NIBOU NDIG NYA GI NIGOM 1:52 - ALLAH NIHYET MEM TUNGWATU NYA

⁵² Lene Salomo buhup “Gino Adonia ningon gom tut da lene noni mitug ndei hukum hi bi. Gi bi lene noni mitug ndei nimai.”

NIBOU NDIG NYA GI NIGOM 1:52 ပူးပေါင်းရင်းမြစ်များ

SAMUEL GI NICAN 14:11

Lene sop dima buhup “Na di Andigpoi e, ma angat nadi bak ade tuhan Allah leu binhyepo no di suar ba nibuhunti bibuhup dipmot di mai pima ningut dima bon mun di kinei dor njiriek bu biyai nimai bak dipmot gom di niyaijo yo au.” Lene Daud pai bak “Dipai bina tug hon tuhan di niyaijo ninyeng bipia hi mibon mun kinei sut apmot dima poi mien cem bi.”

NIBOU NDIG NYA GI NIGOM 1:51

Lene hi pai bak Nibou Ndig Salomo bipia Adonia ttin tut noni buug krau nimbar hum dok nikoisi lene simbot dat “Midikes nikoisi dini ei ba, dimbut leu prak meng dini bi bibou Nibou Ndig Salomo ba neheng bipreu ei mem da bipia noni miyai nimai bida bi ug e.”

NIBOU NDIG NYA GI NIGOM 1:53

Lene Nibou Ndig Salomo sok nihyet bak tungwatu nya leu binhyepo ibuwak Adonia kwei leu nimbar hum dok nijoti. Noni kwei ngat nibou ndig bikuk no ei nimig him lene nibou ndig pai binoni “Nna ba angkwei hanyen ug ei ade ig hak ug!”

AYUB 15:22

Bit bon yok ningon mem gima ningwes ngun leu nidinditi kan bi. No di hwen mun igkei miba singau simeda buhuk-huk nyen noni bikwop nituti hagom ba,

NIPINGOK NINGONTI 13:6

Yo di ingon kwes kei nya igwam coi ningon di sren keiti. Yo di ibon kep sisar iba ide mun di mbuk nya bindei sar yonti.

NIPINGOK NINGONTI 21:12

Allah Di Ningon Sren Kei kan bidem tut yo di isibut igyai kepti nya ei ide ig nya. Noni mibindei ba, itug ndei hukum di buhun bibor.

MATIUS 10:30

Nok gima cem Allah kan tut jibou nta nimangti.

LUKAS 21:18

Noro jibou nta gom mipror leu je bi.

KISAH 27:34

Dipingok jingonti leu binhyepo jiyem njita gom-gom ser nhyema jimai jinggum au. Lewo jibou nta nimig gom mipror leu je bi.”

SAMUEL GI NIGOM 14:45

Noro nide limwa nya isrep bipai “E bi! Nggon rino Yonatan mitug ndei nimai i? Noni ribindei dino ide siceu nya yahagom icut bak nyeni tu! Nipreu kep na di Andigpoi tug hon Allah di niyaijo ninyeng bipia Yonatan nibou nta gom mipror leu noni bi. Lewo noni bindei ba, ide siceu icut bak nyeni mem njap di ammani tug hon Allah di sindem tut noni.” Gima rino nide limwa nya iteu Yonatan ba, ningwes ngun leu hukum nimai.