NIBOU NDIG NYA GI NIGOM 12:16 - ALLAH NIHYET MEM TUNGWATU NYA

¹⁶ Tirigi Rehabeam de limwa nya imiap tut bipia noni buhup ighyet bit leu ingon kanti bi lene iba ighyet nindig bibor hara “Nikou sut Daud kin yo di intun noni him o! Ingondut nye nipou kikau kwei bipek ammani kep bi sren o! Je di mben Israel e, jikwei ba, imbut ri o! Nnaba Rehabeam mibiang niyai munti nibuhunti hak ug o!” Gima rino mben Israel ingkwei hanyen ug ei itimieisi.

NIBOU NDIG NYA GI NIGOM 12:16 ပူးပေါင်းရင်းမြစ်များ

SAMUEL GI NICAN 15:13

Lene tungwagom kwei pai nibimbiti tut Absalom bak Daud bipia mben Israel itti kin Absalom tu.

SAMUEL GI NICAN 16:11

Daud pai bak Abisai kin nibou nya di igya kui noni yahagom “Dipmot bungwam mem gima yai nimai bida. Nggon rino jinga leu sut no di ntun Benyamin him dini nimbriom dati i? tuhan cuk noni bipia mbriom da. Ma jisindui sut noni ba, mbriom da hak ug.

SAMUEL GI NICAN 20:1

Seba di yok nisinsiou ei mben Israelti no bong ei minu ndig Gilgal. Seba dima ne Bikri nipmot rin ba, ntun keret Benyamin him. Mpe di tentara nya injei ttai Daud bikwei sut lene Seba miep pun mbrei leu api tri tut “Nyeni imbier kim Daud bi ba, nggon rima injei bit noni i? Mben Israel jen, jikwei ba, nyeni ingkwei hanyen ug ei itimiesi!”

NIBOU NDIG NYA GI NIGOM 11:11

bipai bak “Ayai mun tunggwei nipreu di apreu ei bit Dani leu api agibit dicuk nati nya cem bi. Gima rino midiyai ade ninyeng tak kep ade limwa nyati dima leu nani lene midiyai bak nibou gom di ya kui nani.

NIBOU NDIG NYA GI NIGOM 11:13

Midipos nide ninyeng tak kepti dima titut yam leu noni bi. Noro midibet mben Israel ide keret nyeng gom ngat mem apmot dima ba, ninyeng mitak kep drek dip gi diyok ngon kep Ditde awak di Daud kin minu ndig Yerusalem di dikon nok Ditde minu ndig pima.”

NIBOU NDIG NYA GI NIGOM 11:34

Midiyai Salomo ninyeng tak kep nide limwati nya titut yam leu noni bi. Ninyeng nibou ndig mijo kikau bibou niyaijo ngwig hon ug e. Dibibon noni nok gima drek dip nicig Daud di nok Ditde awak di didimig ei su pima lewo noni bit Ditde niggai serti kin dicuk noti nya hagom tu.

NIBOU NDIG NYA GI NIGOM 11:35

Midiyai Salomo nipmot nide ninyeng tak kepti leu noni lene midibindei ba, anyeng mitak kep keret simnai.

NIBOU NDIG NYA GI NIGOM 11:36

Noro midisindui sut ba, Salomo nipmot ninyeng mitak kep keret gom ngat leu binhyepo Ditde awak di Daud de nintun him yamti di bram yam nya gom minok nibou ndig mem Da ei minu ndig Yerusalem. Lewo didimig minu ndig dima nok gumihyep gom ngat mem tungwatu nya ikuk yok biDa eisi.

NIBOU NDIG NYA GI NIGOM 11:39

Midikes hukum ei Daud de nintun him yamti di bram yam nya dip drek dip sisar di Salomo bibon noro hukum dima mijo ninno mijo kikau bi.’ ”

NIBOU NDIG NYA GI NIGOM 22:17

Lene Mikha buhup “Dikan huk tentara Israel di igya sinsiou bidem nungug tou nya ba, yahagom inok domba di ibon ide gembala hi bi. Allah pai sut yoni bipia yo dini ibon ide nibou di bie tut yok hi bi. Nna ba yahagom iba ingon di jo nyahan bintek gimahap bingkwei hanyen ug ei ide ig.”

