NIBOU NDIG NYA GI NIGOM 11:4 - ALLAH NIHYET MEM TUNGWATU NYA

⁴ kikau bipek mpe di noni wer andig-ndau leu su lene nitnem bat nya ihwen ningon bibindei ba, Salomo kuk no bak mben ngkiai dima yok ide nung nya. Salomo nicig Daud ningon gom tut nide tuhan Allah kikau noro Salomo yai bram nicig Daud niyai kepti nya bi.

NIBOU NDIG NYA GI NIGOM 11:4 ပူးပေါင်းရင်းမြစ်များ

NIBOU NDIG NYA GI NIGOM 11:2

Mbro nok gino tuhan ggai ser mben Israel bipia ma iwak srig yamti nyen bit mben ngkiai nya au. Leu binhyepo sop dima yok mibindei ba, mben Israel mikuk yok bak mben ngkiai ide nung nya au lo, Salomo ug wak sop dima yok tu.

NIBOU NDIG NYA GI NIGOM 11:33

Dibirop bak Salomo drek dip gi kou sut Da leu di ug kuk no bak kwar nya. Kwar di ug kuk no bak tu dima yok rino Asytoret di mben Sidon ide kwar kin Kamos di mben Moab ide kwar kin Milkom di mben Amon ide kwar a. Noni bit dihyet kin Ditde nikos tutti nya kin dicuk noti nya bit leu nok nicig Daud niyai kepti nya bi.

NIBOU NDIG NYA GI NIGOM 11:38

Gino abit Ditde awak di Daud niyai kepti kin Ditde niggai serti nya ba, abindei bidijoi sut na tug hon gima abit Ditde nicuk nati nya di diyai bina cem lene midingat rin bit na kikau. Midita nani nok nibou ndig mem mben Israel leu api ade nintun him yamti di bram yam nya migya luei ahoti ba, inyeng mitak kep Ditde limwa nya bram yam bit leu nok gi dipreu ei mem Daud pima.

NIBOU NDIG NYA GI NIGOM 11:42

Ninyeng tak kep mben Israel ei minu ndig Yerusalem kikau mem ari bingwam ningot bitai.

NIBOU NDIG NYA GI NIGOM 11:6

Noni bon sisar tut tuhan tug hon niyai munti dima noro nicig Daud ba ningon titut bibit tuhan.

NIBOU NDIG NYA GI NIGOM 11:9

Mbro nok gino tuhan Allah ndo Nonti mbican bak Salomo bisok kep noni bipia ma Noni kuk no bak nung nya au lo, Salomo gibit tuhan nihyet bi. Noni ba ninghim bak tuhan hak apino tuhan gga noni,

NIBOU NDIG NYA GI NIGOM 14:21

Tirigi Rehabeam di Salomo nipmot kui bigwam nok nibou ndig mem minu Yehuda lene nide njap ug ei ari bingwam ningot bitai ba, gom. Ninyeng tak kep timiei Yehuda nya kikau ei nijam ari bingwam simnaimuhwidip brimigtehican ei minu ndig Yerusalem. tuhan dimig minu ndig dima leu minu Israel nindigsi nya ikieti pijum ei nok gumihyep di mben Israel ikuk yok bak Noni eisi. Rehabeam nipmem ninyeng Naama ba, noni ntun mben Amon him.

NIBOU NDIG NYA GI NIGOM 15:14

Mbro nok gino Asa cok tut mpia di ikuk yo bak kwar nya eisi hagom bi lo, noni ba ningon di gom bibit tuhan nihyet kikau buug bimai kep.

NIBOU NDIG NYA GI NIGOM 15:3

Abiam bon kep sisar di nicig bon kep di nipou nya. Noni ba ningon di gom bibit nide tuhan Allah hak noyam kin nidigup di Daud bi.

