NIBOU NDIG NYA GI NIGOM 1:48 - ALLAH NIHYET MEM TUNGWATU NYA

⁴⁸ bipai “Jikwei ba, inggei sut mben Israel ide tuhan Allah lewo Noni ta no di ntun dani him biya luei dohoti nok nibou ndig di nijep ei njap di ammani tirigi dimai bigyo tu.

NIBOU NDIG NYA GI NIGOM 1:48 ပူးပေါင်းရင်းမြစ်များ

NITRITI 14:20

Ma tungwatu nya inggei sut Allah Di Ninyeng Jei Bibor di sindem tut na dino ahwen ade siceu nya bicut bina tu.” Lene Abram hit ndigban po pos pima hagom bikwas gom leu ningot gom lene gom leu ningot gom tut Melkisedek.

SAMUEL GI NICAN 24:3

Noro Yoab buhup “Handei kon ba, Na di Anyeng Jei ade tuhan Allah bindei ba, tentara Israel imangti kum eisi mbisratus-sratus bram yam njiriek leu imangti njap di ammani. Handei kon ba, Na di Anyeng Jei ayaijo kikau ba, angat yahagom bou ayai him. Noro Na di Anyeng Jei e, nggon rino akos tut bipia apas kep inyeng kin imangti i?”

SAMUEL GI NICAN 7:12

Mpe dino ayaijo ngwig hon tu leu api tungwatu mitig angut ei jui nsi simiak adigup bat-adigai bat nya ingut lene midita apmot gom nok nibou ndig biya luei ahoti bu leu api midibindei ba, ninyeng tak kepti mbut sindem bibor.

NIBOU NDIG NYA GI NIGOM 1:49

Lene Adonia nisut bat nya ittin tut ba, yahagom ikiju bigya lene ikes noni ei bintek gimahap bimbut leu noni.

NIBOU NDIG NYA GI NIGOM 2:4

Gino abit tuhan nihyet lene Noni miyai hagom bit leu nok Noni preu ei mem da tut ditde nintun him yamti di bram yam nya. Gino iba ingon gom bibit tuhan nihyet lene inyeng mitak kep mben Israel bram yam kikau.

NIBOU NDIG NYA GI NIGOM 3:6

Lene Salomo buhup “tuhan e, angon ngakei Ade awak di dicig Daud ninno tu. Ningon kwes ba, ningon sren cem ba, ningon gom tut na di tuhan cem. Ando bindo tut Ade ningon ngakei noti kikau tirigi abindei ba, nipmot ya luei nohoti binok nibou ndig bu.

NIBOU NDIG NYA GI NIGOM 8:20

Disut bat jen, tuhan yai hagom bit leu nok Noni preu ei su. Diya luei dicig nok nibou ndig mem je di mben Israel bidingot tuhan De Ig leu binhyepo jikuk je bak jide tuhan Allah eisi.

NIBOHON MBEN ISRAEL GI NIGOM 17:17

Noro abon mun di kei dor tunggwei gima binye tu. Apreu sut yo di mintun dani him ei nijam gima kwei cem ba, abibon da tereu nok no di ninyeng jei.

NIBOHON MBEN ISRAEL GI NIGOM 29:10

Mpe dima lene Nibou Ndig Daud kon tuhan ninyeng ei yo di imang bibor dima yoho bei bipai “tuhan Allah di nyeni nidigai Yakub kuk no bak e, dinggei sut anyeng bijo ninno bijo kikau.

NIBOHON MBEN ISRAEL GI NIGOM 29:20

Daud ngat nadi nok gima leu lene cuk yo di imang bibor di idem yam ei dima “Ma jikon jide tuhan Allah ninyeng o!” Leu api yahagom ikon tuhan Allah di idigup bat-idigai bat nya ikuk yok bak ninyeng a. Lene yahagom iba ingwak bikik dihyei mem gima ibou bicut bak tuhan kin ide nibou ndig.

NEHEMIA 9:5

Yo di ibie tut yok mem njap ndig dima rino keret Lewi nya di inyeng rino Yesua kin Kadmiel kin Bani kin Hasabneya kin Serebya kin Hodia kin Sebanya kin Petahya yahagom ipai, “Ma jahagom jikiju bijiya leu api jinggei sut tuhan di nyeni ide Allah! Ma jinggei sut Noni bijo ninno bijo kikau! Ma tungwatu nya yahagom inggei sut ninyeng di jei bibor ba, sindem bibor cem! Ninyeng jei bibor dor njiriek ighyet di ibinggei sut Noni.”

MAZMUR 145:2

Dipai sigyo biNa bikwop mmun-njap bidinggei sut Na bijo ninno bijo kikau.

MAZMUR 34:1

Doia Daud mpe di bisinggre nok no di mirei kipon noti ei Abimelekh noho bei bibindei ba, ijji noni bimbut hak ug.

MAZMUR 41:13

Ampu da drek dip dingon srenti leu api abindei bidigwam bit Na bijo ninno bijo kikau.

NIPINGOK NINGONTI 17:6

Andig-ndau nya inggei-nggwang tut ignyon bat nya noyam kin munggwom nya di inggei-nggwang tut icig bat-ipmem bat nya.

DANIEL 4:34

Mpe dino nijam ari bingwam muhwindacan ngwig leu lene dikon dibou biditou kep mpia-bbed him leu api dingon tungwatu hanyen bu. Gima rino dinggei sut Allah Di Ninyeng Jei Bibor. Dikon No di niyaijo bijo ninno bijo kikau ninyeng. Allah nok nibou ndig bijo ninno bijo kikau. Ninyeng tak kepti ug hon nohonti bi sren.

EFESUS 1:3

Jikwei ba, inggei sut Allah di nok ide Yesus Kristus Nicigya! Lewo Noni njei mun di kei di ntun gwamti him ninyeng hagom bak innei drek dip gi inok gom kin Kristus.

PETRUS GI NIGOM 1:3

Jikwei ba, ipai sigyo bak Allah dino ide Tuhan Yesus Kristus Nicigya! Ningon ngakei nye nindig bibor biyai niyaijo nijep binye tug hon Yesus Kristus nikiju hanyen leu nimai eisi. Noni bindei ba, igyok ingon memti nddong kei.

SAMUEL GI NIGOM 25:32

Lene Daud pai bak Abigail “Dinggei sut mben Israel ide tuhan Allah di pinak na di akwei um da ei njap di ammani.