NIBOU NDIG NYA GI NICAN 9:22 - ALLAH NIHYET MEM TUNGWATU NYA

²² Lene Yoram hig ser Yehu “Aba angon di kwes bikwei nok disut rin e?” Noro Yehu buhup “Notou midikwei nok asut tirigino yo di nung kui yok nya imang bibor kin yo di ikuk yok bak kwar di apmem Izebel bindei bikieng kep mpia dini yo rinaha yo i?”

NIBOU NDIG NYA GI NICAN 9:22 ပူးပေါင်းရင်းမြစ်များ

NIBOU NDIG NYA GI NIGOM 18:19

Nogindini ma anduk mben Israel yahagom ba, ikwei um da ei Nungug Karmel. Ma abuwak nabi Baal nya ibou sratus bitai ningot muhwi kin nabi Asyera ibou sratus bitai di nibou ndig sop Izebel hati tut yok nya cem yahagom kwei.”

NIBOU NDIG NYA GI NIGOM 18:4

Tirigi Izebel kinyon ei niyai nimai bak tuhan de nabi nyati lene Obaja jem nabi nya ibou sratus gom kwei bikwas yok ei nimpung can biku ibou ningot muhwi ei dihyei nyem gom lene ku ibou ningot muhwi bu ei dihyei nyem gom bu. Lene noni ba njita kin minyei binyohou yok cem.)

NIBOU NDIG NYA GI NIGOM 21:25

Tungwatu dihyeisi dini hi mpig bou kep mun di mbuk bibor ei Allah niyai him noyam kin nibou ndig Ahab de niyai munti dimbuk bibor bi sren. Nitnem Izebel dor pip noni bitig dino noni bon mun di mbuk bibor dima hagom.

NIBOU NDIG NYA GI NICAN 9:18

Gima rino tentara gom dima bri kuda buug ngat Yehu lene hig ser “Nibou Ndig hig ser na di Andigpoi bipia aba angon di kwes bikwei ngat noni e?” Noro Yehu buhup “Anggok tut dingon kanti nya au! Aya abia kep da bit tentara nindigsi nya hak ug.” Lene tentara di ya ei ngug tig dip ser minu ndig pima ngat lo, tentara gom di bri kuda ug pima ug krau su noro gingkwei hanyen kwei bi. Lene noni pai mun dima.

NIBOHON MBEN ISRAEL GI NICAN 21:13

Noro Na Di Andigpoi ayai bram nibou ndig mben Israel igyaisi. Lene abindei ba, timiei Yehuda kin timiei Yerusalem nya iba ingon di gom bibit Allah bi. Na Di Andigpoi abon munti noyam kin Nibou Ndig Ahab kin nibou di igya luei nohoti nya ibon munti nya. Lene gima he bi lewo mbro nok gino akinjoi bat ningat pima yok igyai munti nya kei dor njiriek Na Di Andigpoi ayai munti nya lo, ayai nimai bak yahagom hak.

NIBA NINGON SRIP HUKTI 3:8

nituti mem ingon ngakei yam kin nituti mem ingon mpo tut yam cem ba, nituti mem ikon pran kin nituti mem ibong kei igwam kei cem.

NAHUM 3:4

tuhan no kes hukum kep minu Niniwe di nikrar jut dinok sop sundal dip yo. Minu Niniwe ba nuubbuti kin ninda dutti bibrim ngkiai nya imang ingon lene ba nihyet di mmau bihwen ingon cem.

NINGAT-HI-NGAT NYA 18:23

Tungwatu nya ingat mini ninjeng di piga digai minu ndig dima bu bi. Ibon pesta niwak yamti ei minu ndig dima bu bi. Nipou ne nitri-nibipek kep mun cig ei minu ndig dima inyeng jei dor njiriek nitri-nibipek kep mun cig nya ei dihyeisi dini hagom. Nipou ne minu ndig dima ba ninda dut biris tungwatu dihyeisi dini hagom.”

NINGAT-HI-NGAT NYA 18:3

Lewo minu nya hagom idut kep nide ba anggur ngei di ndo tut nide sisar nicut tut yamti. Nibou ndig dihyeisi dini nya icut tut noni ba, nitri-nipek mun cig di inyeng bibor tug hon nide niba noho rok sisarti di bit bon om kep kan bi.”

SAMUEL GI NIGOM 16:4

Lene Samuel yai hagom bit leu nok tuhan nicuk noti leu api mbut ug ei Betlehem. Noni kwei krau lene nibou minu dima nya iba inghuisi di mpig sut kwei um noni bihig ser “Andigpoi di akan huk mindur kan e, aba angon di kwes kin nye bikwei cem kep nyeni e?”