NIBOU NDIG NYA GI NICAN 6:24 - ALLAH NIHYET MEM TUNGWATU NYA

²⁴ Bed poi ser tu lene Benhadad di nibou ndig mben Siria ya tut nide tentara nya yahagom ba, ikwei yon ttai Samaria.

NIBOU NDIG NYA GI NICAN 6:24 ပူးပေါင်းရင်းမြစ်များ

NIBOU NDIG NYA GI NIGOM 20:1

Mpe dima lene Benhadad di nok nibou ndig mem mben Siria nduk nide tentara nya kin nibou ndig hiter bu ibou ningot ningai ba, can bitut ide kroba pran nya kin ide kuda nya cem kwei ba, igyon ttai minu ndig Samaria bitin ei mem gima ibindei timek minu ndig dima.

NIBA NINGON SRIP HUKTI 9:14

Minu mien gom di bon nide limwa ibou poi he no rinaha. Ug ei mpe di gom lene nibou ndig di sindem bibor gom hei sut nide tentara nya ba, ikwei mem gima icoi minu mien dima bihwen. Igyon ttai bitin ei mem gima inggek ngug tig di bikrop ttai cem.

NIBOU NDIG NYA GI NICAN 17:5

Leu api Salmaneser di nok nibou ndig mem mben Asyur hwen mben Israel lene bindei ba, tentara nya igyon ttai minu ndig Samaria. Igyon ttai minu ndig Samaria mem nijam ari bingwam ningai,

NIBOU NDIG NYA GI NIGOM 22:31

Lo bi lene nibou ndig mben Siria pingok ei nide nibou tentara ibou ningot ningai ba, can di ikui ide kroba pran kan nya ingonti leu binhyepo ihwen hiter bi noro ma igyai nimai bak nibou ndig mben Israel nongkom he.

NINDAT KEP TUHAN NICUKTI NYA 28:52

Yoni minjei siceu bihwen bikwop minu ndig di jo ei minu di jide tuhan Allah miyai bije hagom apino ngug tig di jo nai di jibindei sindem di jiba jingon com nya cem mitti hak.

NIBOU NDIG NYA GI NICAN 25:1

Zedekia ninyeng tak kep timiei Yehuda nya mem ari bingwam muhwindatai leu api kiek nimig jou tut Nebukadnezar. Gima rino nibou ndig mem mben Babel dima njei sut nide tentara nya yahagom ba, ikwei kon pran bit mben Yerusalem mem njap gi nisimnai ei bed gi nisimnai. Tentara dima yohok ide prak meng yati bigyon ttai minu ndig Yerusalem ba, iroi dihyei keyam kui ngug tig dima cem.

NIBOU NDIG NYA GI NICAN 18:9

Tirigi nibou ndig Hizkia ninyeng tak kep timiei Yehuda nya mem ari bingwam bitai ba, nibou ndig Hosea ninyeng tak kep mben Israel mem ari bingwam muhwindacan lene Salmaneser di nok nibou ndig mem mben Asyur hwen mben Israel ba, nide tentara ikwei yon ttai Samaria.

NIBOU NDIG NYA GI NICAN 7:4

Gino icoi ug ei Samaria lene mimai inggum. Gino ibong ei mpia dini lene mimai hak. Gima rino ma yuug ei tentara Siria ide prak meng yati. Gino igyai nimai binye lene nna ug. Mpaba isindui sut nye ba, igyaijo.”

NIBOU NDIG NYA GI NICAN 8:7

Mpe di gom ne Elisa ug ei Damsyik mem nijam dino Nibou Ndig Benhadad no nggwen yo. Tirigi nibou ndig miap tut Elisa di ningat rin ei Damsyik,

NIBOU NDIG NYA GI NICAN 25:3

Ug ei hon njap nimuhwindatai mem bed nibitai ei ari bingwam dima tirigi ninggum nindig bibor hwen timiei minu ndig Yerusalem nindig bibor ba, njita hagom ngwig leu yok tu,

AMOS 1:4

Gima rino midipinak hum di cig-cai ug ei Nibou Ndig Hazael de ig nibou ndigti. Hum dima miyem tentara nibousi di igya coi nya di Nibou Ndig Benhadad ngot ba, hagom timek bingwig.

NIBOU NDIG NYA GI NICAN 6:8

Ei nijam dima ne nibou ndig mben Siria kon pran bit mben Israel. Tirigi noni kin nide nibou pran nya ihig yam tu lene noni ndo mpia gom biyok leu binhyepo yuug hok ide prak meng yati eisi.