NIBOU NDIG NYA GI NIGOM 12:15 - ALLAH NIHYET MEM TUNGWATU NYA

¹⁵ Rehabeam ba ningha bak nide limwa nya ighyet. Noro gima ne tuhan ningon kanti mem no leu binhyepo nihyet di tuhan sok ei Nabi Ahia leu Silo dip tut Yerobeam di Nebat nipmot pima hagom midem igbit.

NIBOU NDIG NYA GI NIGOM 12:15 ပူးပေါင်းရင်းမြစ်များ

NITRITI 24:50

Lene Laban kin Betuel ibuhup “tuhan ndo ningon kanti tu lo, dem mem gima nikos tut bak noni bi.

SAMUEL GI NICAN 17:14

Lene Absalom kin mben Israel yahagom ibuhup “Husai nipingok nyeti kei bibor dor njiriek Ahitofel nipingok nyeti.” tuhan kos tut bipia yo dima mice tut Ahitofel nipingok yokti di kei bibor dima bi leu binhyepo bindei ba, mun di buhun bibor micut igkep Absalom.

NIBOU NDIG NYA GI NIGOM 11:11

bipai bak “Ayai mun tunggwei nipreu di apreu ei bit Dani leu api agibit dicuk nati nya cem bi. Gima rino midiyai ade ninyeng tak kep ade limwa nyati dima leu nani lene midiyai bak nibou gom di ya kui nani.

NIBOU NDIG NYA GI NIGOM 12:24

“Ma jikon pran bit jide bat mben Israel au. Suar jahagom jingkwei hanyen ug ei jitimieisi hak ug. Mun di pek kep dima bit leu Da di tuhan dingon kanti ri.” Gima rino yahagom ibit tuhan nisok kep yokti bingkwei hanyen ug ei itimieisi.

NIBOU NDIG NYA GI NIGOM 22:23

Lene Mikha pai ningwigsi biyok “Mun dini yok hagom pek kep mem je! Allah bindei ba, ade nabi dini yok yahagom iris mun bak na di Andigpoi. Lewo Noni kos tut mem gima mbigom na di Andigpoi atug midut ug ri!”

NIBOU NDIG NYA GI NICAN 10:10

Gini bindo bipia mun nyeng hagom di tuhan pai sut Ahab nignyon bat nya micut igkep yok. tuhan yai mun bipek kep nipreusi di tug hon Nide awak di Elia tu.”

NIBOU NDIG NYA GI NICAN 9:36

Tirigi ipai sut mun di ingat bak Yehu tu lene noni pai “tuhan tri tut ningon kanti tut sop dima tirigi po mbot kep tut bak Nide awak Elia bipia mporo nsien nya migyem bibriug Izebel ningut bingwig ei hanjop Yizreel ba,

NIBOHON MBEN ISRAEL GI NICAN 10:15

Miap kep nide limwa nya ighyet bi. Ningat ne gima bit leu tuhan Allah ningon kanti mem yoni. Leu binhyepo nihyet di tuhan sok ei Nabi Ahia leu Silo dip tut Yerobeam di Nebat nipmot pima hagom midem igbit.

NIBOHON MBEN ISRAEL GI NICAN 22:7

Allah kos tut ei su bipia Ahazia de njap mingwig hon mpe dino noni ug bisis ser Yoram di nggwen nibok pima. Leu api Yehu di Nimsi nipmot gom hwen bit Yoram Ahazia nya ei mpe di Ahazia ug bisis ser Yoram pima. Lewo tuhan dimig Yehu ei mem gima ba noni bicok tut yo di intun Nibou Ndig Ahab him yahagom.

NIBOHON MBEN ISRAEL GI NICAN 25:16

Lene Amazia mbrua kep nihyet bipai “Akes ahyet hak. Leu gi bi ne miniyai nimai bina! Nita nani nok no di pingok kep nibou ndig ningonti bi sren.” Leu api nabi dima kes nihyet lo, bon nituti gom di pai bak “Nogindini dikan tut bipia Allah kos tut mem gima bindei sar Na Di Andigpoi drek dip abon munti nya dima ba, arok dipingok nati cem dima.”

NIBOHON MBEN ISRAEL GI NICAN 25:20

Noro Amazia kou sut gimiap Yoas di nok nibou ndig mem mben Israel nibuhupti dima. Lewo Allah kos tut bipia suar Amazia cut bak siceu di ihwen bit nya drek dip gi po kuk no bak mben Edom ide kwar nya pima.

MAZMUR 5:10

Lewo bit bon hi ba ningon com ditde siceu di iba nitok bida ighyet kan bi. Ingon mpung tut ide nitin ei ningon kanti di kinei bibor. Ikes ighyet di mmau kei di brim tungwatu nya ingon noro ingon bei mien mpung tut mun di mpiei ningkom.

DANIEL 4:35

Noni mian huk tungwatu dihyeisi dini bingat lo, idem kep nok yo di ibon inyeng bi ei niyai him. Ninyeng tak kep malaikati nya ei gwamti kin tungwatu dihyeisi dini cem. Bit bon tungwa hi tte tut ningon kanti bihig simber Noni tut niyai munti nya kan bi.

AMOS 3:6

Gino pun mbrei di sok kep timiei minu hi tut pran nitausi tibim ne gima bindei ba, tungwatu nya idigit tut bi e? Gino tuhan kes mun di buhun ei minu ndig gom dip bi lene mun di buhun dima micut igkep yok e?

KISAH 2:23

Allah kos tut ningon kanti mem Yesus nipou su bipia mikes Noni ei jindati. Tirigi Allah kes Yesus ei jindati rino jihwen Noni tug hon yo di imbuk nya di ipek Noni kin biei salib.

KISAH 3:17

He disut bat jen, dikan tut bipia mun di jeni kin jide nibou nya jibindei ba, cut igkep Yesus dima ne jiba jingon tindur bindei yo.

KISAH 4:28

Idem yam leu binhyepo igyai mun di hagom bit leu nok akos tutti nipou su tut mun di micut igkep Noni. Ba, akos tut mun di mipek kep nya hagom tug hon Ade nisindemti kin angon kanti.

NINDAT KEP TUHAN NICUKTI NYA 2:30

Noro Nibou Ndig Sihon ce tut mem imbut kak pui di bikwam nide minu hacan dima bi. Gima nok lewo jide tuhan Allah bindei ba, Sihon ningkek ndok. Ningon tindak cem leu binhyepo bon nituti mem nyeni ibindei timek noni. Lene nyeni ibrim nide minu bigyati kwei bipek ammani kep.

NIJAM NIKEI NYA 14:4

tuhan bie tut Simson niyai munti dima noro nicig-nipmem nya ikan tut bi. Lewo tuhan sindi nggok nituti mem gima Noni hwen mben Filistin. Mpe dima lene mben Filistin inyeng tak kep mben Israel.

SAMUEL GI NIGOM 15:29

Nye di mben Israel ide Allah Di Ninyeng Jei ris mun ba, luei ningonti bi lewo Noni ne tungwatu dihyeisi dini rin bi.”