NIBOU NDIG NYA GI NIGOM 14:27 - ALLAH NIHYET MEM TUNGWATU NYA

²⁷ Leu api Nibou Ndig Rehabeam ba ngkimom-tembaga bibon mun di ibipukep tibor nggwen nya ba, kes biluei niceti hanyen. Noni kes hagom bak yo di igya ser dimbou pmem ei nibou ndig de ig lene ba ningon com yok tut.

NIBOU NDIG NYA GI NIGOM 14:27 ပူးပေါင်းရင်းမြစ်များ

SAMUEL GI NICAN 11:9

Noro Uria ngkwei hanyen ug ei nide ig bi. Noni kuk no bibong ser dimbou heisi ei nibou ndig de ig bit tentara ibou poi di igya ser nibou ndig.

SAMUEL GI NICAN 15:1

Jei bi lene Absalom tin ei kroba pran gom kin kuda di mibrim tut mem nonti ba, nduk nide tentara ibou ningot muhwi di igya kui noni cem.

NIBOU NDIG NYA GI NIGOM 14:1

Mpe dima lene ninggwen cut igkep Abia di Yerobeam nipmot

NIBOU NDIG NYA GI NIGOM 14:28

Bikwop mpe di nibou ndig ug ei tuhan De Ig lene yo di igya ser pima ittei mun di ibipukep tibor nggwen dima yok bingkwei hanyen tut ei tentara nibousi di igya coi.

NIBOU NDIG NYA GI NIGOM 14:5

Noro tuhan pai binoni bibie bipia Yerobeam nitnem mikwei ngat noni ba, mihig noni tut nipmot di nggwen pima. Lene tuhan pingok Nabi Ahia ningonti tut mun dima noni mibuhup bak cem. Tirigi Yerobeam nitnem kwei krau Nabi Ahia nidim lene bisinggre biluei nitta binok sop hiter.

NIBOU NDIG NYA GI NIGOM 18:46

Haninyai tuhan sindem tut Elia nindig bibor. Noni krop nide sinsun bikri nide bang kep nintig bou bingkiem leu api dor bibie Ahab noho kak puig jei dima kikau ug ei dimbou pmem minu ndig Yizreel.

NIBOU NDIG NYA GI NICAN 11:19

Leu api Yoyada kin nibou tentara nya kin yo di ingkiem ser nibou ndig pijum nya kin yo di igya ser nibou ndig nya ide ig nya bitut limwa nya yahagom injei bibuwak Nibou Ndig Yoas leu Tuhan De Ig biyuug sut ug ei nibou ndig de ig. Yoas coi kak Dimbou Pmem Niya Ser Cig Nya ide leu api kui bigwam ei nibou ndig de banggo mbrei dip.

NIBOU NDIG NYA GI NICAN 11:4

Noro ug ei ari bingwam nimuhwindacan lene Imam Yoyada jem yo di igya ser nibou ndig sop pijum kin yo di igya ser nibou ndig de ig ba, ikwei um noni ei tuhan De Ig. Tirigi idem yam lene noni cuk yok leu binhyepo iba neheng bipreu ei bipia ibindei mbut ningon kanti gom. Lene noni ndo Yoas di Nibou Ndig Ahazia nipmot biyok,

SAMUEL GI NIGOM 22:17

Leu api noni cuk tentara di igya ser noni “Yo, jikes hukum nimai ei tuhan de imam dima yok yahagom dip lewo igyok ingon gom bit Daud. Ikan tut Daud ninangti tu lo, igipai sut bida bi.” Saul pai nok noro tentara di igya ser noni ikou sut gima ikes hukum nimai ei tuhan de imam nya dima dip a.

SAMUEL GI NIGOM 8:11

Noni pingok ingonti bipai “Jide nibou ndig mibibon je nok gini. Noni mibidip huk jipmot bat nya leu binhyepo bihi inok tentara di ibri kroba pran lene bihi inok tentara di ibri kuda pran lene bihi inok tentara di imbut imig bibie mem nindigsi nya.