ”

NIBOU NDIG NYA GI NIGOM 22:28

Lene Mikha pai bak “Gino akwei hanyen ba, angwes ngun lene jo nibreisi bipia tuhan tri tut nihyet tug hon da bi! Je di jingat rin e, jahagom jintu kep duhui tut ba, jimiap dihyet ei jitingou nsi tu.”

NIBOU NDIG NYA GI NIGOM 8:43

lene ma angig atingou mem nihyet ei atimieisi ei gwamti ba, abuhup nihyet bit leu ningon kanti leu binhyepo tungwatu dihyeisi dini hagom ingon jo kep Nani lene mibit ahyet noyam kin nye di Ade limwa di mben Israel nibit ahyet. Lene mben ngkiai miyok ngon kep bipia Ade Ig di dingot dini ne gumihyep gom ngat mem tungwatu nya ikuk yok biNa eisi ri.

NIBOU NDIG NYA GI NICAN 1:10

Lene Elia buhup “Gino dani ne Allah de awak ningat-ngat rin lene nnaba, hum di cig-cai cut kwei leu mpia-bbed him biyem nani kin tentara nya di ibit na jahagom ba, jisar bijingwig ug. Hammi tirigi Elia pai nok rino hum cut biyem nibou tentara dima kin tentara ibou ningot muhwi di ibit pima yahagom ba, isar bingwig hak.”

NIBOU NDIG NYA GI NICAN 1:3

Noro tuhan de malaikati cuk Nabi Elia di bong Tisbe bipia suar noni ug um yo di Nibou Ndig Ahazia cuk yok pima bihig ser yok, “Allah hi ningat rin ei minu Israel bi apino bitig dino juug hig ser kwar Baal-Zebub ei minu ndig Ekron leu binhyepo ndo igbit tut nibou ndig nibokti di buhun pima e?

NIBOU NDIG NYA GI NICAN 1:6

Lene ibuhup “Pinai gom kwei um nye lene cuk nye biningkwei hanyen lene suar nipai biNa Di Anyeng Jei bipia tuhan simbot dat tut Na Di Anyeng Jei bipia Allah hi ningat rin ei minu Israel bi apino bitig dino acuk nye di nuug hig ser kwar Baal-Zebub ei minu ndig Ekron leu binhyepo ndo igbit tut abokti di buhun dima e? Lewo akei hanyen bi noro amai ug ri.”

NIBOU NDIG NYA GI NICAN 19:19

tuhan di nok nyende Allah e, ma ateu nye biningwes ngun leu mben Asyur inda nsi leu binhyepo jo nibreisi mem mben dihyeisi dini hagom bipia Nangkom ne Allah nijit ri.”

NIBOU NDIG NYA GI NICAN 20:11

Lene Yesaya ngat nadi bak tuhan lene tuhan bindei ba, mun di bindo tut mpia yaisi ningwes dima su jou hanyen kep ninghim dip ug ei niciusi simnai.

NIBOU NDIG NYA GI NICAN 5:15

Lene noni kin yo di igya kui noni yahagom ingkwei hanyen ug ei Elisa de biyati bipai binoni “Nogindini jo nibreisi mem da bipia mben Israel ide Allah Nongkom nok Allah di nijit. Andigpoi e, gino ace tut lene midikwas mun di kei ninyeng gom tut na.”

NIBOU NDIG NYA GI NICAN 5:8

Tirigi munhyet dini tibim ei Nabi Elisa nitingou nsi lene noni sok nihyet bak nibou ndig bipai binoni “Nggon rino na di Andigpoi angon buhun bibor i? Ma acuk no dima kwei ngat da leu api midindo brei binoni bipia nabi gom no rinaha ei minu Israel.”

NIBOHON MBEN ISRAEL GI NIGOM 29:18

tuhan Allah di didigup bat-didigai bat di Abraham kin Ishak kin Yakub yoni ikuk yok bak e, ma anyohou Ade limwa nya leu binhyepo ingon ngakei Nani kikau noyam kin ide ningon ngakei Nati mem njap di ammani. Ampu yok leu binhyepo ingon gom tut Nani bijo ninno bijo kikau.

NIBOHON MBEN ISRAEL GI NICAN 30:6

Ipinak tungwatu nya bigya bidem minu Yehuda kin minu Israel titut yam bit leu nibou ndig kin yo di igya kui noni icuk yokti leu binhyepo ittei srat di nibimbiti pai, “Limwa Israel jen, jingwes ngun leu mben Asyur inda nsi tu. Gima rino nogindini ma jingkwei hanyen ndam Abraham kin Ishak kin Yakub ide tuhan Allah di yoni ikuk yok bak. Ba, joom jenti bijinok awak mem Noni leu binhyepo Noni cem mikwei bimpu jeni hanyen.

