NIBOU NDIG NYA GI NIGOM 10:13 - ALLAH NIHYET MEM TUNGWATU NYA

¹³ Lene Nibou Ndig Salomo yai mun nyeng di nibou ndig sop dima ningon pri kep bak bitut munkwas di Salomo tin ei mem gima yai binoni bit leu niyai kepti. Lene nibou ndig sop dima kin yo di igya kui noni yahagom ingkwei hanyen ug ei minu Syeba.

NIBOU NDIG NYA GI NIGOM 10:13 ပူးပေါင်းရင်းမြစ်များ

MATIUS 15:28

Lene Yesus buhup “He dipmisop ndia ug o, aba angon com Da nindig bibor! Gima rino midibirop bina bit leu ahara Dati!” Tirigi Yesus pai bak nok rino nipmisop kei hanyen.

MAZMUR 37:4

Ma jinggok tut jingon di llei ndam tuhan leu api Noni miyai mun di jiyok jingon mem bije.

MAZMUR 20:4

Handei kon ba, joi sut Ade midut nibikuk na biNoniti nya hagom ba, ningon kei sut Ade midut nindig mindhe ei nimbar hum dokti nya cem.

EFESUS 3:20

Allah sindem mem gima birop hanyen binye nindig bibor dor njiriek mun di nyeni yahara Noni tut kin ikan-kan nyenti cem tug hon Nide nisindemti di sindem tut ingonti.

NIBOU NDIG NYA GI NIGOM 10:2

Noni hei sut nide awak di igya kui noni imang bibor. Yoni ipwoi biei ngat nya di ui-gwang kin tig permata kin mas mang bibor bikon hagom ei unta di ijem kwei nya dip. Tirigi noni kwei krau ba, Salomo ya um tu lene noni ba nihyet nibiti ninda bisigbou Salomo tut mun nyeng hagom bit leu ningon kanti.

NIBOU NDIG NYA GI NIGOM 9:1

Niabiati Nibou Ndig Salomo ngot tuhan De Ig kin nide ig nibou ndig kin ig nindigsi bit leu ningon kanti biput tu lene,

NIBOU NDIG NYA GI NIGOM 10:12

Lene Salomo ba biei dima bibon terali nya mem tuhan De Ig kin nide ig nibou ndig cem. Lene noni cuk tukan nya biba biei dima bibon nggong mbrei nya mem yo di ikek kan nya. Biei cendana dima ne gi hi di kei bibor kei dor njiriek biei cendana nindigsi di tungwatu nya ipian kwei leu minu mben ngkiai ide hagom ri. Hon kep nijam dima kui lene hi ngat biei cendana nok gima bou niyai him bu bi sren.)

NIBOU NDIG NYA GI NIGOM 10:14

Nibou Ndig Salomo tug ndei mas di nibuhunti kilo sribu nyatungwagom ningai bikwop ari bingwamti.

NIBOHON MBEN ISRAEL GI NICAN 9:12

Lene Nibou Ndig Salomo njei mun nyeng hagom bak Nibou Ndig Sop mben Syeba bit leu sop dima nijoi sutti bikum ei ndigban di Salomo tin ei mem gima yai binoni bit leu niyai kepti. Leu api Nibou Ndig Sop dima njei sut yo di igya kui noni yahagom bingkwei hanyen ug ei nitimieisi.