NIBOU NDIG NYA GI NICAN 9:27 - ALLAH NIHYET MEM TUNGWATU NYA

²⁷ Tirigi Ahazia ngat mun di cut igkep Yoram dima lene kui ei nide kroba pranti binang ndam minu ndig Bet-Hagan. Lene Yehu huk bram noni bicuk nide tentara nya “Jiyai nimai binoni cem!” Leu api iprindei noni bikinei ei puig di ug ei Gur dideu minu ndig Yibleam. Noni nang tut nibok kikau ba, ug krau Megido leu api mai ei sirima.

NIBOU NDIG NYA GI NICAN 9:27 ပူးပေါင်းရင်းမြစ်များ

NIBOU NDIG NYA GI NIGOM 21:2

Mpe di gom lene Ahab ug pai bak Nabot “Ma akwas ade ba anggur nghousi dima tut da leu binhyepo diyai miai eisi lewo jo dideu ditde ig. Gino ace tut lene midiba ba anggur nghousi hiter di kei bibor kei biluei ade ba anggur nghousi dima. Gi bi lene midiba mitiei di dem bipek leu nani hak ug.”

NIBOU NDIG NYA GI NICAN 10:4

Noro nibou di inyeng tak kep Samaria nya ittin bibor bipai biyam “Bit bon Nibou Ndig Yoram kin Nibou Ndig Ahazia ihwen Yehu bicut biyok kan bi! Gima rino nyeni cem ba, igya kep bihwen noni kan bi.”

NIBOU NDIG NYA GI NICAN 11:1

Tirigi Atalya miap tut nipmot Nibou Ndig Ahazia nimaisi rino cuk tentara nya leu binhyepo igyai nimai bak Ahazia nide ig bei nsi nya yahagom.

NIBOU NDIG NYA GI NICAN 12:1

Yehu ninyeng tak kep mben Israel mem nijam ari bingwam nimuhwindacan lene Yoas kui bigwam nok nibou ndig mem timiei Yehuda nya. Yoas bong ei minu ndig Yerusalem ba, ninyeng tak kepti mbut ei nijam ari bingwam ningot bitai. Nipmem ne sop timiei Bersyeba rin ba, ninyeng rino Zibya.

NIBOU NDIG NYA GI NICAN 21:23

Yo di igya kui Nibou Ndig Amon igyok ingon gom mem gima yaham imbuk kep noni. Leu api igyai nimai bak ei nide ig nibou ndig.

NIBOU NDIG NYA GI NICAN 8:29

leu api ngkwei hanyen ug ei minu ndig Yizreel leu binhyepo bong tut nibok ei sirima lene Ahazia mbut ba, ug cem kep noni ei sirima.

NIPINGOK NINGONTI 13:20

Gino ahig asut bit yo di ingon ki nya lene jei bi nani cem angon ki. Gino ahig asut bit yo di ingkek ndok nya ne abindei ba, mun di buhun micut igkep na.

MBEN ISRAEL IMBUT-MBUT NYEN 16:26

bimbrua ser mben Israel “Ma jiya bileu yo di isibut dini ide prak meng yati lene ma jingget ndigban nyeng gom di inyeng tut nya au. Gino jibit dihyet dini bi lene tuhan mibindei sar jeni cem bit yoni drek dip ide sisar di ibon nya.”

KORINTUS GI NICAN 6:17

Gima rino ma jikes yo di ingon jo kep bi nya bijimbres jenti leu yok. Ma jipriet kin mun di bindei di map kui jeti au. Leu api diya um je.

YOSUA 17:11

Keret Manasye itug ndei mben Kanaan ide minu ndig Bet-Sean kin Yibleam kin Dor (ei les him) kin En-Dor kin Taanakh kin Megido bitut minu mien di jo ttai nya cem ba, hagom jo ei keret Isakhar kin Asyer ide minu ninyeng tak kepti ninsi.

NIJAM NIKEI NYA 1:27

Noro tentara keret Manasye igijji timiei minu ndig Bet-Sean kin Taanakh kin Dor kin Yibleam kin Megido bitut minu mien-mien di jo ttai nya bi. Gima rino timiei minu Kanaan dima ibong kikau bit yok ei minu ndig dima yok.

NIJAM NIKEI NYA 5:19

Nibou mben Kanaan nya injei siceu ba, ikon pran ei Taanakh dideu minyei yaisi ei Megido noro ipos ndigban perak bingkwei hanyen tut kan bi.