NIBOU NDIG NYA GI NIGOM 15:22 - ALLAH NIHYET MEM TUNGWATU NYA

²² Gima leu lene Nibou Ndig Asa cuk nide limwa Yehuda nya yahagom hak leu ba, hi di gwam bi noro yahagom ipian tig kin biei di Baesa mbus keyam ei minu ndig Rama mem gima biyai midyai nibindei sindem minu ndig dima buug sut ug ei minu ndig Mizpa kin Geba leu binhyepo Asa ba nimbumbati dima mem biyai midyai nibindei sindem minu ndig cin dima. Geba ne minu ndig gom ei keret Benyamin ide hanjop nsi ri.

NIBOU NDIG NYA GI NIGOM 15:22 ပူးပေါင်းရင်းမြစ်များ

NIBOU NDIG NYA GI NIGOM 15:17

Baesa kiju bikon pran bit timiei Yehuda nya lene biwin minu ndig Rama bibindei ba, sindem bibor leu binhyepo binggam ser minu Yehuda de puig di imbut kak mem gima ingkwei-ngkwei nyen kep ide hanjop dima.

NIBOU NDIG NYA GI NICAN 23:8

Noni cuk yo di igya kui noni ba, ikat imam nya kwei leu minu ndig hagom ei minu Yehuda bibindei ba, map kui nimbar hum dok di ibon midut eisi nya hagom. Lene noni bindei ba, tungwatu nya inggek nimbar hum dok nya di ipigig ser mem ninnei rom kambir di jo dideu dimbou pmem di Yosua tu ei ngug tig minu ndig Yerusalem. Mpe di pima ne Yosua ninyeng tak kep minu ndig Yerusalem. Dimbou pmem dima jo ei yo di icoi kak Dimbou Pmem Nitu inda prak.

NIBOHON MBEN ISRAEL GI NICAN 16:6

Gima leu lene Nibou Ndig Asa cuk nide limwa di timiei Yehuda nya yahagom poi ba, ipian tig kin biei di Baesa mbus keyam ei minu ndig Rama mem gima bindei sindem minu ndig dima buug sut ug ei minu ndig Mizpa kin Geba leu binhyepo Asa ba nimbumbati dima bibindei sindem minu ndig cin dima.

YEREMIA 40:10

Jibong hak ei jitimieisi nya bit leu jingon kanti. Lene ma jipian ba anggur ningat ba, jinju keyam kin biei ngat nya kin mini zaitun ba, jinju keyam. Dibong ei Mizpa ba, diya hacan mem limwa nya mpe di tentara Babel nya ikwei ei minu dini.”

YEREMIA 40:6

Duug ngat Gedalya ei Mizpa bidibong bit noni ei limwa di ikes yok di ibong ei minu Yehuda nya ikieti.

YEREMIA 41:9

Minyei bousi dima nindig bibor ba, Nibou Ndig Asa cuk yok bitig jui dima ei mpe di po Baesa di nok nibou ndig mem minu Israel njei siceu di bihwen yok pima.

ZAKHARIA 14:10

Minu titut yam miwer nibriepti leu minu ndig Geba ei nite bei mpia nijjai ug bipek kin minu ndig Rimon ei nite bei mpia nibiho. Noro minu ndig Yerusalem mikiju bijo anai dor njiriek dihyei di jo ttai nya. Minu ndig dima ninyanti mijo leu Dimbou Pmem Benyamin kikau ug bipek kin Dimbou Pmem Nuhuisi di nok mpia di dimbou pmem gi nipou joti. Ba, ninyanti bu mijo leu Hananel De Ig Mien Di Jo Anai kikau ug bipek kin nibou ndig de bak di ipot ba anggur ngei eisi.

SAMUEL GI NIGOM 7:5

Lene Samuel nduk mben Israel yahagom kwei ei Mizpa bipreu ei mem yok bipai “Midingat nadi mem je ei mpia dima.”