NIBOU NDIG NYA GI NICAN 4:2 - ALLAH NIHYET MEM TUNGWATU NYA

² Elisa hig ser “Midimpu na notou i? Ade mindei yo rijo ei ade ig i?” Lene kibom dima buhup “Mun nyeng hi jo bida bi. Gi jo ndia rino mini zaitun ampou mien gom ngat he.”

NIBOU NDIG NYA GI NICAN 4:2 ပူးပေါင်းရင်းမြစ်များ

NIBOU NDIG NYA GI NIGOM 17:12

Lene kibom dima buhup “Dipai bina tug hon ade tuhan Allah di niyaijo ninyeng bipia roti hi jo bida bi. Ditde tepun dem ikam inda nitun gom ngat he di jo ei mokti kin mini zaitun ampou nijou he di jo ei ig bei. Sindi dikwei rop biei leu api midingkwei sut ug ei ig bei leu api midingei njita poi mien dima mem dipmot nyeni. Tirigi niyem njita dima bingwig leu nye lene nibet ningon mem gima nimai ninggum hak.”

NIBOU NDIG NYA GI NICAN 2:9

Yuug krau su lene Elia hig ser Elisa “Ma ahara da tut mun nyeng hi bit leu angon kanti nipou tirigi tuhan kon da bidipror leu na bigyo!” Lene Elisa buhup “Asindui sut ba, diba dakep ade nisindemti ndrim hi leu binhyepo diya luei ahoti bu.”

NIBOU NDIG NYA GI NICAN 4:3

Elisa pai bak “Ma aug ngat ade yo di ibong ttai na nya ba, ayai ampou ngwak nya mang-mang leu yok.

NEHEI LEUSI 4:2

Gima rino tuhan hig ser noni “Akrau mindei ei andati dima i?” Lene Musa buhup “Dikrau ditde tom.”

MATIUS 15:34

Yesus hig ser yok “Jide roti di jipwoi kwei nindak pig i?” Ibuhup “Nindak muhwindacan kin wau mimien poi mien he.”

KISAH 3:6

Noro Petrus pai binoni “Dipwoi mitiei hi kwei bi lo, dikwas leu mun di jo bida hi tut nani yo. Ma akiju ba, ambut hak tug hon Yesus Kristus leu minu ndig Nazaret De nisindemti hak ug.”

KORINTUS GI NICAN 6:10

Mbro nok gino mun-mun hi bindei ba, ningon buhun lo, ningon llei sutti ntun nye him kikau. Nuhui mbum tut mun di mipror yon noro nibindei ba, yo di hiter inyeng tut mun di jo gingga. Mbro nok gino tungwatu nya ikan bipia nimbun mun nyeng hi bi lo, ningat ne nimbun mun nyeng hagom.

YAKOBUS 2:5

He disut bat di dingon kieti jen, ma jiyok ngon kep bipia Allah dimig nuhwap mbum nya ei dihyeisi dini bibindei ba, inyeng tut ide niba ningon com Yesus Kristusti. Yo dima micoi bit Allah Ninyeng Tak Kepti di Noni preu ei mem yo di ingon ngakei Noni.