NIBOU NDIG NYA GI NIGOM 17:12 - ALLAH NIHYET MEM TUNGWATU NYA

¹² Lene kibom dima buhup “Dipai bina tug hon ade tuhan Allah di niyaijo ninyeng bipia roti hi jo bida bi. Ditde tepun dem ikam inda nitun gom ngat he di jo ei mokti kin mini zaitun ampou nijou he di jo ei ig bei. Sindi dikwei rop biei leu api midingkwei sut ug ei ig bei leu api midingei njita poi mien dima mem dipmot nyeni. Tirigi niyem njita dima bingwig leu nye lene nibet ningon mem gima nimai ninggum hak.”

NIBOU NDIG NYA GI NIGOM 17:12 ပူးပေါင်းရင်းမြစ်များ

NITRITI 21:15

Tirigi ide minyei ngwig leu yok tu lene Hagar kuk nipmot ei war behei.

NITRITI 21:16

Lene pri bikuk no bigwam ei ting nok meter sratus gom leu api kan “Ayo! Siyai kou gima singat mot side dima mai o! Pai nok lene niyai nggwei kibor.”

SAMUEL GI NICAN 15:21

Noro Itai buhup “Andigpoi e, diba neheng bipai bina tug hon tuhan ninyeng bipia mbro nok gino ditug midut lo, midibit na bidem ambutti nya hagom.”

NIBOU NDIG NYA GI NIGOM 17:1

Mpe di gom lene nabi Elia leu Tisbe ei hanjop Gilead ug pai bak Nibou Ndig Ahab “Andigpoi e, dinok awak mem mben Israel ide tuhan Allah di niyaijo. Dipai tug hon Nonti ninyeng bipia hon kep ammani kui lene mpia ngei ndung ba, nggou mipren leu dihyei ninjek dip kikau mem ari bingwam can ningai dini kui bibo danti dipai sut hanyen ug e.”

NIBOU NDIG NYA GI NIGOM 17:11

Tirigi kibom dima sindi ug tau minyei mem noni lene Elia hig bram noni “Ma aki roti poi mien cem bida bidiyem e?”

NIBOU NDIG NYA GI NIGOM 17:13

Lene Elia pai bak “Amei e, ma angon ku na tut au! Aug ba, angei njita mem jenti jiyem hak ug. Noro ma akang roti nindak mien gom ba, attei kwei bidiyem nipou ug e leu api angei niken mem apmot jeni bijiyem kep jingguma.

YEREMIA 14:18

Tirigi duug ei beisi nya lene dingat lo, tentara nya ingut mang bibor. Tirigi dicoi ug ei minu ndig nya lene dingat tungwatu nya di ninggum hwen yok. Nabi nya kin imam nya igyai kep ide midyai di suar igyai nya noro ingon dorti tut mun di igyai nya bi.”

YEREMIA 4:2

Gino jeheng bitug hon dinyeng ba, jiba ningon srenti kin ningon gomti kin niyaijo igbitti biyai niyai munti lene ngkiai nya yahagom miyahara Da leu binhyepo dinjei mun di kei bak yoni drek dip leu api ibikon dinyenga.”

YEREMIA 5:2

Mbro nok gino jipai bipia jikuk je bak tuhan noro jiyai igbit jipaisi dima bi.

NIBWOS-BWOS NYENTI 4:9

Yo dima icut ei nikineiti ba, inyohou tug ndei nimai poi mien bijo kep yok kikau lewo ide njita hi bi bibor o! Yo di igyai nimai didiyam tug hon nikon pranti nya itug ndei mun di kei dor njiriek yo di imai inggum nya o!

MATIUS 26:7

Tirigi igyem kep njita bit yam lene sop gom bisau bikwei sut ampou mini mbris nuut gom di nibok kak bibor bikiber ei Yesus nibouti.

SAMUEL GI NIGOM 14:39

Dipreu ei tug hon Allah di niyaijo di bindei ba, ide siceu nya icut bak nyeni ninyeng bipia mbro nok gino no di ningon mui dima ne dipmot Yonatan rin lo, suar no dima tug ndei nimai.” Pai nok noro hi hap niji bimbrap bi.

SAMUEL GI NIGOM 14:45

Noro nide limwa nya isrep bipai “E bi! Nggon rino Yonatan mitug ndei nimai i? Noni ribindei dino ide siceu nya yahagom icut bak nyeni tu! Nipreu kep na di Andigpoi tug hon Allah di niyaijo ninyeng bipia Yonatan nibou nta gom mipror leu noni bi. Lewo noni bindei ba, ide siceu icut bak nyeni mem njap di ammani tug hon Allah di sindem tut noni.” Gima rino nide limwa nya iteu Yonatan ba, ningwes ngun leu hukum nimai.

SAMUEL GI NIGOM 20:21

Lene midicuk ditde awak bipia ug nggok tibor dima yok. Gino noni ug nggok lo, dipai ‘Tibor cut nite dini kwei ba, ayai kwei bida!’ ne mijo nibreisi mem na bipia mun di buhun micut igkep nani bi apino ma akiju kwei ndam da. Deheng bitug hon Allah di niyaijo ninyeng bipia mun di buhun micut igkep nani bi.

SAMUEL GI NIGOM 20:3

Noro Daud buhup “Acig kan bipia singon ce yam bi. Gima rino noni kos tut bipia ndo ningon kanti tut da bina bi leu gima mibindei ba, angon buhun bibor. Deheng bitug hon tuhan di niyaijo ninyeng bipia dikan tut bipia diyaijo ningwig honti dideu kwei su!”

SAMUEL GI NIGOM 25:26

Allah cuon ser na di Andigpoi leu gima aba angon di nggruet bibuhup hanyen kin niyai nimai bak na di Andigpoi ade siceu nya. Na di Andigpoi e, nogindini ade awak di dani deheng bitug hon tuhan di niyaijo ninyeng bipia nnaba na di Andigpoi ade siceu nya bitut no di joi sut yai nimai bina yahagom ide mun di cut igkep yok noyam kin mun di cut igkep Nabal.

SAMUEL GI NIGOM 26:10

Lene Daud binut nihyet bu bisimbot dat “Dikan mungkun tug hon tuhan di niyaijo ninyeng bipia tuhan Nonti miyai nimai bak Saul tirigi nide njap ngon bou dem mem gi mai e, he tirigi ug kon pran lene bitug ndei nimai e.