NIBOU NDIG NYA GI NIGOM 16:16 - ALLAH NIHYET MEM TUNGWATU NYA

¹⁶ Tirigi tentara nya imiap tut Zimri di yok ningon gom mem gima ham nimbuk kep nibou ndig Ela biyai nimai bak tu lene yahagom ikon ide nibou tentara Omri nok nibou ndig mem mben Israel mem njap dima ei mpia di yohok ide prak meng eisi dima.

NIBOU NDIG NYA GI NIGOM 16:16 ပူးပေါင်းရင်းမြစ်များ

NIBOU NDIG NYA GI NIGOM 15:27

Mpe di gom tirigi Nadab ya tut nide tentara nya ba, igyon ttai minu ndig Gibeton ei mben Filistin ide hanjop nsi lene Baesa di Ahia nipmot di ntun keret Isakhar him njei siceu ba, ya kep bihwen Nadab biyai nimai bak.

NIBOU NDIG NYA GI NIGOM 16:15

Tirigi Nibou Ndig Asa ninyeng tak kep timiei Yehuda nya mem nijam ari bingwam nyatungwagom ba, muhwindacan tu lene Zimri kui bigwam nok nibou ndig mem mben Israel bibong ei Tirza ba, ninyeng tak kep mben Israel ei ninsi njap muhwindacan. Mpe dima lene tentara Israel yuug yon ttai mben Filistin ide minu ndig Gibeton.

NIBOU NDIG NYA GI NIGOM 16:17

Leu api Omri ya tut nide tentara nya ba, ikiju bijo leu Gibeton biyuug yon ttai minu ndig Tirza.

NIBOU NDIG NYA GI NIGOM 16:30

Noro noni bon sisar tut tuhan nindig bibor dor njiriek mben Israel ide nibou ndig nitimiei nya yahagom.

NIBOU NDIG NYA GI NICAN 8:26

Mpe dima lene Ahazia de njap ug ei ari bingwam nyatungwagom ba, can. Noni bong ei minu ndig Yerusalem ba, ninyeng tak kep timiei Yehuda nya mem nijam ari bingwam gom. Nipmem ninyeng rino Atalya ba, Atalya ne Nibou Ndig Ahab nipmisop rin lene Omri di nok nibou ndig mem mben Israel nignyon cem ri.

NIBOHON MBEN ISRAEL GI NICAN 22:2

Ahazia kui bigwam nok nibou ndig mpe dino nide njap ug ei ari bingwam nyatungwagom ba, can ba, ninyeng tak kep ei minu ndig Yerusalem mem nijam ari bingwam gom ngat he. Ahazia cem yai bram Nibou Ndig Ahab nide bat nya igyaisi. Lewo nipmem Atalya pingok ningonti leu binhyepo bon mun di kinei bibor nya. Atalya dima ne Nibou Ndig Ahab nipmisop ba, nignyon ne Omri di nibou ndig mben Israel ri.

MIKHA 6:16

Mun dini yok hagom micut igkep je drek dip gi jiyai bram Nibou Ndig Omri kin nipmot Nibou Ndig Ahab igyai munti di mbuk bibor nya. Jiyai bram igyai kepti di kinei dima yok kikau. Gima rino midibindei ba, jitimek bijingwig apino tungwatu dihyeisi dini hagom ighyet wer mpiahi tut je. Mbro nok gino jinok Ditde limwa nya lo, yahagom ingwes om je.”