NIBOU NDIG NYA GI NICAN 8:5 - ALLAH NIHYET MEM TUNGWATU NYA

⁵ Tirigi noni kwei ngat nibou ndig bimbot kep ningon kanti bak rino Gehazi pui kep tut notou Elisa win mot di mai gom hanyen leu nimai eisi biyai niyaijo hanyen bu. Lene Gehazi nga leu tut bipai “Na Di Anyeng Jei Di Akei-kau e, sop di dipui sut pima ningat rigini lene nipmot po Elisa win bikiju hanyen leu nimai eisi biyai niyaijo hanyen pima cem rigini.”

NIBOU NDIG NYA GI NICAN 8:5 ပူးပေါင်းရင်းမြစ်များ

NIBOU NDIG NYA GI NIGOM 20:1

Mpe dima lene Benhadad di nok nibou ndig mem mben Siria nduk nide tentara nya kin nibou ndig hiter bu ibou ningot ningai ba, can bitut ide kroba pran nya kin ide kuda nya cem kwei ba, igyon ttai minu ndig Samaria bitin ei mem gima ibindei timek minu ndig dima.

NIBOU NDIG NYA GI NICAN 4:12

Noni cuk Gehazi di nide awak gom bipia ug buwak sop pima kwei ngat noni. Noni kwei su lene,

NIBOU NDIG NYA GI NICAN 4:35

Elisa kiju biya-ya nyen ei nghim nsi dima leu api kuk no bikou kep nimai ningut hanyen. Lene mot dima mihin mbimuhwindacan leu api da niyaia.

NIBOU NDIG NYA GI NICAN 6:12

Lene nibou pran gom buhup “Andigpoi e, nyeni ne bi. Noro Nabi Elisa kan bidem tut mun di tibim ei ahui him tirigi agwam binangkom ei ade nghim nsi leu api noni tri tut hagom hanyen bak nibou ndig mben Israel.”

NIBOU NDIG NYA GI NICAN 6:26

Mpe dima lene nibou ndig mben Israel ya-ya nyen ei ngug tig di bikrop ttai minu dima dip lene sop gom hara noni bipai “Andigpoi e, ma ampu da o!”

NIBOU NDIG NYA GI NICAN 8:6

Nibou ndig hig ser tut lene sop dima pui sut nipmot dima bak nibou ndig. Apino nibou ndig hig tungwagom di ya kui noni kwei bicuk noni leu binhyepo itug mun nyeng po sop dima nyeng tut nya pima hagom hanyen bak. Lene suar ibingkwei njita nibok di dem mem nide njita ngat di jo miai nideti nya di hiter igyem mem nijam ari bingwam muhwindacan tirigi sop dima ningat rin ei minu hiter leu pima hagom hanyen bak.

ESTER 5:14

Nitnem kin nisut bat nya imiap gima lene ipai ingon kanti bak “Abindei ba, tungwatu nya itas cou di ipindur kep tungwatu ingut eisi nidihim gom di nijeisi dem meter nyatungwagom ba, can mem no dima. Leu api njap di hyep ma ahara nibou ndig mem njap tekti leu binhyepo sindui sut ba, apindur Mordekhai ei cou di jei ndig dimati. Apino aba angon di nggan-triot bibit pesta.” Haman binai ighyet nghwak him dima bikan lo gi, kei bibor ri. Gima rino cuk tungwatu nya itas cou jei ndig nidihim gom mem ipindur tungwatu eisi.

MAZMUR 145:1

Daud de doia nibinggei sut tuhan. Ditde Allah kin ditde Nibou Ndig e, miditri tut anyeng di jei bidipai sigyo biNa bijo ninno bijo kikau.

NIPINGOK NINGONTI 16:9

Nyeni itin ei ingon kanti nya noro Allah kos tut puig di kei mem nye.

NIBA NINGON SRIP HUKTI 9:11

Dingat hi kin bu bou diyai him ei dihyeisi dini. Ibinang yam ne mpe hi no di dor sindem ug krau nipekti bibie bi. Ikon pran ne mpe hi no di mimbri kui ningkek bindei sar nide siceu bi. Mpe hi no di ningon ki tug ndei mun di bahati tut nonti bi. Mpe hi no di nintin kimbo nyeng tut mitiei nindig bibor bi. Mpe hi no di ninda bit hou tug ndei ninyeng di jei bi. Lewo mpe hi ne mun di buhun cut igkep tungwatu nya yahagom.

ROMA 8:31

Gima hagom nok lene notou ibuhup hanyen bu i? Gino Allah tti kin nye ne tou ribindei cut nye i?

SRAT RUT 2:3

Gima rino Rut ug ei beisi bibram awak nya di ikos gandum nya ba, mbus gi hi di yoni iba igyai ngat ei nya he. Noni ug ei nikos gandumti ei beisi gom di niceu rino Boas po tig mbier tut Elimelekh nide.

SAMUEL GI NIGOM 26:17

Lene Saul miap igbit Daud nihyet leu api jem bak “Dipmot Daud nani rin e?” Lene Daud buhup “I, Andigpoi e, dani rin o!”