NIBOU NDIG NYA GI NIGOM 3:3

Mbro nok gino Salomo ningon ngakei tuhan bibit nicuk noti nya hagom lo, noni cem bui mindhe-ndhe mang bibor bibon midut ei nimbar hum dokti bidem mpia ttou nsi dima.

NIBOU NDIG NYA GI NIGOM 6:1

Mpe dima lene Salomo ninyeng tak kep mben Israel mem ari bingwam bitai su. Noni kinyon ei ningot tuhan De Igti mem Bed Ziw di bed nican. Nijam dima ne ari bingwam gi sratus bitai ningot muhwindaningai niabiati mben Israel ingwes ngun leu minu Mesir ri.

NIBOU NDIG NYA GI NIGOM 8:61

Nnaba je di Nide limwa nya mijingon gom tut jide tuhan Allah ba, jibit Nide nikos tutti kin nicuk jeti nya hagom bit leu nok gi jiyai kep ei ammani tu.”

NIBOU NDIG NYA GI NIGOM 9:10

Nijam di Salomo ngot tuhan De Ig kin nibou ndig de ig dima yem nijam ari bingwam nyatungwagom.

NIBOU NDIG NYA GI NIGOM 9:4

Gino aba angon di sren kin angon di gom bikuk na biDa bit leu nok acig Daud niyai kepti ba, abit Ditde niggai serti kin dicuk nati nya hagom lene,

NIBOU NDIG NYA GI NICAN 20:3

“tuhan e, ma ayok ngon kep bipia diba dingon gom kin dingon sren biyai midyai nok awak mem Na kikau. Dibrim dingkek ba, dita dibou ei gima dibit angon kanti kikau.” Pai nok leu api ba ningon di ngguk bibor bipim nggruet.

NIBOHON MBEN ISRAEL GI NIGOM 28:9

Leu api Daud pai bak Salomo “Dipmot na e, ma akon Allah di acig kuk no bak nok ade Allah. Suar aba angon di gom bikuk nanti nok awak mem Noni cem apwoi ningon cem. Lewo Noni kan tut ikan-kan nyenti nya kin ingon priti nya cem hagom. Gino anggok tut Noni lene mporo angat Noni. Noro gino akes Noni ei ba, aba anghim bak lene Noni mirok nani ei bijo ninno bijo kikau.

NIBOHON MBEN ISRAEL GI NIGOM 29:19

Abindei ba, dipmot Salomo miba ningon di joi bibor bita nibou ei midyai diniti bibit Ade nicukti nya hagom leu binhyepo ba nimbumbati di ditin ei su nya bingot Ig nibikuk no bak Nani eisi.”

NIBOHON MBEN ISRAEL GI NICAN 17:3

tuhan njei mun di kei bak Yosafat. Lewo co igbit nicig nicoti hak ug. Lene gikuk no bak kwar Baal bi.

NIBOHON MBEN ISRAEL GI NICAN 25:2

Amazia ba ningon di can bibon mun bipwoi tuhan ningon haigtu bi.

NIBOHON MBEN ISRAEL GI NICAN 34:2

Yosia bon mun di bipwoi tuhan ningon ba, yai bram nide pung Nibou Ndig Daud niyai kepti nya bibit Allah de nicukti nya hagom titut yam cem.

NEHEI LEUSI 20:3

Harin dima jikuk je bak nung nya a. Noro ma jikuk je biDangkom.

NINDAT KEP TUHAN NICUKTI NYA 17:17

Ma nibou ndig wak sop mang au. Leu binhyepo ba nghim bak tuhan au. Lene ma noni ngat ningwes ei perak kin masti binyeng tut nindig bibor au.

NINDAT KEP TUHAN NICUKTI NYA 7:4

Leu binhyepo yoni miris jimunggwom bat nya leu tuhan ndam nung di yo dima ikuk yok bak nya au. Gino mun dima cut igkep je lene tuhan ningon misibui sut je leu api Noni mihwen je bijingwig.