NIBOU NDIG NYA GI NICAN 6:15 - ALLAH NIHYET MEM TUNGWATU NYA

¹⁵ Tirigi Elisa de awak kiju buug ei nisai mem njap bigyoti lene ngat lo, tentara Siria bitut ide kuda kin ide kroba pran igyon ttai mpia dima. Lene noni ngkwei hanyen ug ei ig bei bingat Elisa lene pai binoni “Ayo! Andigpoi e, mbigom situg midut ug ri! Sibon nitou i?”

NIBOU NDIG NYA GI NICAN 6:15 ပူးပေါင်းရင်းမြစ်များ

NIBOU NDIG NYA GI NIGOM 19:21

Elisa ngkwei hanyen bibui nide sapi nya lene ba biei di prion ei inggibi dip pima bindig hum leu api bam mikwau kep. Noni kwas mikwau dima hagom tut nisut bat di igyai midyai bit noni leu api igyem hagom bingwig. Gima ngwig lene ba no bikum Elia bahati tut noni.

NIBOU NDIG NYA GI NICAN 3:11

Lene Nibou Ndig Yosafat hig ser yok “Nabi hi ningat rin srig ikieti nogindini mem gima hig ser tuhan mem nye bi e?” Lene nibou tentara Yoram de gom buhup “Elisa di Safat nipmot no rinaha. Nipou yo noni mpu kep Elia.”

NIBOU NDIG NYA GI NICAN 5:20

Elisa de awak di Gehazi kan “Nggon rino siceu sindui sut Naaman bimbut leu ba, go tut mindur dima bi i? Suar siceu ce tut ba, tug ndei mun di Naaman tin ei mem yai binoni pima. Nnaba seheng bitug hon tuhan di niyaijo ninyeng bipia sidor bram Naaman leu binhyepo noni kwas mun di kei ninyeng gom tut sa.”

NIBOU NDIG NYA GI NICAN 5:27

Nogindini bras di yem Naaman ningkek dip pima miyem nani kin yo di intun nani him jahagom jingkek dip bijo ninno bijo kikau ug ri!” Hammi tirigi Gehazi hei leu ig bei rino bras dima yem ningkek dip bibindei ba, ningkek tiei kei.

NIBOU NDIG NYA GI NICAN 6:14

Gima rino nibou ndig mben Siria cuk nide tentara di ibri kuda ba, ibri kroba pran cem imang bibor ug ei minu ndig dima. Yoni ikwei krau mem mmun leu api igyon ttai minu ndig.

NIBOU NDIG NYA GI NICAN 6:16

Lene Elisa buhup bak “Dwai! Attin tut au! Tentara di igya tut nye imang ndig dor njiriek tentara Siria dima yok.”

NIBOU NDIG NYA GI NICAN 6:5

Tirigi nabi gom kut bum rino nide oi ningat ho bicut ei minyeiti. Gima rino noni hara Elisa bipai “Ayo! Andigpoi e, dippiet oi dima leu niceu!”

NIBOHON MBEN ISRAEL GI NICAN 20:12

Nani ne nyende Allah ri! Ma akes hukum ei yok dip lewo niyai nisindemti mem gima nikon pran bit tentara imang bibor di ijoi sut icoi minu dini ba, ibindei timek nye bi. Nikan tut puig di nikon pran bit yokti bi. Gima rino nikwei kuk nye biNa leu binhyepo ampu nye.”

MAZMUR 53:5

tuhan pai “Yo di isibut bibor dima ingon huk niti tut igyai munti nya bi e? Igyai mun di isuar nya tug hon gi ipos ndigban leu Ditde limwa nya lene igingat nadi bak Dani bi sren.”

NEHEI LEUSI 24:13

Lene Musa kin nisut Yosua di ya kui noni itin ei ba, Musa nongkom kui nungug di tuhan ningat rin eisi dima.

MATIUS 8:26

Yesus buhup “Jidigit tut mindei i? Jiba jingon com Da bi!” Lene Noni kiju biya leu api ggai ser hou di ten bibor kin igpong di roi bibor apino hou ntus hak ba, mpia mbum-bra.

KISAH 13:5

Tirigi ikwei krau minu ndig Salamis lene itri tut Allah nihyet bikwop ei mben Yahudi ide ig mbusyamei nya. Yohanes-Markus cem ningat rin bit yok bimpu yok.