NIBOU NDIG NYA GI NIGOM 14:23 - ALLAH NIHYET MEM TUNGWATU NYA

²³ Iwin mpia ttou nsi di mem ikuk yok bak kwar nya eisi ba, iba tig di jei biwin dihim di itas pijum nya di mem ide kwar sop Asyera cem itas kwar nisop dima ei mbigdip nya kin biei di nimeng nggrou nibehei nya cem bikuk yok bak eisi.

NIBOU NDIG NYA GI NIGOM 14:23 ပူးပေါင်းရင်းမြစ်များ

NIBOU NDIG NYA GI NIGOM 12:31

Yerobeam ngot ig nikuk no bak kwar eisi nya ei mbigdip nya leu api dimig yo di ugwai-gwai di intun Lewi him bi nya bita yok nok imam nya bu.

NIBOU NDIG NYA GI NIGOM 14:15

tuhan kinyon ei midyai nikes hukum ei mben Israel dipti tu. Apino yoni midem kep krun di kit-kit nyen ei minyei di biam sindemti. tuhan mohom mben Israel leu minu di nnum kei di Noni yai bak idigup bat-idigai bat nya nipou su dini. Noni mibindei ntek gimahap yok ug ei Minyei Efrat nite dima ug. Lewo ibindei ba, tuhan gga yok drek dip kwar sop Asyera ngot di ibon nya.

NIBOU NDIG NYA GI NIGOM 15:12

Noni cok tut pinai kin sop sundal di igyai midyai ei mpia ttou nsi di ikuk yok bak kwar nya eisi hagom. Lene cok tut kwar ngot po nibou ndig di nipou inyeng tak kep timiei Yehuda nya iwin mem gima ikuk yok bak nya hagom leu minu Yehuda.

NIBOU NDIG NYA GI NIGOM 20:23

Mpe di gom ne Nibou Ndig Benhadad de nibou tentara nya ipai binoni “Nung nya di mben Israel ikuk yok bak nya inyeng tak kep hanjop nungug him he. Gima rino tentara Israel ibindei timek nyeni a. Ne gino ikon pran bit yok ei briep bou him lene nyeni mibindei timek yok.

NIBOU NDIG NYA GI NIGOM 3:2

Nijam di noni ngot tuhan De Ig bigyo lene nide limwa nya ibon midut nindig mindhe titut ei nimbar hum dokti ei mpia ttou nsi mang bibor.

NIBOU NDIG NYA GI NIGOM 3:3

Mbro nok gino Salomo ningon ngakei tuhan bibit nicuk noti nya hagom lo, noni cem bui mindhe-ndhe mang bibor bibon midut ei nimbar hum dokti bidem mpia ttou nsi dima.

NIBOU NDIG NYA GI NICAN 10:26

ibindei hei kwar Baal ug ei nisai bindig kep hum hak.

NIBOU NDIG NYA GI NICAN 16:4

Ahas ba nibon midut nindig mindhe ei nimbar hum dokti kin nibon midut nindig biei nggrai di ui-gwang keiti ba, bikuk no bak kwar nya ei mpia di nide limwa nya ikuk yok bak kwar eisi nya ei bibikwop mbigdip kin biei di nimeng nggrou nya nibehei cem.

NIBOU NDIG NYA GI NICAN 17:16

Lene igyai mun tunggwei ide tuhan Allah nicuk yokti nya hagom. Iba ngkimom-tembaga di indig bijet bibon kwar sapi ningut can bikuk yok bak ba, ibon kwar nisop Asyera cem ikuk yok bak ham mpia-bbed him nya ba, ikuk yok bak kwar Baal cem hagom.

NIBOU NDIG NYA GI NICAN 17:19

Timiei Yehuda nya cem igibit ide tuhan Allah niggai serti nya bi. Noro igyai bram mben Israel igyai kepti nya.

NIBOHON MBEN ISRAEL GI NICAN 24:18

Gima bindei ba, limwa nya idem yam ei idigup bat-idigai bat nya ide tuhan Allah De Ig ba, ikuk yok bak Noni eisi bu bi. Noro ikuk yok bak kwar nitu nya kin kwar Nisop Asyera. Ide sisar dima bindei ba, tuhan gga timiei Yehuda kin timiei minu ndig Yerusalem nya.

NIBOHON MBEN ISRAEL GI NICAN 28:4

Ahas ba mindhe-ndhe bibon midut ei nimbar hum dokti nya ba, bindig biei nggrai di ui-gwang kei ei nimbar hum ndok nya cem bidem mpia di ikuk yok bak kwar nya eisi ei nungug dip nya kin biei ndig behei di nggrou kei nya.

