NIBOU NDIG NYA GI NIGOM 12:13 - ALLAH NIHYET MEM TUNGWATU NYA

¹³ Lene Nibou Ndig Rehabeam ningkek ndok tut andigpoi pima yok ide nipingok noti leu api ba nihyet di singga bibuhup nide limwa nya ighyet,

NIBOU NDIG NYA GI NIGOM 12:13 ပူးပေါင်းရင်းမြစ်များ

NITRITI 16:6

Lene Abram buhup “Nna ba noni ne ade awak rin ba, anyeng tak kep noni. Abon mun igbit angon kanti bitut noni hak ug.” Lene Sarai sibut tut Hagar nindig bibor apino Hagar nang leu.

NITRITI 42:30

Ipai binoni “Nibou mben Mesir ba nihyet di ten bipai kep nye bipia nuug yok nitta kep nide minu.

NITRITI 42:7

Tirigi noni ngat igbit nikindig bat nya lene bon nonti nok ngkiai ei igyai him leu api ba nihyet di ten bihig singgre yok “Jikwei leu hantou i?” Lene ibuhup “Nikwei leu minu Kanaan mem gima nipek njita.”

SAMUEL GI NICAN 19:43

Lene mben Israel ipai “Mbro nok gino nibou ndig tig mbier tut je lo, nyeni nidem mem gima nibuwak noni nindig bibor mbisimnai bu njiriek je. Nggon rino jingon jei ba, jingwes pri gau nye i? Ma jiyok ngon kep bipia nyeni nisimbot kep biyam tut nibuwak nibou ndig hanyen kweisi bibie leu je!” Noro Yehuda nya ighyet singga bibor dor njiriek mben Israel ighyet.

NIBOU NDIG NYA GI NIGOM 12:12

Njap ningai bu ne Yerobeam kin nide limwa nya yahagom induk yam hanyen kwei bit leu nok Rehabeam nicuk yoti.

NIBOU NDIG NYA GI NIGOM 12:14

bit leu nok pinai pilei pima yok ide nipingok noti bipai biyok “Dicig kes mun di buhun ei jinghat dip noro midikum ei mun di buhun bibor dimati bu ug ri. Noni ba na mbrei ngkek nitu bimbas je noro midiba na mbrei ngkek di bon nikwai ngkimom bimbas je bu!”

NEHEI LEUSI 10:28

Lene Firaun pai bak Musa “Aug bihigom leu doho bei! Gino dingat angat bou diyai him hanyen bu lene midiyai nimai bina!”

NEHEI LEUSI 5:2

Lene Firaun buhup “tuhan dima tou i? Nggon rino dibit nihyet dima bidisindui sut mben Israel bimbut i? Dikan tut tuhan dima bi. Gima rino midisindui sut mben Israel bimbut bi.”

NIPINGOK NINGONTI 10:11

Yo di ingon kwes kei imbrapti dem kep nok minyei bousi di biam tut niyaijoti. Noro no di sibut pai nihyet bitak kep ningon di kinei biborti.

NIPINGOK NINGONTI 10:32

Yo di ingon sren ighyet mibiyai ningon di kei bak yo di imiap kep. Noro yo di isibut ighyet di tibim leu yuhui him biyai ningon di kinei bak yo di imiap nihyet nya.

NIPINGOK NINGONTI 13:20

Gino ahig asut bit yo di ingon ki nya lene jei bi nani cem angon ki. Gino ahig asut bit yo di ingkek ndok nya ne abindei ba, mun di buhun micut igkep na.

NIPINGOK NINGONTI 15:1

Nibuhupti di nem-nnai bindei ba, no di gga bibor ningon cut hanyen. Noro nibuhupti di singga miep hum kin no di gga nide nigga biborti.

NIPINGOK NINGONTI 18:23

Gino no di nuhui mbum hap niji bimbrap lene ba nihyet nggriu bimbrap. Noro no di nyeng ba nihyet di singga bibuhup.

NIBA NINGON SRIP HUKTI 10:12

No di ningon ki nihyet di pai bindei ba, tungwatu nya inggei sut noni. Noro no di ningon mbum nihyet di pai bindei sar nonti.

NIBA NINGON SRIP HUKTI 2:19

Ba, dikan bipia no di ya luei dohoti dima ningon ki e, he ningon mbum e, dikan tut bi. Mbro nok gino ningon ki e, he ningon mbum lo, ninyeng mitak kep ningat di dicom dahanggwap tut kin ningat di diba ningon di ki biyai mem nijam di diyaijo ei dihyeisi dini. Ba, gima cem mun di bit bon dingon dorti tut kan bi ri.

YAKOBUS 3:17

Noro ningon kiti di srek kwei leu gwamti bindei ba, ingon kwes-kwau bibie leu api ingon jo nyahan cem ingon nggriu cem ingon ngakei tungwatu nya cem ba, ningat di kei ntun nyeni him lene nok kikau. Nimig mbus tungwatu nyati kin ningon canti ntun him bi.

SAMUEL GI NIGOM 20:10

Lo bi lene Daud hig ser noni “Gino acig ba ningon di sibui bibuhup bina lene tou rima kwei pai sut bida i?”