NIBOU NDIG NYA GI NIGOM 13:18 - ALLAH NIHYET MEM TUNGWATU NYA

¹⁸ Leu api nabi andig-ndau di bong ei minu ndig Betel dima ris mun bak bibuhup “Dani cem nabi noyam kin nani. tuhan sok nihyet ei Nide malaikati gom dip kwei bida leu binhyepo dikwei um nani ba, dicigit na kui ig bisiyem njita bit yam.”

NIBOU NDIG NYA GI NIGOM 13:18 ပူးပေါင်းရင်းမြစ်များ

NITRITI 27:24

lene hig ser noni mbigom bu “Nani ne Esau jit rin e?” Lene Yakub ce nihyet bipai “I, da pa ri.”

NITRITI 3:13

Lene tuhan Allah hig ser no di sop “Nggon rino ayai nok gima i?” Leu api no di sop buhup “Wou ris da ba, diyem biei ngat dima.”

NIBOU NDIG NYA GI NIGOM 13:19

Apino nabi leu Yehuda dima bit nabi andig-ndau dima ug ei nide ig ba, yem njita bit.

NIBOU NDIG NYA GI NIGOM 20:35

Mpe dima lene nabi gom leu nimpung nabi nya ikieti ba tuhan nicuk noti bibidip huk nisut nabi gom leu binhyepo bui noni noro nisut dima kou sut.

NIBOU NDIG NYA GI NIGOM 22:22

Lene Allah hig ser noni ‘Aris bak noni notou i?’ Lene ninnei dima buhup ‘Duug ngat Ahab de nabi nya lene midibindei ba, yahagom iris mun.’ Lene Allah cuk noni ‘Aug ba, aris bak noni hak ug lewo ayai munti dima mingat ningat ug ri.’ ”

NIPINGOK NINGONTI 12:19

Niris munti minggek urung noro nihyet di nijit jo ninno bijo kikau.

NIPINGOK NINGONTI 12:22

tuhan ningon mpo tut niris kep mun cig nya noro ningon ngakei no di yai bipek kep nihyet nghwak him.

NIPINGOK NINGONTI 19:5

Bit bon no di ris mun ei nikei noho bei ningwes ngun leu hukum kan bi.

YESAYA 36:10

Jikan bipia tuhan mimpu nye tut gi ninjei siceu di nihwen jide minu ba, nibicut jide minu ninyeng cem dima bi e? tuhan Nonti rino cuk nye kwei leu binhyepo nikon pran bit je binico kep jide minu dini hagom bingwig a.”

YESAYA 9:15

Ide nibou nya ibindei srawir ide limwa nya ba, igyok nisinsiou ei yokti cem.

YEREMIA 23:14

Noro dingat lo, nabi nya ei minu ndig Yerusalem ibon sisar nindig bibor binjiriek yok bu. Lewo iris ei tungwatu nya dip cem icut tut hiter nitnem cem yahati tut yo di igyai munti nya kinei bibor cem kikau ba, hi ttin ser nide sisar kan bi. Ba, yahagom ibon kep sisar di kinei bibor noyam kin timiei minu ndig Sodom kin Gomora bou diyai him.”

YEREMIA 23:17

Itri tut bak yo di ikou sut dihyet bipai ‘Dwai! Mijibong kei jigwam kei.’ Lene itri tut bak bikwop no di ningkek ndok bipai ‘Dwai! Mun di buhun bibor micut igkep na bi sren.’ ”

YEREMIA 23:32

Da di tuhan ditte tut nabi di itri tut ide mun di imumpriem nya di mpung tut mun di igbit bi. Iba ide mumpriem dima biris mun bak tungwatu nya. Iba ingon di jei bindei ba, Ditde limwa nya israwir. Dipinak nabi dima yok bi ba, impu Ditde limwa nya bi sren. Da di tuhan disimbot dat tu.”

YEREMIA 29:31

bidisok nihyet ei Semaya dip bak mben Israel di isima ei ingkiaisi ei minu Babel yahagom. Gima rino disok nihyet ei noni dip bak yo dima bidipai “Semaya tri tut nihyet bije tereu nok no di nabi noro Da di tuhan dicuk noni tut bi. Noni bindei ba, jiba jingon com nihyet di bicum nitu he dima.

YEREMIA 29:32

Nibon munti dima bindei ba, jiba jimbuk bihwen Da. Gima rino midikes hukum ei noni kin nide nintun him yamti di bram yam nya dip. Hukum dima rinok gini. Noni kin nide nintun him yamti di bram yam nya mimai ba, ingat mun di kei dino midibon mem Ditde limwa nya bou igyai him bi. Da di tuhan disimbot dat tu.”

