NIBOU NDIG NYA GI NIGOM 15:20 - ALLAH NIHYET MEM TUNGWATU NYA

²⁰ Lene Benhadad ce tut nibou ndig minu Yehuda ningon kanti dima. Leu api cuk nide nibou tentara nya bigya tut ide tentara nya bihwen mben Israel ide minu ndig nya. Lene ibindei timek minu ndig Iyon kin Dan kin Abel-Bet-Maakha kin Kinerot di jo dideu Igpong Galilea bitut hanjop keret Naftali titut yam cem.

NIBOU NDIG NYA GI NIGOM 15:20 ပူးပေါင်းရင်းမြစ်များ

NITRITI 14:14

Tirigi Abram miap mun di cut igkep Lot di nikinjoi nipmot po nibou ndig nya ikat tu pima lene noni nduk nide limwa pinai nya ibou sratus ningai ba, simnaimuhwidip brimigtehiningai di yahagom ikon pran kan leu api yuhuk bram nibou ndig pima yok kikau ug ei minu ndig Dan.

NIBOU NDIG NYA GI NIGOM 12:29

Lene noni ta sapi nikre di ba mas bibon ningut gom ei minu ndig Betel lene ningut gom bu ei Dan.

NIBOU NDIG NYA GI NIGOM 20:1

Mpe dima lene Benhadad di nok nibou ndig mem mben Siria nduk nide tentara nya kin nibou ndig hiter bu ibou ningot ningai ba, can bitut ide kroba pran nya kin ide kuda nya cem kwei ba, igyon ttai minu ndig Samaria bitin ei mem gima ibindei timek minu ndig dima.

NIBOU NDIG NYA GI NIGOM 20:34

Leu api Benhadad pai bak “Midingkwei minu ndig ngot di dicig pos leu na di Andigpoi acig biyati nya hagom hanyen bina di Andigpoi. Midisindui sut ba, na di Andigpoi awin nitri-nipek mun nibousi ei Damsyik mem nitri-nibipek mun cig nya noyam kin gi dicig win ei Samaria pima.” Lene Ahab buhup “Midikes nani ba, angwes ngun drek dip mun di na di Andigpoi apreu ei mem dati dima.” Gima leu lene Ahab kwam minggwen bit noni ser leu api kes noni bimbut.

NIBOU NDIG NYA GI NICAN 15:29

Lene Tiglat-Pileser di nok nibou ndig mem mben Asyur njei ba, hwen minu ndig Iyon kin Abel-Bet-Maakha kin Yanoah kin Kedes kin Hazor kin hanjop Gilead kin Galilea kin Naftali cem hagom mem nijam di Pekah ninyeng tak kep mben Israel. Tiglat-Pileser kat timiei nya yahagom bikri yok hanyen ug ei minu Asyur bisima.

YOSUA 11:2

kin nibou ndig nya ei nungug him nite bei mpia nijjai kin nibou ndig nya ei Mbang Briep Yordan ei Igpong Galilea nibiho kin nibou ndig nya ei nungug kiou kin nibou ndig nya ei les him dideu minu ndig Dor cem yahagom.

YOSUA 12:3

Minu ndig di ninyeng tak kep dima jo ei Mbang Briep Yordan nite bei mpia nipriti ei Igpong Galilea kikau ug ei nite bei mpia nibiho bipek kin minu ndig Bet-Yesimot (ei Igpong Nsim nite bei mpia nipriti) kikau bipek kin Nungug Pisga nikiou.

YOSUA 19:39

Keret Naftali nide bat nya itug ndei minu ndig dima yok bitut minu mien di jo ttai nya hagom ba, inyeng tak kep.

NIJAM NIKEI NYA 18:29

ijem minu ndig dima ninyeng Dan ba, noyam kin idigup idigai di Yakub nipmot Dan ninyenga.