MAZMUR 141:2

Ayai ditde nadi tereu nok biei nggrai di ui-gwang kei di dindig ei nimbar hum dokti kin dinda di disu tereu nok midut nindig mindhe titut kep humti mem mmun.

MAZMUR 83:18

Nnaba tungwatu nya ibindei binimmai kui yokti bijo ninno ba, igwam nidigitti bimai ei nipai yok kinei-kinausi cem,

NEHEI LEUSI 3:6

Dani ne adigup bat-adigai bat di Abraham kin Ishak kin Yakub ide Allah ri.” Gima rino Musa nggai kep ser niimaisi lewo ningwes mien tut gima ngat Allah ningat bou niyai him a.

NEHEI LEUSI 4:5

Lene tuhan cuk noni bu bipai “Ma ando mindur dima bak mben Israel nok mun di bindo bipia tuhan di nok idigup-idigai bat Abraham kin Ishak kin Yakub yoni ide Allah ndo Nonti bina tu.”

YESAYA 37:20

Nyende tuhan Allah e, ma ateu nye biningwes ngun leu mben Asyur dima inda nsi leu binhyepo ngkiai nya ei dihyeisi dini hagom ikan tut bipia Nangkom ngat he rino tuhan.”

YEHEZKIEL 36:23

Midindo dinyeng di jei bibor nikwes-kwausi di jibimangkrei bijico kep bidem jingkiaisi hagom bak ngkiai nya leu api mijo nibreisi mem yok bipia Dani ne tuhan ri. Da di tuhan Di Dinyeng Jei Bibor disimbot dat tu. Midiba jeni bindo bindo bak ngkiai nya bipia Da di tuhan Gom Ngat bidingon kwes-kwau.

YEHEZKIEL 39:7

Noro midindat kep dinyeng di kwes-kwau brei ei mben Israel ikieti bidibindei ba, map kui dinyeng dimati bu bi. Leu api ngkiai nya yahagom mikan tut bipia Dani ne tuhan ba, mben Israel ide Allah di Kwes-Kwau ri.”

DANIEL 12:11

Leu njap di nibon midut nindig mindhe ei nimbar hum dokti bikwop njap-njap dima kes hon ba, nijam di bibon ningon ttinti di ijem Nisibutti Di Bindei Map Kui tuhan De Ig tau lene nijam dima miyem njap sribu gom sratus can ningot muhwindatai.

DANIEL 8:13

Leu api dimiap malaikati gom di pai bak nisut malaikati hiter “Mun di singat brei tug hon ningat-hi-ngat dima mimbut bipek njap pig bu i? Sisar nindig dima mimbut bico kep midut gi nindig mindhe ei nimbar hum dokti bikwop njap-njap dima mbut bipek njap pig bu i? Nibou nggai dima mico kep tentara gwamti kin tuhan De Ig bipek njap pig bu i?”

DANIEL 9:21

Nipou tirigi dikes dihyet bigyo rino malaikati Gabriel di dingat bou diyai him tug hon ningat-hi-ngat pima dwop juk kwei biya simiak da. Noni kwei krau tirigi jam dem mem mben Israel ibon midut ei nimbar hum dokti mem mmunti.

MATIUS 22:32

‘Dani ne Abraham kin Ishak kin Yakub ide Allah ri.’ Noni ne Allah mem yo di imai su nya bi noro mem yo di igyaijo nya!”

YOHANES 11:42

Dikan tut bipia amiap dihyet bikwop mmun-njap noro dipai nok gima drek dip yo dini leu binhyepo ingon jo kep bipia Nani rino apinak Da kwei a.”

KISAH 10:30

Kornelius buhup “Njap ningai gi pini jug lene dingat nadi mem jam ningai di mpia caisi leu api tungwagom di juk sinsun di jinjit kei kwei ya kros ei doho bei.

KISAH 3:1

Mpe di gom ne Petrus kin Yohanes yuug ei Tuhan De Ig mem mpia caisi bit leu nok jam dino tungwatu idem yam ei mem ingat nadi.

EFESUS 1:17

leu binhyepo Allah di ide Tuhan Yesus Kristus kuk No bak dinok Icig di kei-kau-kei mikes Ninnei ei je dip. Leu api Ninnei dima miyai jingon di ki bimbot kep tut Allah ningonti bije leu binhyepo jiya um Noni ei jingonti.

EFESUS 3:14

Gima rino diba dibiau bicom mpia ei Icig Allah Noho bei.