Mbro nok gima lo, midibindei mbut Ditde nikos tutti dima mem nijam di ayaijo dini bi drek dip gi diyok ngon kep acig Daud. Midibindei mbut mun dima ei mpe di apmot gom miya luei ahoti ba, ninyeng tak kep ade limwa nya.
Midiyai Salomo ninyeng tak kep nide limwati nya titut yam leu noni bi. Ninyeng nibou ndig mijo kikau bibou niyaijo ngwig hon ug e. Dibibon noni nok gima drek dip nicig Daud di nok Ditde awak di didimig ei su pima lewo noni bit Ditde niggai serti kin dicuk noti nya hagom tu.
Tirigi mben Israel imiap tut bipia Yerobeam kwei hanyen leu minu Mesir tu lene ihig noni kwei gwam bit yok tirigi imbus yam ei gomti leu api ita noni nok ide nibou ndig. Keret Yehuda nya nongkom he rino ingon gom tut Daud de nintun him yamti di bram yam nya.
Angkwei hanyen ba, apai sut bak Yerobeam bipia tuhan Allah mben Israel pai ‘Didimig na di Yerobeam leu limwa Israel ikieti bidikon nani nok no di ninyeng tak kep Ditde limwa Israel tu.