NIBOU NDIG NYA GI NIGOM 11:38 - ALLAH NIHYET MEM TUNGWATU NYA

³⁸ Gino abit Ditde awak di Daud niyai kepti kin Ditde niggai serti nya ba, abindei bidijoi sut na tug hon gima abit Ditde nicuk nati nya di diyai bina cem lene midingat rin bit na kikau. Midita nani nok nibou ndig mem mben Israel leu api ade nintun him yamti di bram yam nya migya luei ahoti ba, inyeng mitak kep Ditde limwa nya bram yam bit leu nok gi dipreu ei mem Daud pima.

NIBOU NDIG NYA GI NIGOM 11:38 ပူးပေါင်းရင်းမြစ်များ

SAMUEL GI NICAN 7:11

Mbro nok gino didimig nibou nya di ibie tut yok ei apino yo di isibut nya ihwen bit yok kikau kwei bipek ammani kep lo, midicuon ser ayaisi lene midibindei ba, ade nintun him di bram yam nya imang bibor cem.

SAMUEL GI NICAN 7:16

Mporo ma anok pung mem nintun him di bram yamti imang bibor ba, anyeng di tak kep ade limwa nya sindem bibor cem bijo ninno bijo kikau. Ade nintun him di bram yam minok nibou ndig nya biya luei ahoti bram yam bijo ninno bijo kikau.”

NIBOU NDIG NYA GI NIGOM 11:37

Yerobeam e, midita nani ba, anok nibou ndig mem mben Israel lene midisindui sut ba, anyeng mitak kep dihyei hanjop nsi nimangti bit leu ajoi sutti.

NIBOU NDIG NYA GI NIGOM 11:39

Midikes hukum ei Daud de nintun him yamti di bram yam nya dip drek dip sisar di Salomo bibon noro hukum dima mijo ninno mijo kikau bi.’ ”

NIBOU NDIG NYA GI NIGOM 11:4

kikau bipek mpe di noni wer andig-ndau leu su lene nitnem bat nya ihwen ningon bibindei ba, Salomo kuk no bak mben ngkiai dima yok ide nung nya. Salomo nicig Daud ningon gom tut nide tuhan Allah kikau noro Salomo yai bram nicig Daud niyai kepti nya bi.

NIBOU NDIG NYA GI NIGOM 3:14

Gino abit dihyet kin Ditde niggai serti nya bit leu nok acig Daud niyai kepti pima lene midibindei ba, ayaijo jei bibor cem.”

NIBOU NDIG NYA GI NIGOM 6:12

“Gino abit Ditde nikos tutti nya kin dicuk nati nya hagom lene midibibon na bit leu nok dipreu ei mem acig Daudti.

NEHEI LEUSI 1:21

Lene Allah bindei ba, sop cin dima ibon imunggwom bat nya lewo yahacem ikuk yok biNoni bibit nihyet.

NEHEI LEUSI 19:5

Nogindini gino jibit dihyet ba, jiyok ngon kep mun po dipreu ei mem je pima lene dinyeng mitak kep je. Dinyeng tak kep tungwatu dihyeisi dini hagom noro didimig jengkom bijinok dingon kieti nya.

ZAKHARIA 3:7

“Gino abit Ditde niggai serti nya ba, abiyai kep midyai nya di dindo bina hagom ne anyeng mitak kep Ditde Ig ba, ayok ayai kep Ditde mpia di jo bas hak nya cem bijo kikau. Midingig ditingou mem ade nadi nya noyam kin gi dingig ditingou mem malaikati di ingat rin simiak da nya ide nadi.

NINDAT KEP TUHAN NICUKTI NYA 12:25

Gino jibit tuhan nicuk jeti dini lene Noni mijoi sut je leu api jeni kin jide nintun him yamti di bram yam nya mijibong kei mijigwam kei.

NINDAT KEP TUHAN NICUKTI NYA 15:5

gino jipwoi tuhan ningon ba, jiba jingon di gom bibit mun nyeng hagom di ditri tut bije njap di ammani gom-gom sindam.

NINDAT KEP TUHAN NICUKTI NYA 31:8

tuhan Nonti mibie tut nani ba, ningat rin bit nani cem. Noni mikes nani ei bibindei ba, angon pus tut Noni bi sren. Gima rino ma angon ttin ba, angwes mien au.”

YOSUA 1:5

Yosua e, bit bon ade siceu hi hwen na bibindei ba, acut bak yoni kikau ug bipek ade njap ningwig honti kan bi. Lewo midingat rin bit na bit leu nok gi po dingat rin bit Musa pima ba, midikes na bihigom ei bi sren.

SAMUEL GI NIGOM 2:35

Lene mididimig imam di ningon gom di bit leu dingon kanti ei mem Da. Midibindei ba, imam nya mintun noni him sindam leu binhyepo igyai kep midyai imam nya ide ei nibou ndig di didimig ei su noho bei.