NIBOU NDIG NYA GI NIGOM 12:33 - ALLAH NIHYET MEM TUNGWATU NYA

³³ Tirigi tto bou pima dem tu lene noni ug ei minu ndig Betel bibon midut nibiyok ngon kep njap ndig di noni kinyon eisi pima ei nimbar hum dokti mem mben Israel.

NIBOU NDIG NYA GI NIGOM 12:33 ပူးပေါင်းရင်းမြစ်များ

NIBOU NDIG NYA GI NIGOM 13:1

Mpe dima lene nabi gom ningat rin ei minu Yehuda. tuhan cuk noni leu binhyepo ug ei minu ndig Betel. Noni ug ba, ug krau hammi tirigi Yerobeam ya kui nimbar hum dok bibon midut nindig mindhe titut kep humti.

MBEN ISRAEL IMBUT-MBUT NYEN 15:39

Sinsun bou mbu dima ne mun nibiyok ngon kep ri. Bikwop mpe di jingat gima yok lene ma jiyok ngon kep dicuk jeti nya hagom ba, jiyai igbit. Tug hon nisinati dima mijibbwe ser Dani leu ba, jibit jenti jingon kanti kin jingon pri kepti nya bi.

MARKUS 7:13

Nok gima lene jiba jide ningginausi di jitri bak tungwatu nya bico kep Allah nihyet. Jiyai kepti dima mang bibor bu nonaha yo.”

MATIUS 15:6

Lo, tut gima nyohou nicig nipmem nya lene nna ug. Nok gima lene jiba jidigup bat-jidigai bat nya ide ningginausi bico kep Allah Nihyet.

YESAYA 29:13

tuhan pai “Yo dima ikuk yok biDani ei yuhui him he noro ingonti ne jo minu ting leu Da. Ide mun di ikuk yok bak ne tungwatu ide nikos tutti di ipwoi ei ibou ngwakti he ri.

MAZMUR 106:39

Ibon munti dima yok bindei ba, map kui yoti. Ingon gom tut Allah bi.

NIBOHON MBEN ISRAEL GI NICAN 26:6

Uzia kon pran bit mben Filistin binggek ngug tig di bicuon minu ndig Gat kin Yabne kin Asdod. Leu api noni ngot nide minu ndig di ngug tig jo ser nya dideu Asdod kin minu ndig nindigsi nya ei minu Filistin.

SAMUEL GI NIGOM 13:12

Gima rino dikan bipia mbigom tentara Filistin mikwei hwen sa ei Gilgal dini noro sibrim singkek ba, sahara tuhan mem gima joi sut sa bigyo. Gima rino dikos tut di dibon midut dima ug a.”

NIBOU NDIG NYA GI NICAN 16:12

Tirigi Ahas ngkwei hanyen leu Damsyik ba, sindi kwei krau lene bisau bingat lo, nimbar hum dok dima put tu.

NIBOU NDIG NYA GI NICAN 17:32

Ngkiai dima yok ikuk yok bak kwar nya leu api ibikuk yok bak tuhan cem. Yoni idimig tungwatu hi gom hi gom leu ikieti ei mem gima igyai midyai nok imam. Nok gima cem ibui mindhe-ndhe bindig bak ide kwar nya gom-gom ei ig di kwar ide nyati.

NIBOHON MBEN ISRAEL GI NICAN 17:4

Noro kuk no bak Allah Nongkom ngat he bibit nicukti nya hagom. Niyai munti nya noyam kin nibou ndig mben Israel igyai munti nya bi.