NIBOU NDIG NYA GI NIGOM 1:36 - ALLAH NIHYET MEM TUNGWATU NYA

³⁶ Lene Benaya buhup “Andigpoi e, igbit ri! Handei kon ba, ade tuhan Allah nihyet tot kep ahyet di asimbot dat dima!

NIBOU NDIG NYA GI NIGOM 1:36 ပူးပေါင်းရင်းမြစ်များ

SAMUEL GI NICAN 8:18

Benaya di Yoyada nipmot ne nibou mem yo di igya ser nibou ndig nonti njem ri. Daud nipmot bat nya rino igyai midyai nok imam ei nide ig.

NIBOU NDIG NYA GI NIGOM 1:35

Lene ma jinjei bit noni hanyen kwei tirigi noni kwei gwam ei ditde banggo mbrei dip. Noni miya luei dohoti nok nibou ndig di nijep lewo didimig noni ei nok nibou di ninyeng tak kep mben Israel kin Yehuda nya tu.”

NIBOU NDIG NYA GI NIGOM 1:37

Nnaba tuhan ningat rin bit Salomo bit leu nok Noni ningat rin bit na di Andigpoi. tuhan mibindei ba, Salomo de ninyeng tak kep limwa nyati mbut sindem bibor njiriek na di Andigpoi anyeng tak kep ade limwa nyati.”

NIBOHON MBEN ISRAEL GI NIGOM 17:27

Gima rino dahara Nani leu binhyepo ditde limwa nya ijo ei Ade ningon ngakei yokti bijo ninno bijo kikau. Lewo tuhan e, apai ahyet di biyai gi kei bak Ade limwa nya. Gima rino handei kon ba, anjei mun di kei bak yoni bijo ninno bijo kikau.”

MAZMUR 18:2

tuhan e, dingon ngakei Na. Nani ne ditde nisindemti ri.

MAZMUR 63:1

Doia Daud mpe di noni ningat rin ei iggum ndigsi Yehuda.

MAZMUR 72:19

Ma yahagom ikon ninyeng bijo ninno bijo kikau! Abindei ba, nikei-kau-keisi kieng kep dihyei nisurti-nipekti. Ma gima yok hagom pek kep. Igbit ri!

MAZMUR 89:20

Ambot kep bak ade awak di ingon gom nya tug hon ningat-hi-ngat mimbrek ngan tu “Dimpu tentara di ninyeng jei gom. Dita no di didimig leu ditde limwa nya ikieti ei banggo mbrei tu.

MAZMUR 89:26

Midibindei ba, nide ninyeng tak kep limwati nibresti jo leu Muk Hacan kikau ug bipek Minyei Efrat.

YEREMIA 11:5

Gino ibon mun dima yok hagom lene midiyai bipek kep mun di dipreu ei mem idigup bat-idigai bat nya. Midiyai minu di nogindini ibongti dima di nnum kei di mun nyeng hagom dem kei joti dima biyok ri.” Lene dibuhup bak “tuhan e, Igbit ri.”

YEREMIA 28:6

“Kei bibor! Handei kon ba, ahyet di atri tut dima mipek kep hak ug ba, tuhan ngkwei ndigban di ipos leu tuhan De Ig hagom hanyen kwei leu minu Babel bitut yo di isima ei ingkiaisi ei minu dima yahagom hak ug.

MATIUS 28:20

Ma jingginau yok leu binhyepo ibit mun di dicuk je tut nya hagom. Ma jiyok ngon kep bipia midingat rin bit je kikau ug bipek njap ningwig honti.”

MATIUS 6:13

Asindui sut nye ba, ningkwei hanyen tirigi nibiam mun di srou nye au. Noro anyohou nye ba, ningwes ngun leu Bilis de nisindemti. [Lewo Nani ne Nibou Ndig rin ba, nisindemti kin nikei-kau-keisi hagom jo biNa kikau. Igbit ri.]’

KORINTUS GI NIGOM 14:16

Leu gino jiba jinnei he bipai sigyo bak Allah lo, hiter di miap Allah Ninnei nihyet di mindur bi srig jikieti ne bit bon no dima pai “Igbit ri!” hanyen drek dip jide nadi kan bi. Lewo miap igbit jihyet bi.

SAMUEL GI NIGOM 25:29

Gino tungwagom cut igkep na di Andigpoi ba, bingon ei mem gima yai nimai bina lene tuhan minyohou na di Andigpoi noyam kin no di nyohou ndigban di nibok kak bibor. Noro tuhan micom na di Andigpoi ade siceu nya ug ei minu ting noyam kin no di ba bikumsikik biprindei tigya.