NIBOU NDIG NYA GI NICAN 8:12 - ALLAH NIHYET MEM TUNGWATU NYA

¹² Hazael hig ser “Andigpoi e, nggon rino apim i?” Lene Elisa buhup “Dipim lewo dikan tut gi mporo ayai mun kinei bibor tut mben Israel. Mporo aya kep ide minu ndig di bon ngug tig jo ser nya ba, andig bingwig ba, ayai nimai bak ide pinai pilei di ubbu nya cem aom ku ide munggwom ngwoi nya ikimam ba, asrat ide sop di itta buhun nya inghop tut munggwom biyem mpia ei dihyeisi cem.”

NIBOU NDIG NYA GI NICAN 8:12 ပူးပေါင်းရင်းမြစ်များ

NIBOU NDIG NYA GI NIGOM 18:13

Akan tut bipia tirigi Izebel kinyon ei niyai nimai bak tuhan de nabi nyati lene dijem ibou sratus gom kwei bidikwas yok ei nimpung can bidiku ibou ningot muhwi ei dihyei nyem gom lene diku ibou ningot muhwi bu ei dihyei nyem gom bu. Lene diba njita kin minyei binyohou yok bi e?

NIBOU NDIG NYA GI NIGOM 19:17

Tungwa tou rino ningwes ngun leu Hazael de simeda mitug midut tug hon Yehu de simeda. Lene tungwa tou rino ningwes ngun leu Yehu de simeda mitug midut tug hon Elisa de simeda.

NIBOU NDIG NYA GI NICAN 12:17

Mpe dima lene Hazael di nok nibou ndig mem mben Siria hwen minu ndig Gat leu ba, yai biyati tu. Lene noni kos tut bipia mihwen minu ndig Yerusalem cem.

NIBOU NDIG NYA GI NICAN 12:18

Apino Yoas pinak mitiei nibigo gau minu ndig Yerusalem bak nibou ndig mben Siria dima. Mitiei dima ne mun di Yoas nonti kin nibou ndig Yosafat kin Yoram kin Ahazia yahagom di inyeng tak kep timiei Yehuda nya ikwas tut tuhan nipou su ri. Bitut mas di jo ei bruati ei Tuhan De Ig kin gi jo ei nibou ndig de bruati cem. Yoas niyai munti dima bindei ba, Hazael ningon cut leu nikos tutti dima ba, gi hwen minu ndig Yerusalem bi.

NIBOU NDIG NYA GI NICAN 13:22

Hazael di nok nibou ndig mem mben Siria co kep mben Israel mem nijam di Yoas ninyeng tak kep mben Israel bijo kikau.

NIBOU NDIG NYA GI NICAN 13:3

Gima rino tuhan gga mben Israel bisindui sut Hazael di nok nibou ndig mem mben Siria kin nipmot Benhadad di ingkwei-ngkwei nyen bigya kep mben Israel bibindei timek yok bijo kikau.

NIBOU NDIG NYA GI NICAN 13:7

Mben Siria ide Nibou Ndig hwen tentara Israel yahagom bingwig su. Nibou Ndig Yoahas de tentara di iba kuda bikon pran kan nya ibou ningot muhwi kin kroba pran simnai kin tentara nitu nya ibou sribu simnai he rino igyaijo a.

NIBOU NDIG NYA GI NICAN 4:28

Sop dima pai bak Elisa “Andigpoi e, nipou ne dahara na tut munggwom bi. Noro mpe dima lene disok kep na di Andigpoi ser nhyema abindei ba, diba dingon com ahyet dima nok mikui-kausi au.”

YESAYA 13:16

Yoni mingat siceu nya di ibui ide munggwom ngwoi nya binem-nnai cem di icoi ug ei ig di ide bicat ndigban di ide nya cem lene ikat itnem bat nya bicut tut yok bou igyai him cem.”

YESAYA 13:18

Iba ide hampiap kin singau tibor biyai nimai bak pinai kin sop gwam nitta pilei nya. Ingon gi nggriu sut ningwoi-ngwoi nya bingondut munggwom mien nya cem bi.

HOSEA 10:14

apino pran cut igkep jide limwa nya ug a. Siceu nya migya kep jide tentara nibousi di jiya coi nya hagom bibindei ba, timek bingwig. Gima noyam kin mpe di Nibou Ndig Salman bindei sar minu ndig Bet-Arbel ei pranti. Mpe dima lene noni co kep munggwom nya kin ipmem bat nya binem-nnai hak.

HOSEA 14:1

Midikes hukum ei mben Samaria dip drek dip gi ikiek imig jou tut Da. Timiei minu dima ikon pran noro mitug ndei nimai. Ide siceu nye minjei ningwoi-ngwoi nya hagom ug ei pimbien behei bimai leu lene iriu sop di inghop tu nya yahagom ba, inghop tigwau bitau ug.”

AMOS 1:13

tuhan pai “Timiei minu Amon ibon sisar ninyen. Ide sisar bindei ba, dikes hukum ei yok dip. Lewo tirigi ikon pran bit timiei minu Gilead ba, ibipos ide dihyei hanjop nsi hi kin bu leu yok lene israt sop mben Gilead di inghop tu nya ba, inghop tigwau bimai ug.

NAHUM 3:10

Mbro nok gima lo, siceu nya ikat timiei minu ndig pmem Tebe bibindei ba, isima ei ingkiaisi. Ibui nimunggwom bat nya bimai bidem simpak nahau yamti hagom. Iba lante biteu nibou di inyeng jei nya yahagom ba, iko bibinggok tut leu api ikwas yo dima tut yam biyuubon yok nok awak.