NIBOU NDIG NYA GI NICAN 6:17 - ALLAH NIHYET MEM TUNGWATU NYA

¹⁷ Lene noni ngat nadi bipai “tuhan e, ma abindei ba, ditde awak niyai da leu binhyepo noni ngat igbit.” Lene tuhan buhup nihyet bibindei ba, awak dima kon nibou bingat lo, kuda kin kroba pran di dem kep nok hum di ninjeng srei imang bibor idis yam ei nungug tou dima hagom ba, igya bikrop ttai Nabi Elisa.

NIBOU NDIG NYA GI NICAN 6:17 ပူးပေါင်းရင်းမြစ်များ

NITRITI 21:19

Lene Allah piga Hagar niyai bibindei ba, noni ngat minyei bousi gom. Gima rino ba aigmui pima bitau minyei hi bak nipmot bidut.

NITRITI 32:1

Lene Yakub ug ei puig sinon leu api malaikati nya ikwei um noni.

NITRITI 32:2

Tirigi noni ngat yok tu lene simbot dat “Allah hok Nide prak meng ei gumihyep dini.” Gima rino noni jem gumihyep dima ninyeng “Mahanaim.”

NITRITI 32:3

Lene Yakub sok nihyet ei nide limwa nya dip bibie leu noni biyuug ngat nikindig Esau ei minu Edom,

NIBOU NDIG NYA GI NICAN 2:11

Yahacem imbrap bit yam kak puig dima. Lene kuda nya di ikri kroba pran gom tau kros ei ikieti lo, kuda kin kroba dima dem kep nok hum di ninjeng srei. Lene tuhan ba hou di sibui-sibui nyen bikon Elia ug ei gwamti.

MAZMUR 104:3

angot ig mem Nanti ei minyei ngwa dip di jo anai gwam nibehei lene apri ba, agwam ei bumbuhui nya di nok Ade kroba pran kin hou ninyehei dip ba, abidor-dor nyen.

MAZMUR 104:4

Asok ahyet ei hou dip noyam kin asok ahyet ei no di tri tut angon kanti dip. Abindei ba, kigyei ninjeng srei dem kep nok Ade awak nya.

MAZMUR 119:18

Ada diyai bidingat Ade ningginausi di tug hon Ade nikos tutti nya ba, bibon ninggap leusi.

MAZMUR 125:2

tuhan ya ser Nide limwa nya noyam kin nungug tou nya di jo ser minu ndig Yerusalem mem nijam dini bijo ninno bijo kikau.

MAZMUR 34:7

Yo di isindem bi nya ingat nadi bak tuhan leu api Noni buhup ighyet biteu yok leu mun di buhun tak yok hagom.

MAZMUR 68:17

Nggon rino Nungug Basan di bon ninggram him nya mang bibor ningon kinei sut Mbigdip Sion i? Allah dimig Mbigdip Sion binok Nide mpia di bong eisi ri. tuhan mibong ei mpia dima bijo ninno bijo kikau.

MAZMUR 91:11

Allah micuk nide malaikati nya leu binhyepo igya ser na bidem ambutti nya hagom.

MAZMUR 91:15

Tirigi yahara Da lene dibuhup ighyet. Tirigi mun di buhun cut igkep yok lene Dingat rin bit yok biditeu yok bingwes ngun ba, dikon inyeng cem.”

YESAYA 42:7

Leu binhyepo apiga yo di igyai tu nya igyai ba, akwek yo di isima nya leu ig bui nsi di dindi-kai.

DANIEL 10:7

Dangkom he rino dingat ningat-hi-ngat dima. Yo di ingat rin bit da igingat bi. Noro ittin bibor ba, inang biku yok.

ZAKHARIA 1:8

Ba, dingat lo, tuhan de malaikati kui kuda ningwoi ningut gom bigwam dip. Kuda dima ya tut ei biei murad nghousi ei mbang briep gom lene kuda hi ter ibou poi igya abia kep kuda dima ninghim dip kwei. Kuda dima yok bihi inta ngwoi lene bihi inta ngwoi bidem bitug ningat pimo lene bihi inta tiei.

MBEN ISRAEL IMBUT-MBUT NYEN 22:31

Lene tuhan bindei ba, Bileam ngat malaikati di ya ei mpia dima di krau simeda ei nindati bou niyai him. Lene noni kuk no biba ningwak bikik mpia.

MATIUS 26:53

Angon kan bipia mbigom dahara Dicig bicuk malaikati nya nimpung simnaibrimigcan bidor njiriek kwei bimpu Da bi e?

KISAH 26:18

leu binhyepo apiga igyai ba, acen yok leu nidinditi ug ei nipigati. Leu binhyepo Bilis ninyeng tak kep yok bu bi noro Allah ninyeng tak kep yok. Allah mikos ser ide sisar tug hon ide niba ningon com Dati apino inggre kin Allah de limwa di Noni dimig ei su nya.’ ”

EFESUS 1:18

Handei kon ba, Allah bindei ba, jintin kimbou ba, Nide nipigati piga digai jingonti leu binhyepo jingon dorti tut mun di jiba jingon com Noni tut tirigi Noni dimig je bijiyok jingon mem mun di kei bibor nya di Allah preu ei mem Nide limwa nya ba,

IBRANI 1:14

Gi nok lene malaikati nya ingat rin mem mindei i? Yoni ne ninnei di inok awak mem Allah. Noni cuk yok leu binhyepo yahati tut tungwatu nya di igyai niteu leu sisarti kin niyaijo nijep.

NINGAT-HI-NGAT NYA 19:11

Lo bi lene dingat lo, dimbou kau leu gwamti leu api kuda di ninta tiei kei ya niyati. No di bri bigwam kuda dip ninyeng Ningon Gom kin Ningon Sren. Noni ba ningon sren-srau bikes hukum ei tungwatu nya dip bikon pran bit Nide siceu nya.

NINGAT-HI-NGAT NYA 19:14

Tentara gwamti nya cem ijuk sinsun di tiei-tiau bipwoi kei lene ibri bigwam ei ide kuda di ninta tiei nya dip binjei bram Noni.

NINGAT-HI-NGAT NYA 3:7

“Apas srat dini bak malaikati di buhup tut mbusyamei ei minu ndig Filadelfia. Nipas kepti dini kwei leu No di kwes-kwau di ningon gom. Noni krau kusin di Daud krau. Gino Noni kau dimbou ne bit bon hi nggam mbou hanyen kan bi. Gino Noni nggam mbou ne bit bon hi kau dimbou dima hanyen kan bi.