YEREMIA 5:12

tuhan de limwa nya ipai mun di igbit bi tut Noni. Ipai “Nok ug e. Noni mibon mun nyeng hi bi. Nyeni mitug ndei mun di buhun bicut ei pranti kin nimai ninggumti cem bi.

YEREMIA 5:31

tug hon nabi nya di iris mun igkei kin imam nya di ibon midut bit leu yonti ingon kanti apino Ditde limwa di jeni jijoi sut igyai munti dima. Noro tirigi njap ningwig honti tau kwei ne mijibon mindei i?”

YEHEZKIEL 13:22

Jiba jide niris munti dima biyai yo di isingat di ijoi sut gima itug ndei mun di buhun leu Da bi nya ingon cun hak. Jibindei ba, yo di isibut nya ingon jei apino ibon sisar bijo kikau leu ba, ingwes ngun bi.

YEHEZKIEL 13:8

Gima rino Da di tuhan Di Dinyeng Jei Bibor dipai biyok: Jisuglai mun cem jingat ningat-hi-ngat di nitrowai he. Gima rino midikiju nok jide siceu.

MBEN ISRAEL IMBUT-MBUT NYEN 22:35

Noro malaikati buhup “E bi! Abit yo dima hak ug. Noro midipingok angonti leu binhyepo gino ahap aji lene ahyet mitibim tut dingon kanti he.” Lene Bileam mbut kikau bit nibou po Balak cuk yok kwei pima.

MATIUS 24:24

Lewo nibou ndig di teu tungwatu nya biyai niyaijo nijep biyok nitrowai nya kin nabi nitrowai nya mitau kwei leu api indo bindo bibon mindur cem ba, ipi biris Allah de limwa nya noro limwa dima yok ingon bit ighyet bi.

MATIUS 7:15

“Ma jisok kep jenti ser nabi nitrowai nya di isrig jikieti lo, iluei itta binok domba nya. Noro bei ninsi ne inok nsien mbrei di niten-pos.

ROMA 16:18

Lewo yo di igyai nok gima igyai midyai mem ide Tuhan Kristus bi noro mem yonti ingut kanti nya. Iba ighyet mini kin ighyet di mmau biris ei yo di ingon mbum nya dip.

KORINTUS GI NICAN 11:3

Noro dikrau dingon tut je leu ma hi muhum jinsi leu ba, jingon gom tut Kristus bu bi. Gima noyam kin mun di cut igkep Hawa mpe di wou di ningon mang hum ninsi ba, ris noni.

GALATIA 1:8

Gino dani kin malaikati leu gwamti cem bitut tungwa tou rino tri tut nihyet di kei hiter di simbrep tut Nihyet Di Kei di ditri tut bije nipou su lene ma Allah sigion noni!

TIMOTIUS GI NIGOM 4:1

Allah Ninnei ndo brei binye bipia ei nidipti bu tungwatu nya mikes ide niba ningon com Kristusti ei leu api iba ibou coi mem ninnei di kinei di ibindei srawir yok kin ninnei rom ide ningginausi.

TIMOTIUS GI NIGOM 4:2

Ningginausi dini tibim kwei leu niris kep mun cig yuhui him ba, yo dini ingon mien ndok ser tu.

PETRUS GI NICAN 2:1

Nipou ne nabi nitrowai nya ittau hak srig Allah de limwa nya ikieti. Gima rino guru nitrowai nya misrig jikieti bu. Yoni ibiti ninda bitri tut nihyet di nijit bi di bindei srawir je leu api ibikep ser Iceu di kwek yok leu mun di kat yok. Tug hon nisinati dima lene ibindei sar yonti ba, gini micut igkep yok kros.

YOHANES GI NIGOM 4:1

Disut bat di dingon kieti jen! Ma jingon bit yo di ipai sut yonti bipia igyai Allah Ninnei ei ingonti yahagom au. Noro ma jibinai ighyet leu binhyepo jingon dorti tut ninnei dima nikwei leusi. Lewo nabi nitrowai nya imang bibor imbut-mbut nyen bidem dihyeisi dini nisurti-nipekti hagom.

NINGAT-HI-NGAT NYA 19:20

No di bri bigwam kuda nitiei dip kat mindhe di niten-pos dima kin nide nabi nitrowai di bon mindur nya ei mindhe noho bei. (No dini ba nide mindur nya biris yo di igyai mindhe di niten-pos de nitak bukti kin yok kin yo di ikuk yok bak nide kwar.) No di bri bigwam kuda nitiei dip com mindhe di niten-pos kin nabi nitrowai tut igyaisi ug ei muk hum belerang di cig-cai.

NIJAM NIKEI NYA 13:3

Mpe di gom ne tuhan de malaikati tau kep Manoah nitnem bipai bak “Ningat ne kwei bipek njap di ammani kep lene apijet yo. Noro jei bi lene ma anghop tut munggwom nipinai.