NIBOU NDIG NYA GI NIGOM 17:18 - ALLAH NIHYET MEM TUNGWATU NYA

¹⁸ Gima rino kibom hig ser Elia “Andigpoi di anok Allah de awak e, nggon rino abon mun di kinei bibor dini tut da i? Akwei bong bit nye leu binhyepo abindei ba, Allah yok ngon kep ditde sisar bibindei ba, dipmot mai drek dip sisar dima e?”

NIBOU NDIG NYA GI NIGOM 17:18 ပူးပေါင်းရင်းမြစ်များ

NITRITI 44:16

Lene Yehuda buhup “Andigpoi e, bit bon nibirop ahyet kan bi. Notou minimbrap gau nyenti binindo bipia ningon sren i? Allah ndo brei binye bipia ningon mui su. Nogindini nahagom ninok awak mem na di Andigpoi bu. No di ade mok perak jo kron nideti he bi.”

NITRITI 50:15

Niabiati tirigi icig mai leu yok tu lene Yusuf nikindig bat nya ihig yam “Gino Yusuf no ningon sibui sut nye bibirop binye drek dip mun di ibon tunggwei sut noni lene notou mem nye i?”

NITRITI 50:17

noni pingok nyeni ningonti nok gini. Suar nahara bina leu binhyepo akos ser nyende sisar di nibon tunggwei sut na. Gima rino nibon nyenti nok awak mem icig de Allah ba, ma akos ser mun di nibon tunggwei sut na pima hak ug.” Tirigi Yusuf miap ighyet di isok kwei binoni lene noni pim ba, niyai nggwei kibor.

SAMUEL GI NICAN 16:10

Noro nibou ndig pai bak Abisai kin nikindig Yoab nya “Nok ug e. Ma jingon kui mem gi jiyai hukum bak au. Jisindui sut ba, noni mbriom da hak. Leu gino tuhan bie tut noni nok lene tou ridem mem gima hig ser Noni tut i?”

SAMUEL GI NICAN 19:22

Noro Daud buhup bipai bak Abisai kin nikindig Yoab nya “Tou rihig ser jeni tut jingon kanti i? Mijibindei ba, mun di buhun cut igkep da bu e? Nogindini dani ne nibou ndig mem mben Israel yahagom hanyen bu ri. Gima rino dipai ser ba, timiei Israel hi mitug ndei nimai njap di ammani bi.”

NIBOU NDIG NYA GI NIGOM 12:22

Noro Allah sok nihyet ei Nabi Semaya dip,

NIBOU NDIG NYA GI NIGOM 13:1

Mpe dima lene nabi gom ningat rin ei minu Yehuda. tuhan cuk noni leu binhyepo ug ei minu ndig Betel. Noni ug ba, ug krau hammi tirigi Yerobeam ya kui nimbar hum dok bibon midut nindig mindhe titut kep humti.

NIBOU NDIG NYA GI NIGOM 17:17

Bed poi ser leu api kibom pima nipmot nggwen bibor bijo ninno leu api mai kep yok.

NIBOU NDIG NYA GI NIGOM 17:19

Lene Elia buhup “Akon apmot ningut kwei bida.” Leu api Elia kon ningut leu kibom dima nindati lene noni kon bikui sut ug ei nide nghim nsi ei ig ninjek dip hu kwei bikes ningut bibong ei nonti nibongti.

NIBOU NDIG NYA GI NIGOM 18:9

Noro Obaja buhup “Dibon mun ndei tunggwei sut na di Andigpoi dima bindei ba, ma acuk da hanyen ndam Nibou Ndig Ahab leu binhyepo noni yai nimai bida i?

NIBOU NDIG NYA GI NIGOM 20:28

Mpe dima lene nabi gom kwei ngat Nibou Ndig Ahab bipai bak “tuhan pai ‘Tentara Siria dima ikan bipia disindem tirigi Dingat rin ei hanjop nungug him lo, tirigi Dingat rin ei briep bou him lene disindem bi. Gima rino midibindei ba, jibindei timek ide tentara di nindig bibor dima yahagom ug ri. Mijo nibreisi mem nani kin ade limwa nya cem bipia Dani ne tuhan ri.’ ”

NIBOU NDIG NYA GI NICAN 1:9

Lene noni cuk nibou tentara gom bitut nide tentara ibou ningot muhwi leu binhyepo yuug kat Elia kwei. Nibou tentara dima ug ba, tau kep Elia di gwam ei mbigdip gom lene pai bak “Na di Allah de awak e, nibou ndig cuk nani bipia ajuk kwei!”

