NIBOU NDIG NYA GI NIGOM 12:24 - ALLAH NIHYET MEM TUNGWATU NYA

²⁴ “Ma jikon pran bit jide bat mben Israel au. Suar jahagom jingkwei hanyen ug ei jitimieisi hak ug. Mun di pek kep dima bit leu Da di tuhan dingon kanti ri.” Gima rino yahagom ibit tuhan nisok kep yokti bingkwei hanyen ug ei itimieisi.

NIBOU NDIG NYA GI NIGOM 12:24 ပူးပေါင်းရင်းမြစ်များ

NITRITI 24:50

Lene Laban kin Betuel ibuhup “tuhan ndo ningon kanti tu lo, dem mem gima nikos tut bak noni bi.

NIBOU NDIG NYA GI NIGOM 12:15

Rehabeam ba ningha bak nide limwa nya ighyet. Noro gima ne tuhan ningon kanti mem no leu binhyepo nihyet di tuhan sok ei Nabi Ahia leu Silo dip tut Yerobeam di Nebat nipmot pima hagom midem igbit.

NIBOU NDIG NYA GI NIGOM 12:25

Niabiati ita Yerobeam nok nibou ndig mem mben Israel lene noni bindei ba, minu ndig Sikhem di jo ei nungug him hanjop Efraim bon tentara nibousi di igya coi nya apino noni bong ei minu ndig dima mem nituti poi. Lene noni ug bu bibong ei minu ndig Pnuel lene bindei ba, minu ndig dima cem bon tentara nibousi di igya coi.

NIBOU NDIG NYA GI NIGOM 14:30

Rehabeam kin Yerobeam ikon pran bit yam nyen-nyen kikau mem nijam jei di Rehabeam ninyeng tak kep timiei Yehuda nya.

NIBOHON MBEN ISRAEL GI NICAN 11:4

“Ma jikon pran bit jide adig-ajoi di keret mben Israel au. Jahagom jingkwei hanyen ug ei jide ig hak ug! Mun di pek kep mem je pima bit leu Da di tuhan dingon kanti ri.” Lene yoni yahagom ibit tuhan nihyet leu ba, yuug kon pran bit Yerobeam nya bi.

NIBOHON MBEN ISRAEL GI NICAN 22:7

Allah kos tut ei su bipia Ahazia de njap mingwig hon mpe dino noni ug bisis ser Yoram di nggwen nibok pima. Leu api Yehu di Nimsi nipmot gom hwen bit Yoram Ahazia nya ei mpe di Ahazia ug bisis ser Yoram pima. Lewo tuhan dimig Yehu ei mem gima ba noni bicok tut yo di intun Nibou Ndig Ahab him yahagom.

NIBOHON MBEN ISRAEL GI NICAN 25:10

Gima rino Amazia kes tentara Israel di ngot kep yok tu pima bingkwei hanyen. Noro ingon sibui bibor drek dip.

HOSEA 8:4

Ditde limwa nya intu kep Da tut dingon kanti mem yok bi leu api ita ide nibou ndig. Ikon ide nibou nya igbit yonti ingon kanti njiriek dingon kanti mem yok. Igyai ide mas kin perak ba, ibibon kwar di ikuk yok bak. Nibon kwarti ribindei timek yonti hanyen a.

MBEN ISRAEL IMBUT-MBUT NYEN 14:42

Ma jimbut ug ei minu dima au. Lewo tuhan ningat rin bit je bi. Mbigom jide siceu nya mibindei timek je ug ri.

NIJAM NIKEI NYA 14:4

tuhan bie tut Simson niyai munti dima noro nicig-nipmem nya ikan tut bi. Lewo tuhan sindi nggok nituti mem gima Noni hwen mben Filistin. Mpe dima lene mben Filistin inyeng tak kep mben Israel.