NIBOU NDIG NYA GI NIGOM 1:42 - ALLAH NIHYET MEM TUNGWATU NYA

⁴² Nipou tirigi noni hig ser yok ba, kes nihyet tut bigyo lene Yonatan di Abyatar nipmot tau kwei. Adonia hig noni “Acoi kwei. Dikan tut bipia akwei sut nihyet di kei lewo angon singat.”

NIBOU NDIG NYA GI NIGOM 1:42 ပူးပေါင်းရင်းမြစ်များ

SAMUEL GI NICAN 15:27

Lene noni pai bak Zadok “Amiap e, ma apai hi pai apmot di Ahimaas kin Yonatan di Abyatar nipmot leu binhyepo jahagom jiba jingon di jo nyahan bingkwei hanyen ug ei minu ndig ug.

SAMUEL GI NICAN 15:36

Imam cin dima ipmot bat di Ahimaas kin Yonatan cem ingat rin bit icig bat cin a. Ma asok ahyet tut nihyet di tibim ei atingou nsi hagom ei yok dip leu api acuk yok kwei bimbot kep tut hagom bida.”

SAMUEL GI NICAN 17:17

Mpe dima lene Yonatan di Abyatar nipmot kin Ahimaas di Zadok nipmot iku yok nyahan ei minyei bousi di En-Rogel di jo minu ndig Yerusalem nitta lewo ibrim ingkek mem gima icoi kwei ei minu ndig dima bi leu binhyepo hi ngat yok bi. Lene sop awak gom kwei cem kep yok bikwop nituti hagom leu binhyepo mbot kep tut mun di pek kep ei minu ndig dima biyok leu api yoni yuug tri tut hanyen bak Nibou Ndig Daud.

SAMUEL GI NICAN 18:27

Lene no di ya ser pai “Dikan tut bipia no di bie dima ne Ahimaas rin lewo dingat igbit nidorti.” Lene nibou ndig buhup “Ahimaas ningon sren ba, mikwei sut nihyet di kei bibor ri.”

NIBOU NDIG NYA GI NIGOM 1:41

Tirigi Adonia kin nisut bat nya igyem ide pesta bingwig rino imiap nibimbi dima. Yoab miap pun mbrei tibim lene noni hig ser yok “Mindei ripek kep mem timiei minu dini di bindei dino ighyet kui yam nok gima i?”

NIBOU NDIG NYA GI NIGOM 1:43

Noro Yonatan buhup “E bi. Nibou Ndig Daud ta Salomo biya luei nohoti nok nibou ndig di nijep bu tu!”

NIBOU NDIG NYA GI NIGOM 22:18

Lene Ahab pai bak Yosafat “Mikha nibuhupti dima bit leu nok gi dipai bina pima rin bi e? Noni mbot kep tut mun di mipek kep ei nidipti bu di kei bibor bitut da hi bi sren noro mbot kep tut mun di mipek kep ei nidipti bu di kinei bibor bida bijo kikau!”

NIBOU NDIG NYA GI NICAN 9:22

Lene Yoram hig ser Yehu “Aba angon di kwes bikwei nok disut rin e?” Noro Yehu buhup “Notou midikwei nok asut tirigino yo di nung kui yok nya imang bibor kin yo di ikuk yok bak kwar di apmem Izebel bindei bikieng kep mpia dini yo rinaha yo i?”

YESAYA 57:21

Bit bon yo di ibon sisar nya mibong nyahan kan bi. Da di tuhan disimbot dat tu.”