NIBOU NDIG NYA GI NICAN 8:1 - ALLAH NIHYET MEM TUNGWATU NYA

¹ Mpe di gom ne tuhan ba ninggum di buhun bibor bihwen mben Israel kikau mem nijam ari bingwam nitindur muhwindacan. Tirigi ninggum di buhun bibor dima cut igkep yok bigyo lene Elisa mbot kep tut gima bak sop timiei Sunem po nipmot mai pima lo, Elisa win bikiju hanyen leu nimai eisi tu. Elisa mbot kep tut gima lene bidip huk noni leu binhyepo pri tut nide ig bei nsi nya biyuug ei minu hiter ug e.

NIBOU NDIG NYA GI NICAN 8:1 ပူးပေါင်းရင်းမြစ်များ

NITRITI 12:10

Mpe dima lene ninggum nindig bibor hwen minu Kanaan hagom apino Abram nya yuug ei nite bei mpia nibiho kikau ug ei minu Mesir bibong ei sirima bibou ninggum pima kes leu ug e.

NITRITI 26:1

Mpe dima lene ninggum nindig bibor hwen minu dima hagom bit leu nok ninggum di hwen yok mem nijam Abraham. Gima rino Ishak ug ei Gerar bahara Abimelekh di nok nibou ndig mem mben Filistin leu binhyepo bong ningkiaisi ei nide minu ndig dima.

NITRITI 41:25

Lene Yusuf buhup “Andigpoi e, mun di amumpriem tut dima hacem nimbot kepti gom ngat he. Lewo Allah mbot kep tut ningon kanti bina di Andigpoi.

NITRITI 41:32

Na di Andigpoi amumpriem mbican tut mun di bon nimbot kepti gom ngat he lene gini bindo tut bipia Allah kos tut ningon kanti tu leu api noni mibindei ba, jei bi lene hagom cut igkep nye.

NITRITI 41:54

Leu api ari bingwam nitindur muhwindacan di biang ninggum di kinei bibor sindi tau kep yok bu bit leu nok Yusuf nimbot kepti pima. Njita mui bingwig ei dihyeisi dini hagom ug bipek minu nohon keti. Noro njita nikenti nindig bibor jo bidem minu Mesir hagom.

NITRITI 47:4

Nikwei bong nok ngkiai ser ade minu dini lewo ninggum di kinei bibor hwen nyeni nitimieisi ei minu Kanaan ba, mun di nibihyen kep mindhe-ndhe nya cem mui bingwig leu su. Gima rino gino na di Andigpoi ace tut nye lene nibong ei Gosyen e?”

SAMUEL GI NICAN 21:1

Ei nijam di Daud ninyeng tak kep mben Israel lene ninggum di buhun bibor hwen mben Israel mem nijam ari bingwam nitindur ningai. Leu api Daud hig ser tuhan bindo ningon kanti bak tut ninggum dima. Lene tuhan buhup “Diba ninggum di buhun bibor dima bihwen Israel drek dip Saul kin nide ig bei nsi nya itunggweisi tirigi igyai nimai bak mben Gibeon pima ri.”

SAMUEL GI NICAN 24:13

lene Gad kwei ngat noni bindat kep tuhan nihyet di cuk no tut bak bipai “Puig di tou rino Na di Anyeng Jei akos tut i? Ninggum di hwen minu dini mem ari bingwam ningai e? he siceu yuhuk-huk nyen Na di Anyeng Jei kikau mem bed ningai e? he nsuwer ajar hwen minu dini kikau mem njap ningai e? Nogindini akos tut puig gi tou rino midibuhup hanyen bak tuhan i?.”

NIBOU NDIG NYA GI NIGOM 17:1

Mpe di gom lene nabi Elia leu Tisbe ei hanjop Gilead ug pai bak Nibou Ndig Ahab “Andigpoi e, dinok awak mem mben Israel ide tuhan Allah di niyaijo. Dipai tug hon Nonti ninyeng bipia hon kep ammani kui lene mpia ngei ndung ba, nggou mipren leu dihyei ninjek dip kikau mem ari bingwam can ningai dini kui bibo danti dipai sut hanyen ug e.”

NIBOU NDIG NYA GI NIGOM 18:2

Leu api Elia kiju bimbut. Ei nijam dima ne ninggum hwen timiei Samaria nya bibor.

NIBOU NDIG NYA GI NICAN 4:18

Ari bingwam poi ser tirigi bed dem mem ikos gandum kwei leu beisi lene mot dima ug ngat nicig mem mpia nipriti. Nicig ya tut nide awak di ikos gandum kwei leu beisi nya.

