NIBOU NDIG NYA GI NIGOM 13:34 - ALLAH NIHYET MEM TUNGWATU NYA

³⁴ Nibon munti di kinei-kinau dima bindei ba, yo di intun noni him itug ndei hukum di buhun bibor ba, ibisar bihigom.

NIBOU NDIG NYA GI NIGOM 13:34 ပူးပေါင်းရင်းမြစ်များ

NIBOU NDIG NYA GI NIGOM 12:26

Lene noni kan “Gino sibon mun nyeng hi bi lene misitug ndei mun dibuhun.

NIBOU NDIG NYA GI NIGOM 12:30

Gima rino nide limwa nya ibon sisar tut Allah tirigi ikuk yok bak kwar dima ei minu ndig Betel kin Dan cem.

NIBOU NDIG NYA GI NIGOM 14:1

Mpe dima lene ninggwen cut igkep Abia di Yerobeam nipmot

NIBOU NDIG NYA GI NIGOM 14:10

Gima rino midikes hukum di buhun bibor ei na di Yerobeam ade nintun him di bram yam nya dip drek dip abon munti dima. Midiyai nimai bak munggwom pinai di intun nani him hagom bitut yo di igyati kwes kin awak nya cem yahagom. Midicok tut ade ig bei nsi nya yahagom noyam kin gi tungwatu nya icok mindhe nooi bipwoi leu cem.

NIBOU NDIG NYA GI NIGOM 14:11

Nsien miyem yo di inggre kin ade ig bei nsi nya di imai ei minu ndig nya ingut bingwig lene ha krubri nya mipuk bigyem gi hi di imai ei ngoi dumti di gahai minu ndig nya bingwig bu. Da di tuhan dipai dihyet tu ba, ma ayok ngon kep!’ ”

NIBOU NDIG NYA GI NIGOM 14:16

tuhan mikes ninda leu mben Israel drek dip sisar di Yerobeam bon nya di bindei di mben Israel cem ibon sisar.”

NIBOU NDIG NYA GI NIGOM 14:7

Angkwei hanyen ba, apai sut bak Yerobeam bipia tuhan Allah mben Israel pai ‘Didimig na di Yerobeam leu limwa Israel ikieti bidikon nani nok no di ninyeng tak kep Ditde limwa Israel tu.

NIBOU NDIG NYA GI NIGOM 15:25

Tirigi Nibou Ndig Asa ninyeng tak kep timiei Yehuda nya mem nijam ari bingwam can tu lene Nadab di Yerobeam nipmot ya luei nicig nohoti bigwam nok nibou ndig mem mben Israel ba, ninyeng tak kep yok mem nijam ari bingwam can.

NIBOU NDIG NYA GI NIGOM 15:26

Noni cem bon sisar di kinei bibor tut tuhan noyam kin nicig di ninyeng tak kep mben Israel nipou su. Niyai munti dima bindei ba, mben Israel cem ibon sisar.

NIBOU NDIG NYA GI NIGOM 21:22

Ambier kimti nya midem kep nok Nebat nipmot di Nibou Ndig Yerobeam nimbier kimti nya kin Ahia nipmot di Nibou Ndig Baesa nimbier kimti nya drek dip gi abindei ba, dingon sibui sut mben Israel tirigi abie tut yok ug ei sisarti.’

NIBOU NDIG NYA GI NICAN 10:29

Gima rino tuhan pai bak Yehu “Abindei mbut mun nyeng hagom di dicuk na tut mem Ahab de nintun him yamti di bram yam nya yahagom bingwig su. Gima rino dipreu ei mem na bipia agnyon bat kin adigup bat-adigai bat nya leu pung nigom kikau ug bipek pung nibitai mikui bigwam nok nibou ndig ba, inyeng mitak kep mben Israel.” Noro jei bi lene Yehu ba ningon di gom bibit mben Israel ide tuhan Allah nihyet bi. Ba, yai bram Yerobeam niyaisi di bindei mben Israel ibon sisar tug hon gi ikuk yok bak sapi di iba mas bibon di iwin ei minu ndig Betel kin Dan pima.

NIBOU NDIG NYA GI NICAN 17:21

Niabiati tuhan bindei ba, mben Israel kin timiei Yehuda nya ikwas yam lene mben Israel ikon Yerobeam di Nebat nipmot nok ide nibou ndig. Leu api noni bindei ba, mben Israel iba inghim bak tuhan bibon sisar nindig bibor.

NIPINGOK NINGONTI 13:6

Yo di ingon kwes kei nya igwam coi ningon di sren keiti. Yo di ibon kep sisar iba ide mun di mbuk nya bindei sar yonti.

YEREMIA 28:16

Gima rino tuhan Nonti pai bipia Noni micok tut nani leu dihyei ninjek dip leu api ma amai ei ari bingwam dini drek dip gi acuk mben dini yok ba, yaham imbuk kep tuhan.”

HOSEA 10:8

Siceu nya migya kep ig ngot di ingot ei mbigdip Betel di nok mpia di mem ide kwar di mben Israel ikuk yok bak eisi bingwig. Ndia nggwen kin mintu-minta mehei ei nimbar hum dok di ideti. Leu api limwa nya yahara bak nungug nya “Ma jiprioi kep nye o!” Lene yahara bak mbigdip nya “Ma jitti hwen nye o!”