NIBOU NDIG NYA GI NIGOM 11:26 - ALLAH NIHYET MEM TUNGWATU NYA

²⁶ Tungwagom bu di ham nimbuk kep Nibou Ndig Salomo ninyeng Yerobeam di ya kui nibou ndig. Nicig ninyeng Nebat bibong ei Zereda ei hanjop Efraim lo, nipmem ne sop kibom Zerua.

NIBOU NDIG NYA GI NIGOM 11:26 ပူးပေါင်းရင်းမြစ်များ

NITRITI 35:16

Lene Yakub kin nide bat nya yahagom ijo leu minu ndig Betel biyuug ei Efrata. Tirigi yoni yuug krau Efrata bigyo rino Rahel di tta buhun ninghim dut ei puig sinon lo, nimunggwom kinai ei ninghopti.

SAMUEL GI NICAN 20:21

Nyeni nitin ei ningon kanti nok gima bi. Noro Seba di timiei nungug him Efraim di nicig ninyeng Bikri hwen bit Nibou Ndig Daud ba, ningat rima ei minu ndig ade dima. Gino jikes noni ei dindati lene minikes je binimbut leu je ri.” Lene sop dima buhup “Mbigom minicom no dima nitibou leu ngug tig dini hwou bak na di Andigpoi ug ri.”

NIBOU NDIG NYA GI NIGOM 11:11

bipai bak “Ayai mun tunggwei nipreu di apreu ei bit Dani leu api agibit dicuk nati nya cem bi. Gima rino midiyai ade ninyeng tak kep ade limwa nyati dima leu nani lene midiyai bak nibou gom di ya kui nani.

NIBOU NDIG NYA GI NIGOM 11:25

Nibou Ndig Rezon cem ba nitok bak mben Israel mem nijam di Salomo niyaijo yo dima noyam kin Hadad cem ba, yok nisinsiou ei hanjop dimati.

NIBOU NDIG NYA GI NIGOM 11:28

lene Yerobeam cem yai midyai bit yok. Tirigi Salomo ngat lo, Yerobeam joi bibor bita nibou ei midyai dimati lene Salomo ta noni nok mindor mem awak nya di igyai kep midyai mem nibou ndig ei keret Manasye kin Efraim ide hanjop nsi.

NIBOU NDIG NYA GI NIGOM 12:2

Tirigi Nebat nipmot Yerobeam di nang leu Salomo buug ei minu Mesir pima miap tut Rehabeam ninghapti lene noni ngkwei hanyen kwei leu minu Mesir.

NIBOU NDIG NYA GI NIGOM 14:16

tuhan mikes ninda leu mben Israel drek dip sisar di Yerobeam bon nya di bindei di mben Israel cem ibon sisar.”

NIBOU NDIG NYA GI NIGOM 15:30

Mun di buhun dini cut igkep yok lewo Yerobeam bindei ba, tuhan Allah di mben Israel ikuk yok bak gga bibor drek dip sisar di noni bon kin sisar di noni bindei ba, mben Israel cem ibon.

NIBOU NDIG NYA GI NIGOM 16:3

Gima rino midicok tut nani kin ade ig bei nsi nya bitut ade bat nya yahagom noyam kin hukum di dikes ei Yerobeam dip pima.

NIBOU NDIG NYA GI NIGOM 21:22

Ambier kimti nya midem kep nok Nebat nipmot di Nibou Ndig Yerobeam nimbier kimti nya kin Ahia nipmot di Nibou Ndig Baesa nimbier kimti nya drek dip gi abindei ba, dingon sibui sut mben Israel tirigi abie tut yok ug ei sisarti.’

NIBOU NDIG NYA GI NIGOM 9:22

Noro Salomo ubon mben Israel binok awak bi. Noni dimig yok ei binok tentara nya kin nibou tentara nya kin nibou pran nya kin nibou mem yo di ikrau kroba pran nya kin tentara di iba kuda di ibri nya bikon pran kan nya cem lene nok.

NIBOHON MBEN ISRAEL GI NIGOM 2:19

Tirigi Azuba mai leu su lene Kaleb wak nitnem Efrat bu. Lene Kaleb Efrat nya igyai ipmot gom ngat di ninyeng rino Hur.

NIBOHON MBEN ISRAEL GI NICAN 13:6

Mbro nok gima lo, Yerobeam di Nebat nipmot dima ham nimbuk kep nide nibou ndig Salomo o!

NIBOHON MBEN ISRAEL GI NICAN 9:29

Mun di ipui sut Salomo leu nimbie him kikau ug bipek ningwigsi hagom jo ei srat Nabi Natan Niyai Munti Nya kin srat Nabi Ahia Leu Silo kin srat Nabi Ido Ningat-Hi-Ngatti tu. Ba, srat Nabi Ido dima pai sut Yerobeam di nibou ndig mben Israel cem.

NIJAM NIKEI NYA 12:5

Tentara Gilead di ikon pran dima ijuk bigya ser mpia di isigon kep Minyei Yordanti nya ei nite dini kwei. Igya ser nok gima leu binhyepo ikat tentara timiei Efraim di inang bisigon nya. Mpe di tentara timiei Efraim gom kwei hara yok mem gima isindui sut ba, sigon minyei buug dihip ei nite dima ug biningwes ngun lene tentara Gilead ihig ser noni “Apo atimiei leu Efraim e?” Lene gino buhup biyok “Dintun keret Efraim him bi,”

SRAT RUT 1:2

No dima ninyeng Elimelekh lene nitnem ninyeng Naomi ba, nipmot bat cin inyeng rino Mahlon kin Kilyon. Yoni itig mbier tut mben Efrata. Ibong ei minu Moab wer mimbrek tu lene,

SAMUEL GI NIGOM 1:1

Mpe di gom lene Elkana bong ei minu ndig Rama ei nungug him di keret Efraim nya ide lewo noni ntun keret Efraim him. Nicig ninyeng Yeroham lene nignyon ninyeng Elihu. Noni ne Tohu nide bat ba, nimbier kim Zuf ninsi de nya.

SAMUEL GI NIGOM 17:12

Daud nicig ninyeng Isai lene Isai tig mbier tut keret Efrata bibong ei Betlehem ei hanjop keret Yehuda ide. Noni yai nipmot bat nya ibou muhwindaningai. Tirigi Saul ninyeng tak kep mben Israel lene Isai nok andig-ndau leu su.