NIBOU NDIG NYA GI NICAN 5:13 - ALLAH NIHYET MEM TUNGWATU NYA

¹³ Yo di igya kui Naaman ibrim ingkek kep noni bipai “Andigpoi e, gino nabi dima cuk na leu binhyepo abon mun di nggruk bibor lene nikan bipia abon igbit nipingok nati hak. Nggon rino akek minyeiti bit leu nok nicuk nati leu binhyepo ayai angkek ngun eisi hanyen bi i?”

NIBOU NDIG NYA GI NICAN 5:13 ပူးပေါင်းရင်းမြစ်များ

NITRITI 41:43

Noni ndo kroba pran gi nican bitut kuda nya di ibrim tut nok Yusuf de bibri bigwam dip leu api yo di igya ser nya di igya kui noni ibie noho ba, ijem bak yo di ingwig kep Yusuf bipai “Jitti bileu o! Jitti bileu o!” Lene nok. Gima rino Firaun ndo Yusuf nok nibou di ninyeng tak kep mben Mesir.

NIBOU NDIG NYA GI NIGOM 20:23

Mpe di gom ne Nibou Ndig Benhadad de nibou tentara nya ipai binoni “Nung nya di mben Israel ikuk yok bak nya inyeng tak kep hanjop nungug him he. Gima rino tentara Israel ibindei timek nyeni a. Ne gino ikon pran bit yok ei briep bou him lene nyeni mibindei timek yok.

NIBOU NDIG NYA GI NIGOM 20:31

Nide nibou tentara nya ikwei ngat bipai bak “Tungwatu itri tut bipia nibou ndig mben Israel ingon nggriu. Gino ace tut lene mijuk sinsun kron di bindo tut ninso nyenti tut niyai mun tunggweisi dini lene ikri kuk ei ikimam di bindo tut ibou di cut binoni ba, yuug ngat nibou ndig mben Israel. Mpaba noni miyai nimai biNa di Anyeng Jei bi e?”

NIBOU NDIG NYA GI NICAN 13:14

Mpe dima lene ninggwen di buhun hwen Elisa ba, ningon tai-tai bou lene Yoas di nok Nibou Ndig mem mben Israel kwei cem kep noni. Nibou ndig pim ba, niyai nggwei kibor bipai bak Elisa “Arig e, Arig e, aba ade nisindemti nyohou nye di mben Israel ninno tu!”

NIBOU NDIG NYA GI NICAN 2:12

Elisa ngat gima yok hagom bou niyai him. Gima rino noni hara Elia bipai “Arig e, Arig e, na di anyohou nye di mben Israel sindem bibor e, apror leu da tu!” Hon kep njap dima kui lene Elisa ngat noni bou niyai him bu bi sren. Gima rino ningon ngguk bram Elia ba, rik nide sinsun ninda jei hacan.

NIBOU NDIG NYA GI NICAN 5:10

Leu api Elisa sok nihyet ei nide awak dip bak Naaman bipai “Andigpoi e, ma aug kek Minyei Yordanti mbimuhwindacan leu api ayai angkek ngun eisi hanyen ug ri.”

NIBOU NDIG NYA GI NICAN 5:3

Mpe di gom lene misop dima pai bak nide sop ndig “Sindig e, handei kon ba, Andigpoi Naaman ug ngat nabi gom di bong ei Samaria. Nabi dima sindem mem gima bindei ba, Naaman miyai ningkek ngun eisi hanyen.”

NIBOU NDIG NYA GI NICAN 6:21

Tirigi nibou ndig mben Israel ngat tentara Siria bou niyai him lene noni hig ser Elisa “Andigpoi e, diyai nimai bak yo dima e?”

NIBOU NDIG NYA GI NICAN 8:9

Hazael su ninda kep unta ningut ningot bitai lene njei timiei Damsyik ide mun di kei nya kin njita ngat di kei hi gom hi gom kui unta dima yok leu api ug sut binggok Elisa. Noni kwei krau Elisa nibongti lene Hazael pai bak “Nibou Ndig Benhadad di nok ade awak cuk da kwei leu binhyepo dihig ser na tut nide ninggwenti. Noni mikei hanyen yo e, he bi e?”

MAZMUR 51:2

tirigi Natan pai kep noni drek dip gi cut tut Batsyeba.

MAZMUR 51:7

Diyai mun tunggwei ba, dingon mui habiei disrekti he bi. Sisar kui da hammi tirigi dipmem sindi nghop tut da.

YESAYA 1:16

Ma jibon midut di bindei ba, jingon tiei kei. Ma jikes hon ba, jibon sisar bu au. Igbit ri! Ma jibon sisar bu au!

