NIBOU NDIG NYA GI NIGOM 1:9 - ALLAH NIHYET MEM TUNGWATU NYA

⁹ Njap poi ser lene Adonia bon midut bibui domba kin sapi nikre kin sapi pmot di nehen pap nya bindig kep hum ei mpia ttou nsi gom di ninyeng Tig Wou dideu minyei bousi En-Rogel. Lene noni nduk Nibou Ndig Daud nipmot bat nindigsi nya kin nibou Yehuda nya di igya kui nibou ndig yahagom kwei ba, ibon midut bit noni.

NIBOU NDIG NYA GI NIGOM 1:9 ပူးပေါင်းရင်းမြစ်များ

SAMUEL GI NICAN 17:17

Mpe dima lene Yonatan di Abyatar nipmot kin Ahimaas di Zadok nipmot iku yok nyahan ei minyei bousi di En-Rogel di jo minu ndig Yerusalem nitta lewo ibrim ingkek mem gima icoi kwei ei minu ndig dima bi leu binhyepo hi ngat yok bi. Lene sop awak gom kwei cem kep yok bikwop nituti hagom leu binhyepo mbot kep tut mun di pek kep ei minu ndig dima biyok leu api yoni yuug tri tut hanyen bak Nibou Ndig Daud.

NIBOU NDIG NYA GI NIGOM 1:19

Noni bon midut bibui sapi nikre kin domba nya kin sapi pmot di nehen pap mang bibor bindig kep hum leu api nduk apmot bat nindigsi nya kin Imam Abyatar kin Yoab di nibou pran yahagom kwei ba, ibon midut bit noni. Noro noni nduk apmot di Salomo cem bibit yok bi.

NIBOU NDIG NYA GI NIGOM 1:25

Njap di ammani noni ug bon midut bibui sapi nikre kin domba nya kin sapi pmot di nehen pap mang bibor bindig kep hum tu. Noni nduk apmot bat nindigsi nya kin Yoab di nibou pran kin Imam Abyatar yahagom bibon midut bit noni. Nogindini yahagom igyem pesta ba, igyai nillei lene imbos-hi-mbos cem bitri tut ‘Adonia e, ma ayaijo ninno!’

NIPINGOK NINGONTI 15:8

tuhan joi sut yo di ingon kwes kei nya ide nadi noro ningon mpo tut midut di yo di isibut nya ibon ei nimbar hum dokti nya.

MATIUS 22:4

Lene sok nihyet ei nide awak nindigsi nya dip bak nisut bat nya bipai biyok ‘Dingei njita ei su ba, dibui sapi nindig kin nehen pap di nok mikwau di ngge kei cem ba, dibam hagom biput ei su. Ma jinduk yam kwei mem pesta niwak yamti!’

YOSUA 15:7

Minu niya kwas yamti dima mbut kikau bipek kin Mbang Briep Nuum Ningon Buhun kikau bipek kin Debir leu api kriek bu bei nijjai ndam Gilgal di birok kik Nitinggoisi Adumim ei briep bou him dima nibiho lene jo leu sirima ug bipek kin minyei yaisi ei En-Semes kikau bipek kin En-Rogel.

YOSUA 18:16

Leu api juk bipek kin nungug kiou di jo bikik Mbang Briep Hinom sur Mbang Briep Refaim nohon keti nite bei mpia nijjai ngig-ngat. Gima leu lene minu niya kwas yamti dima juk bei mpia nibiho bikak Mbang Briep Hinom bikriau mben Yebus ide minu ndig ei pimbien bou pima kikau bipek kin En-Rogel.