NIBOU NDIG NYA GI NIGOM 13:6 - ALLAH NIHYET MEM TUNGWATU NYA

⁶ Lene Nibou Ndig Yerobeam hara nabi dima “Angat nadi tindei da bak ade tuhan Allah leu binhyepo Noni ngondut da bikinding dinda bikei hanyen!” Lene nabi dima ngat nadi tindei nibou ndig dima bak tuhan leu api ninda kei hanyen.

NIBOU NDIG NYA GI NIGOM 13:6 ပူးပေါင်းရင်းမြစ်များ

NIBOU NDIG NYA GI NIGOM 13:5

Lene nimbar hum dok dima cem lus kros bibindei ba, atriem ndung di jo dip kiber ug ei dihyeisi dem igbit nabi nipaisi di bit leu tuhan nicuk noti.

MAZMUR 119:58

Diba dingon titut bahara Na leu binhyepo angon nggriu sut da ba, angondut da bit leu Ade nipreu ei mem dati.

NEHEI LEUSI 10:17

Ma jikos ser ditde sisar di dibon tunggwei sut je mbigom ngat ndini leu api jingat nadi bak tuhan di nok jide Allah leu binhyepo Noni miyai hukum di bindei nimai dini leu da.”

NEHEI LEUSI 12:32

Jijem jide sapi nya kin domba nya kin kambir nya hagom bijimbut tut bihigom! Lene jingat nadi tindei da.”

NEHEI LEUSI 8:28

Lene Firaun ce bipai “Nna ba, midice tut ba, juug ei iggum ndigsi leu binhyepo jibon midut dima bak tuhan di nok jide Allah. Noro ma jimbut ug ei minu ting au. Lene jingat nadi tindei da.”

NEHEI LEUSI 8:4

Ugwaham dima yok mipri bikui Firaun kin nide limwa nya kin yo di igya kui noni yahagom ingkek dip ug ri.”

NEHEI LEUSI 8:8

Lene Firaun jem Musa kin Harun kwei bipai biyok “Ma jingat nadi bak tuhan leu binhyepo Noni micok tut ugwaham dini yok hagom bingwig leu nye apino midisindui sut jide limwa nya bimbut. Leu binhyepo ibon midut nindig mindhe nya kep hum ei tuhan Noho bei.”

NEHEI LEUSI 9:28

Ma angat nadi bak Noni mem nye! Nyeni nitug ndei hukum nidut di cut igkep nye tug hon kru di cut kin biget di mbras nok tig njep dem tu. Cobi! Midikes je bijimbut bijingwes ngun hak ug. Mijibong kep minu dini bu bi.”

YEREMIA 37:3

Zedekia pinak Yukhal di Selemya nipmot kin Imam Zefanya di Maaseya nipmot kwei ba, ibidip huk da leu binhyepo dingat nadi bak tuhan Allah tindei timiei Yehuda nya.

ZAKHARIA 7:2

Timiei minu ndig Betel ipinak Sarezer kin Regem-Melekh bitut yo di igya kui yok kwei ei tuhan Di Sindem Bibor De Ig mem gima yahara Noni mem gima njei mun di kei bak yoni,

MBEN ISRAEL IMBUT-MBUT NYEN 12:13

Gima rino Musa hara bak tuhan “Allah e, dahara bipia ma ayai ningkek ngun eisi hanyen binoni!”

MBEN ISRAEL IMBUT-MBUT NYEN 21:7

Lene ikwei ngat Musa bipai jit bipia Nibon sisar tirigi nisrep tut tuhan kin nani. Ma angat nadi leu binhyepo tuhan mijji wou piet dini yok leu nyeni nikieti. Gima rino Musa ngat nadi tindei yok.

MATIUS 5:44

Noro tini bu ne dipai bije bipia ma jingon ngakei jide siceu nya ba, jingat nadi tindei yo di ihwen bit je,

LUKAS 23:34

Lene Yesus hara bipai “Arig e, akos ser ide sisar! Ikan tut mun di igyai dini bi.” Tentara nya iko bibinggok tut Yesus de sinsun bingwig leu lene ikwas Yesus de sinsun tut yam.

KISAH 7:60

Lene noni ba nibiau bicom mpia leu api ba nihyet nindig bahara “Tuhan e, ma akos ser ide sisar leu yok hak ug.” Hara nok lene ninnei kimbas.

KISAH 8:24

Lene Simon hara Petrus kin Yohanes bipai “Ma jingat nadi bak Tuhan leu binhyepo mun di jipai kep dati dima hi cut igkep da bi.”

ROMA 12:14

Ma jingat nadi tindei yo di ihwen bit je leu binhyepo Allah yai gi kei biyok. Jit, ma jingat nadi leu binhyepo Noni yai gi kei biyok lo, sigion yok au.

ROMA 12:21

Ma jisindui sut mun di kinei bibor bindei cut jeni au. Noro ma jiba niyai munti di kei bibor bicut mun di kinei bibor.

NINGAT-HI-NGAT NYA 3:9

Jimiap e, midibindei nimpung Bilis de limwa nya di iris-ris nyen di ipai sut yonti bipia yoni ne mben Yahudi rin dima yok bikwei kuk yok ei jimig him. Mijo nibreisi mem yok bipia dingon ngakei je.

SAMUEL GI NIGOM 12:19

Leu api ipai bak Samuel “Andigpoi e, angat nadi bak tuhan di nok ade Allah mem nye ser nhyema nitug ndei nimai bi. Jo nibreisi mem nye tu bipia nibon sisar tirigi po nahara mem nibou ndig di ninyeng tak kep nye pima ba, nibikum ei nyende sisar nindigsi nya hagomti.”

SAMUEL GI NIGOM 12:23

Noro tut dani ne dikou sut gi dibon sisar tut Allah tug hon gi dikes hon ba, dingat nadi tindei je bu bi. Noro midingginau je tut jiyai munti di kei bibor kin mun di suar jiba jingon gom biyai cem.