NIBOU NDIG NYA GI NIGOM 18:26 - ALLAH NIHYET MEM TUNGWATU NYA

²⁶ Yoni idimig sapi nikre ningut gom ei bitin ei bidem tu. Lene ingat nadi bak kwar Baal leu njap bigyoti kikau bipek mpia huk pijum. Iba ighyet nindig bibor pai “Na di kwar Baal e, ma abuhup nyeni nihyet o!” Lene ipri-pri nyen bibikrop ttai ide nimbar hum dok noro kwar Baal di ikuk yok bak buhup ighyet bi.

NIBOU NDIG NYA GI NIGOM 18:26 ပူးပေါင်းရင်းမြစ်များ

NIBOU NDIG NYA GI NIGOM 18:24

Lene ma Baal de nabi nya ingat nadi bak ide kwar Baal di ikuk yok bak leu api midingat nadi bak tuhan. Gi hi di buhup ighyet tug hon gi pinak hum kwei leu mpia-bbed him kwei ne Allah nijit ri.” Lene mben Israel yahagom imbos-hi-mbos bipai “Nice tut ade nicuk nyeti!”

NIBOU NDIG NYA GI NIGOM 18:25

Lene Elia pai bak kwar Baal de nabi nya “Ma jidimig jide sapi nikre ei bijitin ei bibie lewo jimang bibor noro ma jiba hum bipindei au. Lene ma jingat nadi bak jide kwar Baal di jikuk je bak.”

NIBOU NDIG NYA GI NIGOM 18:27

Mpia huk pijum rino Elia sindi ba yok bikek bipai “Jikon jihyet nindig bibor bu! Noni ne kwar di jikuk je bak rin bi e? Mpaba noni mmou-mmou nyen e, he ug gumuhukti e? Mpaba noni mbut ug ei minu ting tu e, he bong mai su apino suar jiwin noni e?”

NEHEI LEUSI 8:14

Lene mben Mesir iroi hagom kok yam bikui sur mpia ei apino minu dima hagom mpiei bibor.

YESAYA 37:38

Mpe di gom tirigi ug kuk no bak Nisrokh di nide kwar ei kwar dima nibousi lene nipmot bat cin di Adramelekh Sarezer nya iba singau simeda biyai nimai bak. Igyai nimai bak leu su lene inang kikau ug ei minu Ararat. Leu api Esarhadon di Sanherib nipmot kui bigwam nok nibou ndig biya luei nohoti.

YESAYA 44:17

Lene noni heu biei nindigsi nok kwar bikuk no bak bikon ninyeng. Lene ngat nadi bak bipai “Nani ne ditde kwar di dikuk da bak rin ba, ateu da bidingwes ngun!”

YESAYA 45:20

tuhan pai “Je di timiei ngkiai nya di jingwes ngun e, ma jinduk yam kwei! Yo di ittei yam kui-juk nyen tut ide kwar nya bingat nadi bak ide kwar di bit bon teu yok bingwes ngun kan bi yahagom ingon mbum bibor.

YESAYA 46:7

Noni cim kwar nimbumbati nya eisi leu api tas ei nijoti ba, bit bon kwar dima son-son nyen biya ser kan bi. Gino tungwagom ngat nadi bak lene bit bon kwar buhup nihyet biteu noni leu mun di buhun di cut igkep noni kan bi.

YEREMIA 10:5

Kwar dima dem kep nok tungwatu di nijit bi nya di imbrap kan bi ba, imbut imig cem kan bi di itas ei miai bimen dumti. Ba, suar tungwatu nya ikon-kon nyen yok he. Gima rino ma jittin mun dima yok au. Lewo dem mem gima ibon mun di kinei sut je ba, isindem mem gima ibon mun di kei sut je cem kan bi.”

DANIEL 5:23

Andigpoi e, angon jei bibor bou tuhan ei gwamti niyai him tirigi aba angon di jei bicuk ade limwa nya bipia ikon mok kin bokor nya po acig pos kwei leu tuhan De Ig pima kwei. Nani kin yo di inyeng jei di igya kui na kin atnem ndig nya kin atnem mien nya jahagom jidut ba anggur ngei eisi. Leu api jinggei sut kwar di tungwatu nya iba mas kin perak kin ngkimom-tembaga kin ngkimom nitu kin biei kin tig bibon. Mun di jikuk je bak dima yok igyai tu ba, itingou nam cem ba, ingon mbum cem. Anggei sut Allah di ndo igbit ade njap nijeisi kin ningwigsi bina bi. Ba, Nongkom he rino ninyeng tak kep ayai munti nya.

HABAKUK 2:18

Kwar di tungwatu nya ibon bou inda him dima kei mem mindei i? Kwar dima ris tungwatu nya ei nikineisi. No di bon kwar bou ninda him ba ningon com kwar dima mikuisi lewo bit bon kwar dima buhup nihyet kan bi!

HABAKUK 2:19

Jitug ndei nisigion jeti tu! Lewo jipai bak biei ttou gom “Ada ayai ba, akiju!” Lene jipai bak tig nindig nindak gom “Akiju ba, aya!” Kwar dima sindem mem gima mbot kep tut mun nyeng gom bijeni e? Mbro nok gino jiba perak kin mas binggai kep kwar dima lo, ninnei joti bi.

MATIUS 6:7

Tirigi jingat nadi lene ma jindat-ndat wai dem kep yo di igwam Allah ninghim au. Yo dima ikan bipia Allah miap ide nadi di yuhuk kikau.

KORINTUS GI NIGOM 12:2

Jikan tut bipia tirigi jingon tindur yo ne kwar di ibon innei bi nya iris jeni ei nikineisi ba, jisrawir.

KORINTUS GI NIGOM 8:4

Tut munhyet niyem mikwau di ipigig ser ei mem ide kwar ne ikan tut bipia kwar bon ninyeng bindo tut mun di ningat rin bi. Ikan tut bipia Allah gom ngat he ba, hiter ningat rin bi sren.

SAMUEL GI NIGOM 5:3

Njap di hyep bu lene timiei Asdod nya icem kep ide kwar Dagon mem gwam ntuisi bingat lo, kwar dima tti ug ei dihyeisi biba ningwak bikik dihyei ei Brua Gi Preu nuhui a. Gima rino ikon Dagon kui bitas bijo nijoti hanyen.