NIBOU NDIG NYA GI NIGOM 16:31 - ALLAH NIHYET MEM TUNGWATU NYA

³¹ Noni bon sisar noyam kin Nibou Ndig Yerobeam nide sisar he bi noro kum eisi bu tirigi noni wak Izebel di Nibou Ndig Etbaal leu Sidon nipmisop ba, kuk no bak kwar Baal cem.

NIBOU NDIG NYA GI NIGOM 16:31 ပူးပေါင်းရင်းမြစ်များ

NITRITI 30:15

Lene Lea buhup “Gi po ayai dijjep leu da pima dem mem na bi e? Nogindini ma ayai mpam ndum di dipmot ndung kwei bida cem bu e?” Lene Rahel pai binoni “Gino akwas mpam ndum di apmot ndung kwei bina gom-gom tut da lene midisindui sut gima Yakub hwou biyem njita tut na mem mmun di ariman.”

NITRITI 6:2

Lene timiei gwamti nya ibou poi ingat sop dima yok lo, sop di ubbu ningkom leu api iwak sop di ingon ngakei nya.

NIBOU NDIG NYA GI NIGOM 18:18

Noro Elia buhup “Dani rino dibindei di minu Israel hagom kinei bibor bi! Na di Andigpoi kin acig jeni rijibindei di minu Israel hagom kinei tirigi jikuk je bak kwar Baal bijibit tuhan nicuk jeti nya bi.

NIBOU NDIG NYA GI NIGOM 18:19

Nogindini ma anduk mben Israel yahagom ba, ikwei um da ei Nungug Karmel. Ma abuwak nabi Baal nya ibou sratus bitai ningot muhwi kin nabi Asyera ibou sratus bitai di nibou ndig sop Izebel hati tut yok nya cem yahagom kwei.”

NIBOU NDIG NYA GI NIGOM 18:4

Tirigi Izebel kinyon ei niyai nimai bak tuhan de nabi nyati lene Obaja jem nabi nya ibou sratus gom kwei bikwas yok ei nimpung can biku ibou ningot muhwi ei dihyei nyem gom lene ku ibou ningot muhwi bu ei dihyei nyem gom bu. Lene noni ba njita kin minyei binyohou yok cem.)

NIBOU NDIG NYA GI NICAN 10:18

Yehu hig limwa Samaria nya yahagom kwei ba, idem yam ei gom leu api pai sut biyok “Ahab gibrim ningkek mungkun mem Baal haigtu bi. Noro midibrim dingkek mem Baal dor tunggwei noni ug ri.

NIBOU NDIG NYA GI NICAN 17:16

Lene igyai mun tunggwei ide tuhan Allah nicuk yokti nya hagom. Iba ngkimom-tembaga di indig bijet bibon kwar sapi ningut can bikuk yok bak ba, ibon kwar nisop Asyera cem ikuk yok bak ham mpia-bbed him nya ba, ikuk yok bak kwar Baal cem hagom.

NIBOU NDIG NYA GI NICAN 21:3

Manasye win mpia di tungwatu nya ikuk yok bak kwar eisi nya hagom di nicig Hizkia ya kep binggek ningwig pima hanyen. Lene win nimbar hum dok nya mem gima bibon midut nya bak Baal. Lene bibon kwar sop Asyera bit leu nok Ahab di nok Nibou Ndig mem mben Israel nibon kepti pima cem. Manasye kuk no bak ham mpia-bbed him nya cem.

NIBOU NDIG NYA GI NICAN 3:2

Noni bon sisar di kinei bibor tut tuhan. Noro bon sisar dor njiriek sisar di nicig Ahab kin nipmem Izebel ibonti bi. Noni nggek kwar di nicig win mem bikuk no bak kwar Baal pima.

NIBOHON MBEN ISRAEL GI NICAN 17:4

Noro kuk no bak Allah Nongkom ngat he bibit nicukti nya hagom. Niyai munti nya noyam kin nibou ndig mben Israel igyai munti nya bi.

NIBOHON MBEN ISRAEL GI NICAN 21:13

Noro Na Di Andigpoi ayai bram nibou ndig mben Israel igyaisi. Lene abindei ba, timiei Yehuda kin timiei Yerusalem nya iba ingon di gom bibit Allah bi. Na Di Andigpoi abon munti noyam kin Nibou Ndig Ahab kin nibou di igya luei nohoti nya ibon munti nya. Lene gima he bi lewo mbro nok gino akinjoi bat ningat pima yok igyai munti nya kei dor njiriek Na Di Andigpoi ayai munti nya lo, ayai nimai bak yahagom hak.

YESAYA 7:13

Lene Nabi Yesaya pai “Gi nok lene je di jintun Nibou Ndig Daud him e, ma jimiap kep dihyet! Gino jibingon tungwatu nya tut gima yoom ingon tut jeti bidem bigyo apino jibingon Allah cem tut gima om ningon tut je bu e?

