NIBOU NDIG NYA GI NIGOM 14:21 - ALLAH NIHYET MEM TUNGWATU NYA

²¹ Tirigi Rehabeam di Salomo nipmot kui bigwam nok nibou ndig mem minu Yehuda lene nide njap ug ei ari bingwam ningot bitai ba, gom. Ninyeng tak kep timiei Yehuda nya kikau ei nijam ari bingwam simnaimuhwidip brimigtehican ei minu ndig Yerusalem. tuhan dimig minu ndig dima leu minu Israel nindigsi nya ikieti pijum ei nok gumihyep di mben Israel ikuk yok bak Noni eisi. Rehabeam nipmem ninyeng Naama ba, noni ntun mben Amon him.

NIBOU NDIG NYA GI NIGOM 14:21 ပူးပေါင်းရင်းမြစ်များ

NIBOU NDIG NYA GI NIGOM 11:1

Nibou Ndig Salomo bungwam kep sop ngkiai nya imang bibor ba, wak sop Het kin sop mben Moab kin sop mben Amon kin sop mben Edom kin sop Sidon cem hagom ba, bikum nibou ndig mben Mesir nipmisop pima bu.

NIBOU NDIG NYA GI NIGOM 11:32

Salomo ninyeng mitak kep keret gom ngat he lewo dingondut Ditde awak di Daud cem dingondut minu ndig Yerusalem di nok minu ndig gom ngat di didimig nok Ditde minu ndig nibousi leu minu ndig nindigsi nya ei minu Israel.

NIBOU NDIG NYA GI NIGOM 11:36

Noro midisindui sut ba, Salomo nipmot ninyeng mitak kep keret gom ngat leu binhyepo Ditde awak di Daud de nintun him yamti di bram yam nya gom minok nibou ndig mem Da ei minu ndig Yerusalem. Lewo didimig minu ndig dima nok gumihyep gom ngat mem tungwatu nya ikuk yok biDa eisi.

NIBOU NDIG NYA GI NIGOM 11:43

Tirigi mai su lene itig ei Daud De Minu Ndig lene nipmot Rehabeam ya luei nohoti nok nibou ndig bu.

NIBOU NDIG NYA GI NIGOM 12:17

Rehabeam ninyeng tak kep nide limwa di ibong ei minu Yehuda nya he.

NIBOU NDIG NYA GI NIGOM 14:20

Yerobeam ne nibou ndig di ninyeng tak kep mben Israel kikau mem nijam ari bingwam nyatungwagom ba, can ri. Leu api mai ba, itig leu api nipmot Nadab ya luei nohoti bigwam nok nibou ndig bu.

NIBOU NDIG NYA GI NIGOM 14:31

Rehabeam mai lene itig ei jui nsi di ibet ei mem itig kep nibou ndig nya eisi ei Daud De Minu Ndig. Lene nipmot Abiam ya luei nohoti bigwam nok nibou ndig bu.

NIBOU NDIG NYA GI NIGOM 22:42

Mpe dima lene nide njap ug ei ari bingwam ningot ningai ba, muhwi tu. Noni bong ei minu ndig Yerusalem ba, ninyeng tak kep timiei Yehuda nya kikau mem nijam ari bingwam nyatungwagom ba, muhwi. Nipmem ne Azuba di Silhi nipmisop ri.

NIBOU NDIG NYA GI NIGOM 8:16

‘Tirigi po dibuwak Ditde limwa nya kwei leu minu Mesir pima kikau kwei bipek nijam dini kep lene dindo mpia ttou nsi gom mem gima angot Ditde Ig bijikuk je biDa eisi bidem minu Israel nisurti-nipekti hagom bina bi. Noro didimig na di Daud ei leu binhyepo anyeng mitak kep Ditde limwa nya.’ ”

NIBOU NDIG NYA GI NIGOM 8:29

Handei kon ba, ayok ayai kep Ade Ig dini mem mmun-njap lewo gini ne gumihyep di adimig ei mem Ade limwa nya ikuk yok biNa eisi ri. Handei kon ba, angig atingou mem dihyet tirigi diba doho rok Ade Ig dini bidingat nadi.

NIBOU NDIG NYA GI NIGOM 8:44

Tirigi acuk Ade limwa nya mem gima ikon pran bihwen ide siceu nya ei minu titou minu titou lo, ikiek yok ba, iba yoho rok Ade Ig di dingot dini leu api ingat nadi bak Na di tuhan,

NIBOHON MBEN ISRAEL GI NICAN 12:1

Tirigi Rehabeam kui bigwam nok nibou ndig ba, sindem tu lene noni kin nide limwa nya yahagom iba igyai ngat tuhan nicukti nya lene,

NIBOHON MBEN ISRAEL GI NICAN 12:13

Rehabeam ninyeng tak kep timiei Yerusalem ba, nisindemti cem bikum eisi binindig bibor. Nide njap ug ei ari bingwam ningot bitai ba, gom rino kui di bigwam nok nibou ndig a. Ninyeng tak kep ei minu ndig Yerusalem kikau mem nijam ari bingwam simnaimuhwidip brimigtehican. Minu ndig Yerusalem ne minu ndig di tuhan dimig leu mben Israel de hanjop nsi nya hagom ei binok gumihyep nikuk no bak Allah eisi ri. Rehabeam nipmem rino Naama sop mben Amon.

NIBOHON MBEN ISRAEL GI NICAN 13:7

Lene noni mbus yo di ingon bum nimpung gom ba, ibidip huk Rehabeam di Salomo nipmot leu binhyepo noni miyai igbit yonti ingon kanti lo, mpe dima lene Rehabeam ne pilei ngat di ningon bou yo rin ba, um mun di nok gima hi bigyo apino srep tut bi ug o!

NEHEI LEUSI 20:24

Ma jiba dihyei bibon nimbar hum dok gom mem Dani. Ma jibui jide domba nya kin sapi nya bijindig kep hum eisi. Lene jiba mindhe-ndhe bihi bikuk je biDa ba, jiba mindhe-ndhe bihi biyai jingon kwes kin Da. Midihwou yai gi kei bije ei mpia ttou nsi di dindo bije mem gima jibikuk je biDa eisi hagom.

YESAYA 12:6

Timiei Sion jen e, ma jimbos-hi-mbos ba, jiba jingon di nggei-hi-nggei bipai doia. Ningat ne Allah Israel di kwes ninyeng jei ba, Noni ningat rin ei jikieti.”

NINDAT KEP TUHAN NICUKTI NYA 12:21

Gino minu ttou nsi gom ngat di Noni ndo ei su jo minu ting bibor lene Noni misindui sut gima jibui mindhe-ndhe di jihyen kep nya di Noni yai bije tu ba, jiyem mikwau dima ei jide ig bei bit leu jingon kanti nok gi po dipai bije tu pima.

NINDAT KEP TUHAN NICUKTI NYA 12:5

Lewo tuhan di nok jide Allah mindo minu ttou nsi gom ngat ei jide mben nya ide hanjop nsi nikieti nya leu binhyepo Nide limwa nya minduk yam bikuk yok biNoni eisi.

NINDAT KEP TUHAN NICUKTI NYA 23:3

Harin dima mben Amon kin mben Moab bitut ide nintun him di bram yam nya gi nigom kikau ug bipek gi nisimnai icoi bit tuhan de limwa nya a.