NIBOU NDIG NYA GI NICAN 4:36

Lene Elisa hig Gehazi kwei bicuk noni bipia ug buwak mot dima nipmem kwei. Tirigi sop dima kwei su lene Elisa pai binoni “Gini ne apmot ri.”

NIBOU NDIG NYA GI NICAN 4:38

Mpe di gom ne ninggum di buhun kieng kep minu dima hagom. Gima rino Elisa ngkwei hanyen kwei ei Gilgal. Tirigi noni ngginau nimpung nabi nya gom lene cuk nide awak ba, ug yai yeng di nindig bingei njita mem nimpung nabi dima igyem.

NIBOU NDIG NYA GI NICAN 7:20

Lene mun dima hagom dem igbit Elisa nipai sut noti. Timiei minu dima injei noni ug ei dihyeisi ei dimbou heisi ei minu dima bico kep noni binem-nnai bimai hak ug.

NIBOU NDIG NYA GI NICAN 8:2

Noni yai igbit Elisa nibidip huk noti ba, kiju bimbut leu nitimieisi buug ei minu Filistin bibong ei sirima.

MAZMUR 105:16

tuhan sindui sut ba, ninggum nindig bibor hwen yok ba, ide njita hagom ngwig leu yok.

MAZMUR 107:34

Noni bindei ba, dihyei ninnumti luei nitta binok iggum ndigsi drek dip timiei minu dima ide nisibutti.

YEREMIA 25:29

Midikinyon ei nibindei timekti dima ei Ditde minu ndig bibie. Leu ma ingon kan bipia midikes hukum ei yok dip bi, Ningat ne midikes hukum ei yok dip lewo midikes pran kwei ei mben di ibong bidem dihyei njek dip dini nisurti-nipekti. Da di tuhan Di Disindem Bibor disimbot dat tu.

IMAM NYA IDE MIDYAI 26:26

Njita mingwig leu jeni apino sop ibou simnai isuar komfor di inon roti eisi gom ngat he mem inon roti di jo bak yoni eisi. Mbro nok gino ikwas roti dima tut je bijiyem bingwig leu lo, ninggum mihwen je kikau.

AMOS 4:6

Dani rino dibindei di ninggum nindig bibor hwen bidem jide minu ndig nya hagom. Noro ninggum dima bindei ba, jigingkwei hanyen ndam Da bi.

HAGAI 1:11

Dibindei ba, mpia ngei-ndung cut igkep jide dihyei kin nungug tou nya kin miai gandum nitu kin miai ba anggur nghousi kin miai biei zaitun nghousi kin njita di hei ei dihyei njek dip kin tungwatu kin mindhe-ndhe nimuhup tu nya kin miyai di jiyai nya ba, hagom mui ningwig a.”

LUKAS 21:11

Dihyei mun brim bidem dihyeisi nisurti-nipekti ba, ninggum nindig bibor kin nsuwer ajar di buhun bibor mihwen tungwatu nya imang bibor. Mindur nya kin mun di biyai tungwatu nya ingon digit micut kwei leu mpia-bbed him.

LUKAS 21:22

Lewo nijam dima ne Nijam Di Allah Kes Hukum Ei Tungwatu Nya Dip rin leu binhyepo mun di ipas ei Allah nihyetti micut igkep tungwatu nya tug hon nisinati dima.

LUKAS 4:25

Ma jintu kep dihyet. Tirigi Nabi Elia niyaijo lene mpia ngei kikau mem ari bingwam ningai apino ninggum nindig bibor hwen tungwatu nya bidem minu dima hagom. Mpe dima ne sop kibom mben Israel wer imang bibor yo rinaha.

KISAH 11:28

Nabi Agabus cem ningat rin bit yok. Noni kiju biya lene ba nisindemti leu Allah Ninnei bimbot kep tut ninggum nindig bibor di mikieng kep dihyei nisurti-nipekti. (Ba, nimbot kepti dima cut igkep tungwatu nya ei mpe dino Klaudius nok nibou ndig mem yok.)

SRAT RUT 1:1

Habiei mimbrek tu nipou tirigi nibou ndig hi ninyeng tak kep mben Israel bigyo lene ninggum nindig bibor kieng kep minu Kanaan. Gima rino timiei gom leu hanjop keret Yehuda di bong ei Betlehem kin nitnem kin nipmot bat nya ibou can yahagom yuug bong ingkiaisi ei minu Moab.