YEHEZKIEL 16:20

Leu api abui amunggwom bat pinai nya kin sop nya ba, andig yok ei nimbar hum dokti leu api abikuk na bak kwar nya. Ade ningon gom tut da bisi dima dem mem nani bi e?

YEHEZKIEL 16:47

Angon cut hon gino aco bram icoti ba, ayai bram igyaisi di bindei ba, igyai ttin ningat dima e? Angon cut hon bigyo! Jei bi ne ayai munti nya kinei bibor dor njiriek yo dima igyai munti bu.

YEHEZKIEL 34:18

Lewo jibou poi jingon cut hon gi jiyem kep abris di kei bibor he bi noro jico kep gi hi di jiyem bi ariwace kindi-kindok! Jidut minyei di pimbai kei he bi noro jico kep minyei di jidut bi bijibindei nghet!

YEHEZKIEL 8:17

Lene tuhan pai bida, “Na di tungwatu di ayaijo kikau bi e, angat gima tu e? Timiei Yehuda dini ingon cut hon gi ibon mun di bindei di igyai ttin ningat dima he bi. Ba, ibon mun di kinei bibor di bit bon tungwatu ibonti bi pimo bidem minu dini nisurti-nipekti hagom he bi noro igyai ibou tut ei mpia dini ei Ditde Ig. Igyai munti dima bindei ba, digga bibor bidor njiriek bu. Angat i! Ibibon dinyeng kinei tug hon igyai munti di kinei bibor dini!

HOSEA 2:15

Midingkwei nide miai ba anggur nghousi hanyen binoni bidibindei ba, nide Mbang Briep Ningon Buhunti luei nitta binok dimbou niyok ningon memti. Noni miya um Da ei sirima noyam kin nijam di noni sindi kwei leu Mesir nok sop gwam nitta pilei.

MBEN ISRAEL IMBUT-MBUT NYEN 16:9

Apo jikan bipia gi po Allah mben Israel dimig jeni leu mben Israel ikieti leu binhyepo jidideu Noni cem jiyai midyai ei Nide Prak Meng nsi bijiyai midyai mem mben Israel bijahati tut yok cem ba, gima hagom bon ninyeng bi e?

NINDAT KEP TUHAN NICUKTI NYA 7:1

“tuhan di nok jide Allah mibuwak je ug ei minu ttou nsi gom leu binhyepo jidigek kep minu dima nisurti-nipekti. Lene Noni mijji ngkiai nya imang bibor leu minu dima. Noni mijji mben nindig bibor muhwindacan di isindem bibor dor njiriek je cem bou jiyai him. Yo dima rino mben Het kin mben Girgasi kin mben Amori kin mben Kanaan kin mben Feris kin mben Hewi kin mben Yebus.

NINGAT-HI-NGAT NYA 2:20

Noro diwok je tut mun nyeng gom. Jisindui sut sop di ninyeng Izebel di pai sut nonti bipia tri tut Allah nihyet. Noni ba ningginausi dima biris bak Ditde awak nya imang bibor. Noni bindei ba, icut ug ei sisar nicut tut yamti bigyem njita di tungwatu nya ipigig ser mem kwar nya cem.

NIJAM NIKEI NYA 1:31

Lene tentara keret Asyer igijji yo di ibong ei minu ndig Ako kin Sidon kin Ahlab kin Akhzib kin Helba kin Afek kin Rehob cem bi.

NIJAM NIKEI NYA 10:6

Jei bi lene mben Israel ibon sisar tut tuhan hanyen bu. Iba inghim bak tuhan nihyet lene ikuk yok bak bu bi. Noro ikuk yok bak kwar Baal kin Asytoret kin kwar di mben Siria kin Sidon kin Moab kin Amon kin Filistin ikuk yok bak nya.

NIJAM NIKEI NYA 18:7

Gima leu lene ibou muhwi dima ikiju bimbut ug ei minu ndig Lais. Lene ingig igyai kep timiei di ibong ei minu ndig dima ba, jo nibreisi mem yok bipia timiei Lais igyai kepti noyam kin mben Sidon igyai kepti. Mbro nok gino mben Lais iba ibou coi mem tungwatu nya ba, mun nyeng hi bindin yok bi ba, ibong kei igwam kei cem lo, tungwatu di imbuk tut yok hi bi. Ibongti kin imati kin igyemti dem mem yok ba, mun nyeng hi di nggruk mem yok bi.

NIJAM NIKEI NYA 2:11

Mpe dima lene mben Israel ibon sisar tut tuhan tirigi sindi ikuk yok bak kwar Baal nya.

NIJAM NIKEI NYA 3:7

Jei bi lene mben Israel ibon sisar tut ide tuhan Allah. Ibbwe ser Noni apino ikuk yok bak kwar di inyeng Baal kin Asyera.