NIBOU NDIG NYA GI NIGOM 18:29 - ALLAH NIHYET MEM TUNGWATU NYA

²⁹ Icot-cot nyen nok gima dem kep nok yo di mirei bon yok kikau ug bipek mpia caisi noro kwar di ikuk yok bak dima buhup ighyet ba, yok ngon kep yok bi sren.

NIBOU NDIG NYA GI NIGOM 18:29 ပူးပေါင်းရင်းမြစ်များ

NIBOU NDIG NYA GI NIGOM 18:26

Yoni idimig sapi nikre ningut gom ei bitin ei bidem tu. Lene ingat nadi bak kwar Baal leu njap bigyoti kikau bipek mpia huk pijum. Iba ighyet nindig bibor pai “Na di kwar Baal e, ma abuhup nyeni nihyet o!” Lene ipri-pri nyen bibikrop ttai ide nimbar hum dok noro kwar Baal di ikuk yok bak buhup ighyet bi.

NIBOU NDIG NYA GI NIGOM 18:36

Tirigi jam dem mem mben Israel ibon midut mpia caisi bit leu nok igyai kepti lene Nabi Elia kwei ya kui nimbar dima bingat nadi “tuhan Allah di Abraham kin Ishak kin Yakub ikuk yok bak e, ma ando bindo brei ei yo dini yahagom igyai him bipia anyeng tak kep mben Israel ba, dinok ade awak biditin ei mun dini yok hagom bit leu nok acuk dati cem.

NIBOU NDIG NYA GI NIGOM 22:10

Mpe dima lene Ahab kin Yosafat yahacem ijuk ide sinsun nibou ndig bigwam ei ide banggo mbrei dip kui dimbou hui ei Samaria dideu gumihyep gom di tungwatu nya illet gandum ninjep leu nisina bai eisi. Nabi pima yok yahagom ighyet kui yam bitri tut ide nimbot kep tut mun di mipek kep ei nidipti bu pima bijo ninno.

NIBOU NDIG NYA GI NIGOM 22:12

Lene nabi nindigsi nya cem yahagom indat kep nihyet dima bu bipai “Andigpoi e, gino ahwen minu ndig Ramot lene Allah mibindei ba, yo dima micut bak na di Andigpoi ri.”

MAZMUR 115:4

Ngkiai nya iba perak kin mas bibon ide kwar di ikuk yok bak bou inda him.

MAZMUR 141:2

Ayai ditde nadi tereu nok biei nggrai di ui-gwang kei di dindig ei nimbar hum dokti kin dinda di disu tereu nok midut nindig mindhe titut kep humti mem mmun.

NEHEI LEUSI 29:39

Ibui domba ningut gom ba, indig kep hum mem njap bigyokti lene ibui bihi mem mmunti.

NEHEI LEUSI 29:41

Nok gima cem tut domba di indig kep hum mem mmunti bitut tepun kin mini zaitun kin ba anggur ngei cem. Gini ne mun di ikwas tut Da tug hon hum rin ba, midijoi sut ninghap di ngge kei dima.

NEHEI LEUSI 8:14

Lene mben Mesir iroi hagom kok yam bikui sur mpia ei apino minu dima hagom mpiei bibor.

YESAYA 16:12

Mben Moab igruap nikui mbigdip ug ei ide mpia di ibon midut bingat nadi bak ide kwar di ikuk yok bak eisi. Noro nadi di ide dima hi gi miap bi.

YESAYA 46:7

Noni cim kwar nimbumbati nya eisi leu api tas ei nijoti ba, bit bon kwar dima son-son nyen biya ser kan bi. Gino tungwagom ngat nadi bak lene bit bon kwar buhup nihyet biteu noni leu mun di buhun di cut igkep noni kan bi.

DANIEL 9:21

Nipou tirigi dikes dihyet bigyo rino malaikati Gabriel di dingat bou diyai him tug hon ningat-hi-ngat pima dwop juk kwei biya simiak da. Noni kwei krau tirigi jam dem mem mben Israel ibon midut ei nimbar hum dokti mem mmunti.

GALATIA 4:8

Nipou lene jikan tut Allah bi. Noro jinok awak mem ninnei nya di tungwatu nya ikuk yok bak lo, ninnei dima yok hagom ninnei nitrowai he.

SAMUEL GI NIGOM 10:5

Lene ambut kikau ug bipek Allah de nungug tou Gibea leu api angat prak meng yati di mben Filistin ide. Tirigi aug krau dimbou hui ei minu dima lene aum nabi nya nimpung gom di sindi ijuk kwei leu nimbar hum dok ei nungug tou dima. Yoni mikek nggong nya kin ndug nya kin porei nya kin nggong mbrei nya tirigi ipri-pri nyen ba, imbos-hi-mbos.

SAMUEL GI NIGOM 18:10

Njap di hyep bu tirigi Saul gwam ei nide ig bikrau micim gom ei nindati rino Allah pinak ninnei rom gom kwei hwen bit noni bibindei ba, mirei bon ba, nintin kiek cem. Mpe dima lene Daud kek nide nggong mbrei bit leu nok niyai kepti.