NEHEI LEUSI 34:13

Noro suar jinggek ide kwar di ikuk yok bak nya ba, jitam binnir-wap ba, jinggek ide cou tig di ipigig sut ei mem ide kwar di ikuk yok bak nya cem. Lene ma jiwim ide biei di ipigig sut ei mem kwar nisop di ninyeng Asyera cem.

YESAYA 57:5

Jikuk je bak kwar nibindei nnum njita kioi nya lene jibisindui sut jenti ba, jicut tut yam ei biei pigig behei kin biei ndig di nimeng nggrou nibehei nya. Jiba jimunggwom bat nya bibon midut nindig yok ei nimbar hum dokti ei tig nggreti ei minyei mbangti nya.

YEREMIA 17:2

Limwa jide nya ikuk yok bak nimbar hum dok kin cou dihim nya di itas mem gima ibikuk yok bak Kwar Sop Asyera cem. Mun dima jo bidem biei di nimeng nggrou nibehei hagom kin mbigdip ninggram him hagom,

YEREMIA 2:20

tuhan Di Ninyeng Jei Bibor pai “Je di mben Israel e, jikou sut gi jinok Ditde limwa nya. Jibit dihyet bijikuk je biDa cem bi ninno tu. Noro jikuk je bak kwar di ninyeng kwar Ningat Ntun Himti bidem mbigdip nya kin biei ndig di nggrou kei nibehei nya hagom.

YEREMIA 3:13

Ma jipai jit bipia jitunggwei ba, jihwen bit jide tuhan Allah tu. Ma jipai jit bipia jikiber jide ningon ngakeisi ei nung di ngkiai nya ikuk yok bak nya cem ei bikwop biei ndig di nimeng nggrou nibehei nya cem ba, jibit Ditde nicuk jeti nya bu bi cem tu. Da di tuhan disimbot dat tu.”

YEHEZKIEL 6:13

Nimai ngut nya mijo sinsiou ei kwar di tungwatu nya ikuk yok bak nya ikieti cem ttai nimbar hum dok nya cem ba, imai sinsiou ei mbigdip di jo anai nya cem ei nungug dip gom-gom cem ei biei di nimeng nggrou gom-gom nibehei cem ei biei ndig behei cem bidem mpia di ibon midut ei nimbar hum dokti bak ide kwar di ikuk yok bak eisi nya hagom. Leu api tungwatu nya yahagom mikan tut bipia Dani ne tuhan ri.

YEHEZKIEL 6:3

Ma acuk nungug nya kin mbigdip nya kin pimbien nya kin mbang briep nya tut mun di Da di tuhan Di Dinyeng Jei Bibor dipai sut biyok. Ma acuk yok bingig itingou mem ba, yahati tut mun di dipai dima yok. Dipai dihyet di nijit bipia midipinak singau simeda mem gima bindei sar mpia di tungwatu nya ikuk yok bak kwar eisi nya.

YEHEZKIEL 6:6

Minu ndig Israel hagom kin nimbar hum dok nya kin kwar di tungwatu nya ikuk yok bak hagom minggek sinsiou cem ba, siceu nya minjei nimbar di indig biei nggrai di ui-gwang kei eisi nya hagom ug ei dihyeisi ba, mun di ibon bou inda him nya hagom misar.

HOSEA 10:1

Nipou ne mben Israel idem kep biei anggur di ningat hun tut. Ndigban di inyeng tut kum eisi bimang lene nimbar hum dok di iwin cem kum eisi bimang. Mun nyeng hagom di dem mem yok kum eisi lo, itas cou tig di kei-kau bibiyok ngon kep ide kwar di ikuk yok bak nya.

IMAM NYA IDE MIDYAI 26:1

Lene tuhan pai “Harin dima jibon kwar bou jinda him ba, jiwin kwar kin nidihim tig di jikilis mem gima jikuk je bak a. Dani ne tuhan ba, jide Allah ri.

MIKHA 5:14

Midiba Ditde nigga biborti di cig-cai bibirop hanyen bak mben dihyeisi dini nya di ibit dihyet bi hagom.”

NINDAT KEP TUHAN NICUKTI NYA 12:2

Tirigi jikieng kep minu jep dima lene suar jicok tut mpia ttou nsi di ngkiai dima yok ikuk yok bak ide nung nya eisi bitut gi hi di jo ei mbigdip nya kin nungug tou nya kin biei di nimeng nggrou ninghousi hagom.

NINDAT KEP TUHAN NICUKTI NYA 16:22

Lene ma jitas dihim tig mem gima jibikuk je bak cem au. Lewo jide tuhan Allah kou sut niyai munti dima.