NIBOU NDIG NYA GI NIGOM 10:1 - ALLAH NIHYET MEM TUNGWATU NYA

¹ Jei bi lene nibou ndig sop leu minu Syeba miap tut Salomo ninyeng di jei. Gima rino noni kwei ngat noni ei minu ndig Yerusalem leu binhyepo ba nihyet nibiti ninda bisigbou noni tut mun di nggruk bibor.

NIBOU NDIG NYA GI NIGOM 10:1 ပူးပေါင်းရင်းမြစ်များ

NITRITI 10:28

kin Obal kin Abimael kin Syeba,

NITRITI 10:7

Yo di intun Kus him ne timiei minu Seba kin Hawila kin Sabta kin Raema kin Sabtekha ri. Yo di intun Raema him ne timiei minu Syeba kin Dedan ri.

NITRITI 25:3

Lene Yoksan yai nipmot bat cin di inyeng Syeba kin Dedan. Yo di intun Dedan him ne mben Asyur kin mben Letus kin mben Leum ri.

NIBOU NDIG NYA GI NIGOM 10:24

Lene tungwatu dihyeisi dini hagom ibrim ingkek bikwei ngig itingou mem Salomo nipingok yokti tug hon ningon di ki bibor di Allah yai binoni.

NIBOU NDIG NYA GI NIGOM 4:31

Salomo ningon ki bibor dor njiriek tungwatu nya yahagom. Ningon kiti dor njiriek Etan di mben Ezrahi kin Heman di Mahol nipmot kin Kalkol kin Darda nya ide ningon kiti cem. Salomo ninyeng tibim bidem minu di jo ttai nide ninyeng tak kepti hagom.

NIBOU NDIG NYA GI NIGOM 4:34

Nibou ndig nya bidem dihyeisi dini hagom imiap tut Salomo ningon kiti apino ipinak tungwatu nya bikwei ngat noni leu binhyepo ingig itingou mem ningon kiti di tibim ei nuhui him.

NIBOU NDIG NYA GI NIGOM 5:14

Lene noni ta Adoniram nok no di ninyeng tak kep yok. Noni kwas pinai dima yok ei nimpung ningai ba, nimpung gom imangti ibou sribu simnai lene bikwop nok. Bikwop nimpung nya hagom igyai midyai ei Libanon mem bed gom leu api ingkwei hanyen ei ide ig mem bed can.

AYUB 28:28

Allah pai bak tungwatu nya “Suar jiba nibou di cut bak Allah bikon ninyeng mem gima jibiyai ningon ki leu Noni. Ma joom jenti ei minu ting leu mun di kinei nya leu binhyepo jibiyai ningon dor niti leu Noni.”

AYUB 6:19

Nimpung di ibri unta nya kwei leu minu Syeba kin Tema inggok minyei dima ba, ingon ya mem gima idut kep inggobiausi,

MAZMUR 49:4

Miditri tut mun di kwei leu dingon kiti. Midiba dibou ngwakti di kwes bikan-kan nyen.

MAZMUR 72:10

Nibou ndig minu Tarsis kin mios nya mikwei binjei munkwas bak noni. Nibou ndig minu Arab kin Etiopia nya mikwei go belasten binoni.

MAZMUR 72:15

Abindei ba, nibou ndig bong kei gwam kei bijo ninno bijo kikau! Abindei ba, mben Arab injei mas bak noni ba, tungwatu nya ingat nadi tindei noni mem mmun-njap cem. Allah e, ma anjei mun di kei bak noni bijo ninno bijo kikau.

YESAYA 60:6

Mben Midian kin Efa kin Syeba yahagom mikon ide mas kin biei nggrai di ui-gwang kei ei ide unta nya imang bibor dip bijem yok kwei leu api yoni minggei sut tuhan niyai munti nya!

YEREMIA 6:20

Ide biei nggrai di igyai kwei leu minu Syeba kin biei ngat di ui-gwang kei di igyai kwei leu minu nindigsi nya cem bon ninyeng mem Da bi. Dijoi sut ide midut nya kin ide mindhe di indig ei nimbar hum dokti bi.

YEHEZKIEL 16:14

Ngkiai nya yahagom ikon anyeng tut ade nuubbuti di ubbu ngat dima. Lewo Dani rino dibindei di anok sop ubbu ngat. Da di tuhan Di Dinyeng Jei Bibor disimbot dat tu.

YEHEZKIEL 38:13

Timiei minu Syeba kin Dedan kin nitri-nipek mun cig di ibong ei minu Spanyol nya mihig ser noni ‘Apo acuk ade tentara nya mem gima ipos ndigban cem icincau bipos mas kin perak kin mindhe-ndhe nimuhup tu nya ba, jipian gima yok hagom bijuug sut e?’ ”

MATIUS 12:42

Tirigi Njap ningwig honti dem lene nibou ndig sop di kwei leu mpia nibiho mikiju bit je di nijam dini leu api mipai kep je lewo noni jo leu nitimieisi ei minu ting bibor kwei lene ngig nitingou mem Salomo di ba ningon di ki bingginau tungwatu nya pima nihyet. Noro nogindini no di ninyeng jei dor njiriek Salomo no rinaha!”

MATIUS 13:11

Noni buhup “Allah mbot kep mimun tut Ninyeng Tak Kepti bije tu noro Noni mbot kep mimun dima bak yo di hiter bi.

MATIUS 13:35

Tug hon nisinati dima lene mun di tibim ei nabi nuhui him pek kep tu. Ba, nabi pai, “Diba nihyet nibiti nindati bingginau tungwatu nya. Dimbot kep tut mimun di jo nding habiei ei nimbie him kikau kwei bipek ammani kep.”

MARKUS 4:34

Yesus ba nihyet nibiti nindati bingginau tungwatu nya bikwop ug. Noro Noni mbot kep tut nihyet nibiti nindati dima hagom tirigi Noni kin yo di igya kui Noni induk yam bigwam biyongkom.

LUKAS 11:31

Tirigi Njap dem mem Allah birop kin hukum lene nibou ndig sop di kwei leu nite bei mpia nibiho mikiju bit tungwatu nya ei nijam dini leu api mipai kep yok. Lewo noni jo leu nitimieisi di jo minu ting bibor kwei bingig nitingou mem Salomo di ba ningon di ki bingginau tungwatu nya nihyet. Noro tini bu ne No di ninyeng jei dor njiriek Salomo no rinaha!

YOHANES 17:3

Gino tungwatu nya iba ingon com bipia Nani ne Allah gom ngat di nijit rin ba, iba ingon com Yesus Kristus di acuk kwei lene igyai niyaijo nijep di jo kikau.