NIBOU NDIG NYA GI NICAN 9:14 - ALLAH NIHYET MEM TUNGWATU NYA

^14-15 Lene Yehu nya igyok ingon gom mem gima igyai nimai bak Nibou Ndig Yoram di ningat rin bibong ei Yizreel mem nijam dima. Yoram ug ei mpia dima leu binhyepo bong tut nibokti nya di tug ndei ei mpe di ikon pran ei Ramot ba, ihwen Hazael di nok nibou ndig mem mben Siria pima. Lene Yehu pai bak nisut bat nibou tentara nindigsi nya “Gino jice tut ba, dinok nibou ndig lene ma jiya ser dimbou pmem Ramot dini leu binhyepo hi hei bitri tut bak mben Yizreel au.”

NIBOU NDIG NYA GI NICAN 9:14 ပူးပေါင်းရင်းမြစ်များ

NIBOU NDIG NYA GI NIGOM 15:27

Mpe di gom tirigi Nadab ya tut nide tentara nya ba, igyon ttai minu ndig Gibeton ei mben Filistin ide hanjop nsi lene Baesa di Ahia nipmot di ntun keret Isakhar him njei siceu ba, ya kep bihwen Nadab biyai nimai bak.

NIBOU NDIG NYA GI NIGOM 16:16

Tirigi tentara nya imiap tut Zimri di yok ningon gom mem gima ham nimbuk kep nibou ndig Ela biyai nimai bak tu lene yahagom ikon ide nibou tentara Omri nok nibou ndig mem mben Israel mem njap dima ei mpia di yohok ide prak meng eisi dima.

NIBOU NDIG NYA GI NIGOM 16:9

Nibou tentara Zimri di bie tut tentara di ikrau kroba pran kan nimpung gom yok ningon gom mem gima ham nimbuk kep nibou ndig Ela. Mpe di gom tirigi Ela gwam bit Arza nibou di nyohou ig nibou ndig de dima ei Tirza lene Ela dut-dut nyen mun di pu no kikau ba, nibou ngwakti sibui.

NIBOU NDIG NYA GI NIGOM 22:3

Nipou tirigi Yosafat kwei bigyo lene Ahab hig ser nide nibou di igya kui noni “Jikan tut bipia minu ndig Ramot ei hanjop Gilead ne minu ndig di nye di mben Israel ide ri! Nggon rino igyai ibou tut ba, ipos minu dima hanyen leu nibou ndig mben Siria bigyo i?”

NIBOU NDIG NYA GI NICAN 10:9

Njap tekti lene Yehu hei ug ei dimbou pmem nuhui bipai bak yo di idem yam ei su “Dani rino diyok dingon gom mem gima diyai nimai bak Nibou Ndig Yoram ba, jeni ne jibiang nibuhunti tut mun dima bi. Noro diyai nimai bak yo di itibou jo ei dini bi.

NIBOU NDIG NYA GI NICAN 15:30

Tirigi Nibou Ndig Yotam di Uzia nipmot ninyeng tak kep timiei Yehuda nya mem nijam ari bingwam nyatungwagom ba, can tu lene Hosea di Ela nipmot yok ningon gom bit nindigsi nya bigyai nimai bak Nibou Ndig Pekah leu api kui bigwam nok nibou ndig biya luei nohoti.

NIBOU NDIG NYA GI NICAN 8:28

Mpe dima lene Nibou Ndig Ahazia bicom yam bit Yoram di nok nibou ndig mem mben Israel ba, ikon pran bit Hazael di nok nibou ndig mem mben Siria. Ikon pran bit yam ei Ramot ei hanjop Gilead. Yoram tug ndei nibok di buhun ei pran dimati,

NIBOU NDIG NYA GI NICAN 8:29

leu api ngkwei hanyen ug ei minu ndig Yizreel leu binhyepo bong tut nibok ei sirima lene Ahazia mbut ba, ug cem kep noni ei sirima.

NIBOU NDIG NYA GI NICAN 9:2

Tirigi aug krau minu ndig dima lene ma anggok ser Yehu di Yosafat nipmot ba, Nimsi nignyon. Ma akri ninda ba, abidip huk noni leu binhyepo jicoi bijengkom ug ei nghim nsi gom,

NIBOU NDIG NYA GI NICAN 9:31

Tirigi Yehu coi kak dimbou pmem ei minu ndig dima lene Izebel hara bak “Nihwen kep mun cig Zimri e, akwei mem mindei ngan i?”