NIBOU NDIG NYA GI NIGOM 1:39 - ALLAH NIHYET MEM TUNGWATU NYA

³⁹ Zadok hit ampou tut mini zaitun di noni yai kwei leu tuhan De Prak Meng bisiber ei Salomo nibou nggram him. Lene imiep pun leu api tungwatu nya yahagom imbos-hi-mbos bipai “Na di Nibou Ndig Salomo e, ma ayaijo ninno!”

NIBOU NDIG NYA GI NIGOM 1:39 ပူးပေါင်းရင်းမြစ်များ

NIBOU NDIG NYA GI NIGOM 1:25

Njap di ammani noni ug bon midut bibui sapi nikre kin domba nya kin sapi pmot di nehen pap mang bibor bindig kep hum tu. Noni nduk apmot bat nindigsi nya kin Yoab di nibou pran kin Imam Abyatar yahagom bibon midut bit noni. Nogindini yahagom igyem pesta ba, igyai nillei lene imbos-hi-mbos cem bitri tut ‘Adonia e, ma ayaijo ninno!’

NIBOU NDIG NYA GI NIGOM 1:34

Lene ma Imam Zadok kin Imam Natan ita noni nok nibou ndig di nijep mem mben Israel ei mpia dima. Jimiep pun mbrei lene jimbos bijipai ‘Na di Nibou Ndig Salomo e, ma ayaijo ninno ug o!’

NIBOU NDIG NYA GI NIGOM 1:40

Lene yahagom ibit Salomo bingkwei hanyen. Imbos-hi-mbos ba, imiep porei nya lene nibimbi bindei ba, tereu nok dihyei ugwa-kwei.

NIBOU NDIG NYA GI NIGOM 2:15

Lene Adonia buhup “Amei e, akan tut bipia ningat ne suar dani rima diya luei dicig nohoti nok nibou ndig. Ba, mben Israel yahagom ingon ya mem gima nipou su. Noro mun dima gipek kep mem da nok gima bi ba, dikinjoi ya luei dicig nohoti binok nibou ndig bit leu tuhan ningon kanti mem noni.

NIBOU NDIG NYA GI NICAN 11:12

Gima leu lene Yoyada buwak Yoas behei sut leu api kes topi nibou ndig ei nibou nggram him ba, kes srat Allah Nicukti Nya cem bak. Lene yahagom ikon Yoas kui bigwam nok nibou ndig bitri tut noni bidem limwa nya yahagom. Lene yahagom ittem inda ba, ibimbos-hi-mbos bipai “Na di nibou ndig e, ma ayaijo ninno!”

NIBOU NDIG NYA GI NICAN 11:14

Tirigi ug krau bingat lo, nibou ndig nijep dima ya ei Tuhan De Ig nimbou ba, imam nya iba mini nibon midut bita noni lene ikon noni kui bigwam nok nibou ndig cem ba, nibou tentara nya kin yo di imiep pun mbrei igya ttai noni. Limwa nya yahagom imbos-hi-mbos ba, ibiyai nillei lene ibimiep ide pun mbrei nya cem. Atalya ba ningon di digit birik nide sinsun lene ba nihyet ndig bisrep “Jaham jimbuk kep da o! Jaham jimbuk kep da o!”

NIBOU NDIG NYA GI NICAN 9:1

Mpe dima lene Nabi Elisa hig nabi di pilei yo gom leu nabi ngot di noni ngginau yok dima ikieti kwei bipai bak “Atin ei ba, apwoi ampou di mini zaitun joti dini ba, aug sut ei Ramot ei hanjop Gilead.

NIBOU NDIG NYA GI NICAN 9:13

Tirigi Yehu buhup ighyet rino nisut bat nya ijuk ide sinsun ndok di jei ba, ibingig lin dip ei Yehu noho bei. Leu api imiep pun mbrei ba, iba ighyet nindig bibor bijem bipia “Yehu ne nibou ndig rin o!”

NIBOHON MBEN ISRAEL GI NIGOM 29:22

Njap dima ne yahagom iba ingon di nggei-hi-nggei biyem njita bidut ndia ngei cem ei tuhan Noho bei. Mben Israel ikon ighyet nimbican bu tut Salomo nok nibou ndig. Ikon Salomo nok ide nibou ndig lene ikon Zadok nok ide imam tug hon tuhan ninyeng.

NIBOHON MBEN ISRAEL GI NICAN 23:11

Tirigi yo di igya ser nya ibon nipui bigya igyati bidem leu api Yoyada ug buwak Yoas ba, hei sut kwei leu tuhan De Ig. Tirigi hei sut Yoas kwei su lene Yoyada kon topi nibou ndig ba, bijuk nibou a. Lene bikes Srat Tut Allah Nicukti cem bak. Tug hon midut dima lene ibikon Yoas kui bigwam nok nibou ndig. Leu api Imam Yoyada ya tut nimunggwom bat nya ba, isiber mini midut nibikon Yoas nok nibou ndig ei nibou nggram him ba, limwa nya yahagom ijem “Na di nibou ndig e, ma ayaijo ninno ug o!”

NIBOHON MBEN ISRAEL GI NICAN 23:13

Ug krau su lene ngat nibou ndig nijep di ya hak ei dimbou hui ei tuhan De Ig nuhui bingat nibou tentara nya kin yo di imiep pun mbrei di igya ser mpia di ibindei kui Yoas binok nibou ndig eisi pima. Lene limwa nya yahagom iba ingon di llei bimbos-hi-mbos bibimiep pun mbrei cem ser. Yo di ikek kep musik ei tuhan De Ig cem iba musik hi gom hi gom bikon njap midut dima. Lene Atalya ba ningon di digit birik nide sinsun lene bahara pia “Jikinei sut da bijitri da o! Jikinei sut da bijitri da o!”

MAZMUR 89:20

Ambot kep bak ade awak di ingon gom nya tug hon ningat-hi-ngat mimbrek ngan tu “Dimpu tentara di ninyeng jei gom. Dita no di didimig leu ditde limwa nya ikieti ei banggo mbrei tu.

NEHEI LEUSI 30:35

Lene aba biei nggrai di ui-gwang kei dini bibon mun di ui-gwang kei di ninghap noyam kin mini ibou. Lene aba nsim srigsi leu binhyepo pimbai kei ba, kwes-kwau cem.

SAMUEL GI NIGOM 10:24

Lene Samuel pai biyok “tuhan ndo no dini nok jide nibou ndig. Lewo nye di nindigsi yahagom hi noyam kin noni bi.” Pai nok lene tungwatu nya yahagom imbos-hi-mbos bipai “Na di nibou ndig e, ma ayaijo ninno ug o!”

SAMUEL GI NIGOM 16:13

Haninyai Samuel hit ampou tut mini zaitun pima bisiber ei Daud nibou nggram him bou nikindig bat nya igyai him. Mpe dima lene tuhan Ninnei sindem tut noni ba, ningat rin bit noni kikau. Lene Samuel ngkwei hanyen ug ei minu ndig Rama.