NIBOU NDIG NYA GI NICAN 3:13

Tirigi ikwei ngat Elisa tu lene noni pai bak nibou ndig mem mben Israel “Nggon rino akwei hara da leu binhyepo dimpu na i? Aug hara ade ndigpoi nya ide nabi pima yok leu binhyepo impu na hak ug.” Noro Yoram buhup “Nok bi! Lewo tuhan rino kos tut binye bipia mikes nyeni nibou ningai dini ei nibou ndig mben Moab nindati a.”

NIBOHON MBEN ISRAEL GI NICAN 35:21

Noro Nekho sok nihyet kwei bak bipai “Nikon pranti dini bitut na di anok nibou ndig mem timiei Yehuda nya bi! Dikwei mem gima dikon pran bit ditde siceu nya. Allah bidip huk da leu binhyepo dikon pran didiyam ba, Noni tti kin da. Gima rino ma abigen ser Allah ningon kanti dini au. Leu ma Allah bindei mai nani.”

AYUB 13:23

Mun di ditunggwei sut kin sisar di dibon nya nimangti pig i? Ma ambot kep ditde nitunggweisi nya hagom bida!

AYUB 13:26

Akos tut mun di mpo-mpam di cut igkep da. Abindei ba, suar dibiang nibuhunti drek dip ditde niyai mun tunggweisi ei mpe di po dipilei yo pima.

MBEN ISRAEL IMBUT-MBUT NYEN 5:15

lene suar no dima buwak nitnem ug ei imam noho bei bipwoi tepun kilo gom bit leu nok nicukti tut munkwas dima. Lene ma imam dima hug mini zaitun kin biei nggrai di ui-gwang kei bibahap tepun dimati au. Lewo gima ne munkwas di leu nijjep di ba ningon ko nitnem pima rin ba, noni ba nibon midut dima binggok tut nitnem ningon ngunti kin ningon muisi.

MATIUS 8:29

Yahacem yehei leu jui dip di hak mihyeti di ibong-bong nyen eisi bimbrua Yesus bipai “Na di Allah Nipmot e, anggon ndei nye i? Akwei hwen bit nye nipou tirigi tto bou dem bigyo e?”

MARKUS 5:7

Lene ba nihyet nindig bibor bahara “Na di Yesus di Allah Di Ninyeng Jei Nipmot rin e? Akwei nggon ndei da i? Dahara ser Na tug hon Allah ninyeng bipia ma ahwen bit da au!” (

MARKUS 6:16

Tirigi ninghapti dima tibim ug ei Herodes nitingou nsi lene noni pai sut Yesus “Noni ne Yohanes di tur tungwatu nya ei minyeiti po dicuk tentara nya ba, yuug birop nibou leu pima rin lo, kiju hanyen leu nimai eisi tu!”

LUKAS 4:34

“Na di Yesus timiei minu ndig Nazaret e, anggon ndei nye i? Akwei hwen nye e? Dikan tut anyeng tu. Nani ne No di kwes-kwau dino Allah cuk kwei ri!”

LUKAS 5:8

Tirigi Simon ngat mindur dini bou niyai him rino kuk no ei Yesus nimig him bipai biNoni “Andigpoi e, ma akes da hak ei lewo dani ne no di bon sisar ri!”

LUKAS 8:28

Tirigi noni ngat Yesus lene cot bikuk no ei nimig him leu api ba nihyet nindig bahara “Nani ne Yesus di Allah Di Ninyeng Jei Nipmot rin e? Akwei nggon ndei da i? Dahara ser Na bipia ahwen bit da au!”

YOHANES 2:4

Yesus buhup “Amei e, acuk Da au. Lewo tto bou mem dikinyon ei Ditde midyaiti dem bigyo.”

NIJAM NIKEI NYA 13:6

Lene sop dima ug pai bak nijjep “Allah pinak tungwagom bikwei ngat da bidingat lo, niimaisi dem kep nok malaikati leu gwamti apino dittin nindig bibor. Dihig ser noni tut nikwei leusi bi lene noni ndat kep ninyeng bida cem bi.

SAMUEL GI NIGOM 16:4

Lene Samuel yai hagom bit leu nok tuhan nicuk noti leu api mbut ug ei Betlehem. Noni kwei krau lene nibou minu dima nya iba inghuisi di mpig sut kwei um noni bihig ser “Andigpoi di akan huk mindur kan e, aba angon di kwes kin nye bikwei cem kep nyeni e?”