Niabiati noni kan-kan nyen tut tu lene noni ba mas bibon nung di nok sapi nikre ningut can lene pai bak nide limwa nya “Je di mben Israel e, jingkwei-ngkwei nyen ug ei minu ndig Yerusalem mem gima jikuk je bak tuhan ei mpia dima wer ninno tu. Tini bu ne ma jikwei ngat jide nung di ibuwak je kwei leu minu Mesir pima rini.”
NIBOU NDIG NYA GI NIGOM 14:9 - ALLAH NIHYET MEM TUNGWATU NYA9 Noro tut nani ne abon mun di kinei nindig bibor dor tunggwei mun di kinei di yo di inyeng tak kep mben Israel ibonti nya pima nipou tirigi anyeng tak kep yok bigyo. Aba anghim bak Dani lene abindei ba, digga bibor tug hon gino abindei ba, tungwatu nya iba ngkimom nitu bibon kwar nya ba, ikuk yok bak cem tu. အခန်းကိုကြည့်ပါ။ |
NIBOU NDIG NYA GI NIGOM 14:9
42 ပူးပေါင်းရင်းမြစ်များ
Haninyai tirigi Baesa kui bigwam nok nibou ndig lene noni yai nimai bak Yerobeam de ig bei nsi nya bitut nide bat nya yahagom. Gima dem igbit tuhan nikwai ceti di pai tug hon Nide awak di Nabi Ahia leu Silo nuhui him pima. Apino Baesa yai nimai bak yo di intun Yerobeam him yahagom ba, hi di ningwes ngun bi.
Manasye win mpia di tungwatu nya ikuk yok bak kwar eisi nya hagom di nicig Hizkia ya kep binggek ningwig pima hanyen. Lene win nimbar hum dok nya mem gima bibon midut nya bak Baal. Lene bibon kwar sop Asyera bit leu nok Ahab di nok Nibou Ndig mem mben Israel nibon kepti pima cem. Manasye kuk no bak ham mpia-bbed him nya cem.
Noni bui munggwom nide nya bikes bak kwar nya ei Mbang Briep Hinom dem kep nok mun di ibui bindig titut ei nimbar hum dokti ba, brim ningkek mem nung nya igyai kepti nya kin nipui mun tut nibirop hanyenti tug hon ham mpia-bbed him ba, bikan huk mun di ingat bou igyai him bi nya binggok tut ninnei di sibut nya leu binhyepo indo bindo binoni cem. Manasye bindei ba, tuhan gga bibor tug hon nide sisar nindig bibor di noni bibon tut tuhan.
Ade limwa nya ipos minu ndig di bon tentara nibousi di igya coi nya kin dihyei di nnum kei kin ig di mpung tut ndigban di nibok kak kin minyei bousi nya kin biei zaitun nghousi nya kin biei di ngat ningat nghousi nya kin ba anggur nghousi hagom. Igyem njita di ndei yok bit leu ingon kanti apino immau ndok. Ingon llei sut mun di kei nyeng hagom di ayai biyok tu.
Lene tuhan pai bida, “Na di tungwatu di ayaijo kikau bi e, angat gima tu e? Timiei Yehuda dini ingon cut hon gi ibon mun di bindei di igyai ttin ningat dima he bi. Ba, ibon mun di kinei bibor di bit bon tungwatu ibonti bi pimo bidem minu dini nisurti-nipekti hagom he bi noro igyai ibou tut ei mpia dini ei Ditde Ig. Igyai munti dima bindei ba, digga bibor bidor njiriek bu. Angat i! Ibibon dinyeng kinei tug hon igyai munti di kinei bibor dini!
Mun di nok tungwatu dima su ninda bikrau dibou nta leu api diba ningat-hi-ngat pima bingat lo, Allah Ninnei kon da anai ug ei hou him bibuwak da ug ei tuhan De Ig ei minu ndig Yerusalem. Noni kes da kui dimbou di ibicoi ug ei mpia di jo bas hak ei ninsi gom di jo ei nite bei mpia nijjai. Ba, kwar di tungwatu nya ikuk yok bak di bibon tuhan nigga biborti jo ei sirima.
Yoni ribindei dino dingon sibui sut ide kwar di ikuk yok bak nya lewo mun di ikuk yok bak dima yok hagom nok mun di igbit bi. Gima rino midiba mben hiter di nok mben di mungkun bi bidibindei ba, Ditde limwa nya igga bibor. Midiba mben hiter di ingon mbum bidibindei ba, Ditde limwa nya ibou dut bibor.
ကြော်ငြာတွေ