NIBOU NDIG NYA GI NIGOM 22:36

Son dideu mpia nikimbasti lene tentara Israel icuk yam “Jikwei ba, yahagom ingkwei hanyen ug ei ide minu ndig kin ide hanjop cem.”

NIBOHON MBEN ISRAEL GI NICAN 10:16

Tirigi keret mben Israel ikan tut bipia noni buhup ighyet bit leu ingon kanti bi lene iba ighyet nindig bibor bahara “Nikou sut Daud kin yo di intun noni him! Yoni ingondut nye nipou kikau kwei bipek ammani kep bi sren! Je di limwa mben Israel e, jikwei ba, imbut ri! Ma Rehabeam nyohou dimig ningon kanti nya mem nonti!” Lene keret mben Israel ingkwei hanyen ug ei ide ig.

MAZMUR 132:17

Midikon tungwagom di ntun Daud him ninyeng nok nibou ndig di sindem bibor ei Sion. Midibindei ba, ninyeng tak kep limwa nyati ei minu dini ug hon nohonti bi sren.

MAZMUR 76:10

Leu mpe dima lene ayai abou tut hukum di abikes ei tungwatu nya dip ba, ateu yo di ibiang mun di buhun ei dihyeisi dini bingwes ngun cem.

NIPINGOK NINGONTI 15:1

Nibuhupti di nem-nnai bindei ba, no di gga bibor ningon cut hanyen. Noro nibuhupti di singga miep hum kin no di gga nide nigga biborti.

YESAYA 7:17

tuhan micuk nibou ndig Asyur kwei bihwen je. Gima bindei ba, nani kin ade ig bei nsi nya kin ade limwa nya jahagom mijitug ndei mun di buhun bibor dor njiriek mun di buhun di nipou cut igkep je ei mpe di po mben Israel kin timiei Yehuda nya ikwas yam pima kikau kwei bipek ammani kep.

YESAYA 7:2

Tirigi Nibou Ndig Ahas miap tut tentara Siria inghapti bipia ikwei njei siceu bit tentara Israel pima tu lene noni kin nide limwa nya yahagom ingon ttin bibor ba, inok biei ninggrupti di hou ttem-ttem nyen.

YEREMIA 33:21

Nok gima cem dingot nipreu eisi mem Ditde awak di Daud ba, nipreu eisi dima pai bipia tungwagom leu yo di intun noni him mikui bigwam nok nibou ndig bikwop nok gima bijo kikau. Dingot nipreu eisi mem imam di intun Lewi him nya ba, nipreu eisi dima pai bipia yoni migyai midyai mem Da bijo kikau. Bit bon hi dip tut gi preu dima kan bi.

YEHEZKIEL 37:16

“Na di tungwatu di ayaijo kikau bi e, ma ayai tom gom ba, apas eisi ‘Mben Yehuda inyeng di tak kep yonti.’ Lene ma ayai tom gom kin bu ba, apas eisi ‘Mben Israel inyeng di tak kep yonti.’

MARKUS 3:24

Gino mben hi ikwas yam ei nimpung can ba, ikon pran bit yam lene yoni imai bingwig hak ug ri.

LUKAS 19:14

Noro timiei di leu nitimieisi ingon mpo tut noni. Gima rino isok ighyet ei ibou poi di ibram noni dip bram bipai ‘Nikou sut gima no dini ninyeng tak kep nye a.’

LUKAS 19:27

Nogindini ma jikat ditde siceu nya di ikou sut gima dinyeng tak kep yok kwei leu api jikimukep yahagom bou diyai him hak ug!’ ”

YOHANES 13:8

Lene Petrus srep “Tuhan e, ma apiap dimig bi sren!” Noro Yesus buhup “Gino dipiap amig bi lene bit bon ambier kim Da bi.”

NIJAM NIKEI NYA 8:35

Lene inggei sut yo di intun Gideon him drek dip mun di kei bibor hagom di noni bibon mem mben Israel bu bi.

NIJAM NIKEI NYA 9:28

Lene Gaal pai sut “Apo nyeni ne tou i? Leu dima ikuk nye bak Abimelekh i? Apo Abimelekh ne tou i? Noni ne Gideon nipmot rin ba, Zebul ya kui noni. Nggon rino ibit noni nihyet i? Ma ingon gom tut Hemor di nok pung di nyeni intun him!”