NIBOU NDIG NYA GI NIGOM 1:1 - ALLAH NIHYET MEM TUNGWATU NYA

¹ Nibou Ndig Daud wer andig-ndau su. Mbro nok gino nide awak nya iba ban binggai kep noni lo, noni digok bibor.

NIBOU NDIG NYA GI NIGOM 1:1 ပူးပေါင်းရင်းမြစ်များ

NITRITI 18:11

Mpe dima lene Abraham kin Sara yahacem ikoi-ka leu su ba, Sara ningkek kan mun bu bi.

NITRITI 24:1

Mpe dima lene Abraham wer andig-ndau bibor ba, tuhan njei mun di kei bak noni bimpu noni tut nide midyai nya hagom ninno tu.

SAMUEL GI NICAN 24:25

Leu api noni win nimbar hum dok gom mem tuhan ei mpia dima lene ba sapi dima yok bibon midut nindig mindhe titut ei nimbar hum dokti kin midut nibiyai ningon kwes kin tuhanti cem. Apino tuhan buhup Daud de nadi ba, nsuwer ajar di hwen mben Israel pima kes hon hak ug.

SAMUEL GI NICAN 5:4

Mpe dima ne Daud de njap ug ei ari bingwam ningot ningai leu api ninyeng tak kep yok kikau mem ari bingwam ningot bitai bu.

NIBOU NDIG NYA GI NIGOM 1:15

Gima rino Batsyeba ug ngat nibou ndig ei nghim nsi. Daud wer andig-ndau leu su ba, sop gwam nitta pilei mben Sunem pima nyohou hati tut noni.

NIBOU NDIG NYA GI NIGOM 1:2

Gima rino yo di igya kui noni ipai binoni “Andigpoi e, asindui sut ba, ninggok sop gwam nitta pilei gom kwei mem gima nyohou na di Andigpoi bibong simiak na leu binhyepo adigok bi.”

NIBOHON MBEN ISRAEL GI NIGOM 23:1

Tirigi Daud wer andig-ndau leu su lene noni kon Salomo kui bigwam nok nibou ndig mem mben Israel.

MAZMUR 90:10

Nyeni niyaijo nijeisi dem ari bingwam ningot muhwindacan he. Ne gino niyai nisindemti ne nijeisi dem ari bingwam ningot muhwindaningai. Noro ningon buhunti kin ningon nggukti cut igkep nye mem nijam di nibong ei dihyeisi dini apino nyeni niyaijo ngwig hon leu api nipror hak ug.

NIBA NINGON SRIP HUKTI 4:11

Ibou can di ibong simin yam mem mmun di hou cut ne idut pijuk yam bibong mai. Noro gino tungwagom ngat he lene notou ningkek dut bibong mai i?

LUKAS 1:7

Noro igyai munggwom hi bi lewo Elisabet pijet ba, yahacem inghim koi su.

YOSUA 13:1

Ari bingwam mang ser leu api Yosua wer misar bibor tu. Lene tuhan pai binoni, “Yosua e, awer misar bibor tu. Noro minu ndig di suar mben Israel ibindei timek leu bigyai bigyati mang bibor no jo yo.