NIBOU NDIG NYA GI NIGOM 10:22 - ALLAH NIHYET MEM TUNGWATU NYA

²² Salomo ninyeng tak kep kibar minyei nindig mang-mang di ingkwei-ngkwei nyen ei muk ngwa dip bit Hiram de kibar minyei nya. Nide kibar minyei mbut-mbut nyen mem ari bingwam nitindur ningai leu api kwei hanyen tut mas kin perak kin gaja nikwai di jei bibor kin diyon nya kin hanggei nya bimpung.

NIBOU NDIG NYA GI NIGOM 10:22 ပူးပေါင်းရင်းမြစ်များ

MAZMUR 72:10

Nibou ndig minu Tarsis kin mios nya mikwei binjei munkwas bak noni. Nibou ndig minu Arab kin Etiopia nya mikwei go belasten binoni.

MAZMUR 48:7

Igwam nittin kin nidigitti ei mpia dima binggwen dem kep sop di ninghim dut dideu nisrekti pimo ba,

NITRITI 10:4

Yo di intun Yawan him ne timiei minu Elisa kin Spanyol kin Siprus kin Rodes nya ri.

YESAYA 66:19

lene midikes mun di bindo ninyeng gom ei ikieti. Mididimig ibou poi di ingwes ngun leu api dipinak yok ndam ngkiai nya di ibong ei minu ting bibor di imiap tut Dani bi sren yo kin gi ingat Ditde ninyeng di jei biborti kin Ditde nisindemti bou igyai him bigyo nya. Midipinak yok ug ei minu Spanyol kin Libia kin Lidia di bon nikri kep tibor cig nya kin Tubal kin Yunani nya. Yoni mitri tut Ditde ninyeng jei biborti ei mben ngkiai dima yok ikieti.

YESAYA 60:9

Kibar minyei dima kwei leu minu ting bimpung tut Allah de limwa nya di induk yam kwei ei itimieisi hanyen. Yoni ipwoi perak kin mas kwei ba, mibinggei sut tuhan di nok mben Israel ide Allah Di Kwes-Kwau di bindei ba, ngkiai nya ikon Nide limwa nya inyenga.

YESAYA 23:10

Timiei minu Spanyol e, ma juug yai jide miai nya. Lewo mun di jibisigi jide kibar nijou nya jo bu bi.

YESAYA 23:6

Timiei mukti e, ma jipim ba, jibwos-bwos nyen leu api jingwes ngun ug ei Spanyol cem.

YESAYA 23:1

Gini ne nisok nihyetti tut minu ndig Tirus ri. Niyai midyai ei muk ngwa dip cig leu minu Spanyol di jiba kibar bimbut muk ndigsi e, ma jipim ba, jibwos-bwos nyen! Mpe di jibri kibar ba, jijo leu Mios Siprus lene jimiap tut bipia minu ndig Tirus timek tu. Muk nuhuisi di kibar yati dima kin ig nya nggek sinsiou tu.

YESAYA 2:16

Noni mibindei sar kibar di nindig bibor di kei-kau nya hagom bicut ei minyei jou.

NIBOHON MBEN ISRAEL GI NICAN 9:21

Salomo nyeng tut kibar minyei di nindig krop mang-mang di ug kwei nyen ei muk ngwa dip bit Nibou Ndig Hiram de kibar minyei nya. Kibar minyei dima yok imbut-mbut nyen mem ari bingwam nitindur ningai leu api ingkwei hanyen tut mas kin perak kin gaja nikwai di jei bibor nya kin dion kin hanggei nya.

YUNUS 1:3

Noro Yunus kiju binang leu tuhan nicuk noti buug ei minu ndig Yopa. Noni ug krau hammi tirigi kibar minyei gom tin ei mem gima mbut bitot minyei ug ei minu Spanyol. Gima rino noni bipbur ba, go gau nonti bak kiten kibar leu api bri bit timiei kibar nsi nya dima biyuug ei minu Spanyol leu binhyepo bong ting bibor leu tuhan niyai him.

AMOS 3:15

Midibindei ig di ibong ser mem bed di biang hou kin ig di ibong ser mem bed di biang mpia wam timek bingwig. Ig dino iba gajah nikwai bimau mitti bingwig. Ig nindig nya hagom mitimek bingwig.

YEHEZKIEL 27:12

Atri ade ndigban nindig bibor ei minu Spanyol leu api abipek perak kin ngkimom nitu kin ngkimom leben nitiei kin ngkimom-leben nimmun.

AYUB 39:13

Mindhe ha unta ninyehei tittem sindem bibor noro bit bon ha unta dima mba noyam kin kindus mbrei kan bi.

NIBOU NDIG NYA GI NIGOM 10:18

Lene noni cuk tukan nya ba, ibon banggo mbrei nindig gom. Iba gaja nikwai di jei bibor ningkek binggai nite hi lene iba mas binggai nite hi bu.

NIBOU NDIG NYA GI NIGOM 9:26

Ei nijam dima ne Nibou Ndig Salomo bibon kibar minyei ei Ezion-Geber dideu Elot ei Muk Nuhuisi Akaba nipimat ei hanjop minu Edom.

NIBOU NDIG NYA GI NIGOM 10:21

Lene tukan nya iba mas bibon Salomo de mok di dut minyei eisi nya hagom. Lene iba mas bibon nide hot nya kin hot nggram nya cem hagom mem nide Ninsi Baham Libanon. Iba perak bibon mun nyeng hi bi lewo ei nijam Salomo lene perak bon ninyeng bi.

YEHEZKIEL 27:15

Jeni kin timiei Rodus jitri mun jibipek ndiyok leu yamti. Timiei minu les him nya cem iba gajah nikwai di jei kin biei nimmun bipek ade ndigban di atri nya.