NIBOU NDIG NYA GI NIGOM 18:10 - ALLAH NIHYET MEM TUNGWATU NYA

¹⁰ Diba neheng bipai tug hon ade tuhan Allah di niyaijo ninyeng bipia nibou ndig nggok ser na kikau ug ei dihyei nisurti-nipekti tu. Tirigi nibou ndig hi buhup nihyet bipia abong ei nide minu dima bi lene Ahab bidip huk ba, suar nibou ndig dima ba neheng bipai bipia noni kin nide limwa nya ingat angat ei nide minu dima bi sren.

NIBOU NDIG NYA GI NIGOM 18:10 ပူးပေါင်းရင်းမြစ်များ

NIBOU NDIG NYA GI NIGOM 1:29

Lene noni pai bak Batsyeba “Dipreu ei mem nani tug hon tuhan di niyaijo di teu da bidingwes ngun leu mun di buhun di cut igkep da hagom pima,

NIBOU NDIG NYA GI NIGOM 17:1

Mpe di gom lene nabi Elia leu Tisbe ei hanjop Gilead ug pai bak Nibou Ndig Ahab “Andigpoi e, dinok awak mem mben Israel ide tuhan Allah di niyaijo. Dipai tug hon Nonti ninyeng bipia hon kep ammani kui lene mpia ngei ndung ba, nggou mipren leu dihyei ninjek dip kikau mem ari bingwam can ningai dini kui bibo danti dipai sut hanyen ug e.”

NIBOU NDIG NYA GI NIGOM 17:12

Lene kibom dima buhup “Dipai bina tug hon ade tuhan Allah di niyaijo ninyeng bipia roti hi jo bida bi. Ditde tepun dem ikam inda nitun gom ngat he di jo ei mokti kin mini zaitun ampou nijou he di jo ei ig bei. Sindi dikwei rop biei leu api midingkwei sut ug ei ig bei leu api midingei njita poi mien dima mem dipmot nyeni. Tirigi niyem njita dima bingwig leu nye lene nibet ningon mem gima nimai ninggum hak.”

NIBOU NDIG NYA GI NIGOM 17:5

Lene Elia bit tuhan nicuk noti buug ei Minyei Pmot Kerit bibong ei mpia dima.

NIBOU NDIG NYA GI NIGOM 17:9

“Nogindini ma aug bong ei minu ndig Sarfat dideu hanjop Sidon lewo dipingok sop kibom di bong ei sirima ningonti leu binhyepo noni ngei njita hi bina ba, ayem.”

NIBOU NDIG NYA GI NIGOM 18:11

Nogindini acuk da ba, duug pai binoni bipia akwei krau minu dini tu e?

NIBOU NDIG NYA GI NIGOM 18:15

Lene Elia buhup “Dipreu ei mem na tug hon tuhan Di Sindem Bibor di dikuk da bak ninyeng bipia njap di ammani midiya ei nibou ndig noho bei.”

NIBOU NDIG NYA GI NIGOM 18:9

Noro Obaja buhup “Dibon mun ndei tunggwei sut na di Andigpoi dima bindei ba, ma acuk da hanyen ndam Nibou Ndig Ahab leu binhyepo noni yai nimai bida i?

NIBOU NDIG NYA GI NIGOM 2:24

tuhan kon da bikes da ei dicig Daud de banggo mbrei ba, Nide nipreu ei mem dati pek kep mem da tu. Noni bindei ba, dani kin ditde nintun him di bram yam inyeng mitak kep mben Israel. Deheng bitug hon tuhan di niyaijo ninyeng bipia Adonia mitug ndei nimai mem njap di ammani ug ri!”

NIBOU NDIG NYA GI NIGOM 22:14

Noro Mikha buhup “Diba neheng tug hon Allah di niyaijo ninyeng bipai bipia miditri tut Allah nipingok dati he!”

MAZMUR 10:2

Yo di isibut iba ingon di jei bico kep yo di yuhui mbum nya. Abindei ba, ide jala mikat yonti hanyen drek dip.

MAZMUR 31:20

Ade nisingat tut tungwatuti di atin ei mem yo di ittin tut Nani dima nindig bibor! Tungwatu nya yahagom ingat Ade nisingat tut yo di igya coi Na.

MAZMUR 91:1

No di bisau ndam Allah Di Ninyeng Jei Bibor di miya srak ko hagau noni kin no di ya coi Allah Di Sindem Bibor,

YEREMIA 36:19

Leu api icuk noni “Suar Yeremia jeni jinang bijiku je nyahan. Ma hiter kan tut mpia di jiku je eisi au.”

YEREMIA 36:26

Lene noni cuk nipmot Yerahmeel kin Seraya di Azriel nipmot kin Selemya di Abdeel nipmot leu binhyepo ikwei kat dani kin ditde sekertaris di Barukh ba, nisima. Noro tuhan ku nye nyahan leu yok.

YOHANES 8:59

Gipai nok rino mben Yahudi iteu tig mem gima ibihwen Noni. Noro Noni ku No nyahan bimbut leu Tuhan De Ig.

SAMUEL GI NIGOM 23:23

Gima rino ma jiyok jiyai kep hak mihyeti di ku no kikep eisi nya mungkun kei leu api jingkwei hanyen kwei ba, jipai sut bida haninyai leu api midibit je. Mbro nok gino diya kep hanjop Yehuda titut yam bidinggek lo, midikat noni he.”

SAMUEL GI NIGOM 29:6

Lene Akhis hig Daud kwei bipai bak “Deheng bitug hon tuhan di niyaijo ninyeng bipia nani ne no di ningon gom ri. Gima rino dijoi sut gima aya kui da ba, sikon pran dini. Lewo dingat atunggweisi hi ei nimbie him tirigi po akwei bong bit da pini jug kikau kwei bipek ammani kep bi. Noro nibou ndig nindigsi nya ijoi sut nani bi.