MALEAKHI 1:6

tuhan Di Sindem Bibor pai bak imam nya “Nipmot kuk no bak nicig lene awak kuk no bak niceu. Dani ne jicig ri. Nggon rino jikuk je biDa bi i? Dani ne jiceu ri. Nggon rino jittin tut Da bi i? Jingwes pri gau Da noro jihig ser Da ‘Notou ningwes pri gau Na i?’

MATIUS 23:9

Ma jijem tungwatu dihyeisi hi ninyeng Arig cem au. Lewo jibon Jicig gom ngat ba, No rinaha ei gwamti.

YOHANES 13:8

Lene Petrus srep “Tuhan e, ma apiap dimig bi sren!” Noro Yesus buhup “Gino dipiap amig bi lene bit bon ambier kim Da bi.”

YOHANES 9:7

bicuk noni “Aug ba, apiap ayai ei Ugyou Siloamti.” (Gi ikiek ninyeng Siloam ne noyam kin ‘Pinak Tu’.) Gima rino no dima ug bipiap niimaisi leu api ngkwei hanyen kin niyai di da tu.

KISAH 22:16

Nogindini amem kep ser mindei i? Akiju ba, ayai nitur na ei minyeiti ba, ahara Tuhan leu binhyepo Noni kwek na leu ade sisar cem.’ ”

KORINTUS GI NIGOM 1:21

Lewo Allah di ningon ki bindei ba, bit bon tungwatu nya ingon jo kep Noni tug hon ide ningon kiti kan bi. Noro Noni kos tut bipia Noni miteu yo di ingon jo kep Noni leu sisar biyai niyaijo nijep biyok tug hon nihyet di nyeni nitri tut biyok lo, tungwatu nya ikan bipia nihyet dima ne nihyet minyei he ri.

KORINTUS GI NIGOM 1:27

Noro Allah bisinggre bidimig mun di tungwatu nya ikan bipia bon ninyeng bi nya leu binhyepo binim kep yo di ingon ki nya. Ba, Noni bisinggre bidimig mun di tungwatu nya ikan bipia sindem bi nya leu binhyepo binim kep yo di mimbri kui ingkek nya.

KORINTUS GI NIGOM 4:15

Mbro nok gino yo di inyohou jide niyaijo nok gom kin Kristusti imangti ibou sribu simnai lo, jicig gom ngat he. Dangkom dinok jicig tug hon Nihyet Di Kei di ditri tut bije ba, dinyohou jide niyaijo ei Kristusti.

TITUS 3:5

Noni teu nye leu sisar biyai niyaijo nijep binye drek dip igyai munti di kei bibor nya bi. Noro drek dip Nide ningondut nyeti. Allah ba Nonti Ninnei de nisindemti bipiap nye ba, srek tut nye nok nijep bu cem apino igyai niteu leu sisarti kin niyaijo nijep.

IBRANI 10:22

Gima rino jikwei ba, iba ingon di gom kin ingon di nddong kin ingon di kwes-kwau di mui bu bi kin nikek minyei di pimbai keiti bison dideu Allah.

PETRUS GI NIGOM 3:21

Ba, minyei dima ndo tut nitur tungwatu ei minyeiti di biteu je leu sisar biyai niyaijo nijep bije tug hon Yesus Kristus nikiju hanyen leu nimai eisi ri. Nitur tungwatu ei minyeiti dima ne midut nipiap ningut leu map di kuisi rin bi noro mun di nyeni ibipreu ei mem Allah tug hon ingon mien di kwes.

NINGAT-HI-NGAT NYA 7:14

Dibuhup “Andigpoi e, dikan tut bi. Lewo na di andigpoi nangkom akan tut.” Noni pai bida “Yo dini ne yo di igyai inghuisi wei bingwes ngun leu nijam nihwen bit tungwatu nyati rin ba, itot ide sinsun tu lene ibindei bitiei kei ei Domba Pmot ninggromti.

SAMUEL GI NIGOM 24:11

Jo nibreisi mem na di Andigpoi bipia nogindi pa tuhan kes na di Andigpoi ei dindati. Ditde limwa nya ibou poi ibidip huk da leu binhyepo diyai nimai bak na di Andigpoi noro dice tut ighyet bi lewo dingondut na di Andigpoi. Dipai biyok bipia dikou sut gima dimbuk tut na di Andigpoi lewo tuhan Nonti ta na di Andigpoi nok nibou ndig.

SAMUEL GI NIGOM 28:23

Noro Saul kou sut bipai “Midiyem njita bi!” Noro yo di igya kui noni ibidip huk noni tut. Leu api noni ce bikiju leu dihyeisi lene gwam nyahan ei nibongti.

SAMUEL GI NIGOM 9:10

Lene Saul buhup “Igbit ri! Suug ngat noni.” Gima rino yuug ei minu dima binggok ser Allah de awak.