NIBOU NDIG NYA GI NICAN 8:15 - ALLAH NIHYET MEM TUNGWATU NYA

¹⁵ Noro njapti kui lene Hazael yai ban dut gom bitur ei minyeiti leu api ba ban dima boom kep nibou ndig niimaisi apino nibou ndig di ninnei cun dima mai hak. Lene Hazael kui bigwam nok nibou ndig mben Siria biya luei Benhadad nohoti.

NIBOU NDIG NYA GI NICAN 8:15 ပူးပေါင်းရင်းမြစ်များ

NIBOU NDIG NYA GI NIGOM 15:28

Mun dini cut igkep Nadab tirigi Asa ninyeng tak kep timiei Yehuda nya mem nijam ari bingwam ningai su. Gima rino Baesa kui bigwam nok nibou ndig mem mben Israel biya luei Nadab nohoti bu.

NIBOU NDIG NYA GI NIGOM 16:10

Lene Zimri coi ug ei ig dima biyai nimai bak Ela hak leu api kui bigwam nok nibou ndig biya luei Ela nohoti bu. Zimri yai nimai bak Ela tirigi Nibou Ndig Asa ninyeng tak kep timiei Yehuda nya mem nijam ari bingwam nyatungwagom ba, muhwindacan tu.

NIBOU NDIG NYA GI NIGOM 16:18

Tirigi Zimri ngat lo, ibindei timek minu ndig dima bigyai bigyati tu lene noni coi ug ei nide ig nibou ndig bipindei ba, hum yem hagom bitut nonti njem cem biyahagom itimek.

NIBOU NDIG NYA GI NIGOM 19:15

Lene tuhan cuk noni “Ma angkwei hanyen ug ei iggum ndigsi dideu Damsyik! Lene acoi ug ei minu dima ba, aba mini nibon midut bita Hazael nok nibou ndig ei minu Siria.

NIBOU NDIG NYA GI NICAN 15:25

Mpe dima lene Pekah di Remalya nipmot di nok Pekahya de nibou tentara gom kes ningon kanti bak mben Gilead ibou ningot muhwi. Leu api igyai nimai bak Pekahya kin ibou can di Argob kin Arye ei ninsi di jo nding ei tentara nibousi di igya coi gom ei Samaria. Leu api Pekah kui bigwam nok nibou ndig mem mben Israel biya luei Pekahya nohoti.

NIBOU NDIG NYA GI NICAN 15:30

Tirigi Nibou Ndig Yotam di Uzia nipmot ninyeng tak kep timiei Yehuda nya mem nijam ari bingwam nyatungwagom ba, can tu lene Hosea di Ela nipmot yok ningon gom bit nindigsi nya bigyai nimai bak Nibou Ndig Pekah leu api kui bigwam nok nibou ndig biya luei nohoti.

NIBOU NDIG NYA GI NICAN 8:10

Lene Elisa buhup “tuhan pai bida bipia noni mimai ug ri. Noro ma apai hak bak bipia noni mikei hanyen yo.”

NIBOU NDIG NYA GI NICAN 8:13

Lene Hazael hig ser “Mei! Dibon dinyeng bi ba, notou mem midiyai nisindemti di nok gima i?” Lene Elisa buhup “tuhan mbot kep tut bida bipia mporo anok nibou ndig mem mben Siria.”

NIBOU NDIG NYA GI NICAN 8:28

Mpe dima lene Nibou Ndig Ahazia bicom yam bit Yoram di nok nibou ndig mem mben Israel ba, ikon pran bit Hazael di nok nibou ndig mem mben Siria. Ikon pran bit yam ei Ramot ei hanjop Gilead. Yoram tug ndei nibok di buhun ei pran dimati,

NIBOU NDIG NYA GI NICAN 9:24

Lene Yehu ba nibbu bikri nide tibor ba, biprindei Yoram ninghim bikus leu bindei ningon him cem. Lene noni tti bimai ei nide kroba pran nsi.

MAZMUR 36:4

Nihyet di simbot kep nya kinei bibor bimpung tut niris munti cem. Leu ba, nibon mun di keisi nya gibon ninyeng mem noni bi.

YESAYA 33:1

Nyeni ide siceu nya mitimek bingwig! Mbro nok gino hi pos ide ndigban leu yok bi lo, ipos nyende ndigban tu. Mbro nok gino hi bakilak yo bi lo, ibakilak nye tu. Noro mpe dino nituti di ipos ndigban ba, ibakilak tungwatu nya ngwig hon nohonti tu lene hiter mipos ide ndigban ba, ibakilak yok.

MIKHA 2:1

Buhun bibor mem yo di igyai ngkiem ei ibongti mem mmun bigyok ingon gom mem igyai munti di kinei bibor! Yo dima ikinyon ei gi igyok ingon gom tut igyai munti di kinei dima ei njap tekti.

SAMUEL GI NIGOM 24:13

Ma tuhan mbus singonti leu binhyepo ndo igbit gi hi di bon mun tunggwei! Handei kon ba, Noni mibirop bak na di Andigpoi drek dip gi abibon da kinei lewo dimbuk tut na di Andigpoi poi mien cem bi.