NIBOU NDIG NYA GI NICAN 4:16 - ALLAH NIHYET MEM TUNGWATU NYA

¹⁶ Leu api Elisa pai binoni “Ari bingwam di nidipti bu ei bed di nok gini lene mporo ahon apmot gom kin na.” Lene sop dima buhup “Andigpoi e, ma aris mun bida au! Lewo nani ne Allah de awak ri.”

NIBOU NDIG NYA GI NICAN 4:16 ပူးပေါင်းရင်းမြစ်များ

NITRITI 17:21

Noro gi po dipreu ei bit na pima mitug hon apmot Ishak ri. Sara migwam tut noni ei ari bingwam gi dip noyam kin bed dini.”

NITRITI 18:10

Lene tungwagom leu ikieti simbot dat bipai “Bed muhwindatai bu lene midikwei ngat je hanyen bu. Mpe dima ne atnem Sara migwam tut nipmot.” Lene Sara ya ei ibou ningai pima inghim nyahan ei prak meng nsi dima nimbou bintu kep no dima nihyet.

NIBOU NDIG NYA GI NIGOM 17:18

Gima rino kibom hig ser Elia “Andigpoi di anok Allah de awak e, nggon rino abon mun di kinei bibor dini tut da i? Akwei bong bit nye leu binhyepo abindei ba, Allah yok ngon kep ditde sisar bibindei ba, dipmot mai drek dip sisar dima e?”

NIBOU NDIG NYA GI NIGOM 17:24

Lene kibom dima buhup “Jo nibreisi mem da bipia na di Andigpoi anok Allah de awak. Ningat ne Noni tri tut nihyet tug hon nani!”

NIBOU NDIG NYA GI NIGOM 18:9

Noro Obaja buhup “Dibon mun ndei tunggwei sut na di Andigpoi dima bindei ba, ma acuk da hanyen ndam Nibou Ndig Ahab leu binhyepo noni yai nimai bida i?

NIBOU NDIG NYA GI NICAN 2:19

Mpe dima lene andigpoi timiei minu ndig Yerikho ibou poi ikwei ngat Elisa bipai binoni “Andigpoi e, akan tut bipia nyende minu dini kei bibor kei noro minyei bousi kinei bibindei ba, sop di inghop tu inggrom ndak ki.”

NIBOU NDIG NYA GI NICAN 4:15

Elisa pai bak Gehazi “Abuwak noni kwei bida. Gima rino sop dima kwei ya dimbou heisi.”

NIBOU NDIG NYA GI NICAN 4:17

Ari bingwam nidipti bu ei bed di nok gi pima lene noni yai nipmot gom bit leu nok Elisa nipreu ei mem noti.

NIBOU NDIG NYA GI NICAN 4:28

Sop dima pai bak Elisa “Andigpoi e, nipou ne dahara na tut munggwom bi. Noro mpe dima lene disok kep na di Andigpoi ser nhyema abindei ba, diba dingon com ahyet dima nok mikui-kausi au.”

MAZMUR 116:11

Tirigi dingon tai-tai bou ne dikan “Tungwatu nya yahagom ingon mang. Bit bon siba singon com yok bi sren.”

LUKAS 1:13

Noro malaikati dima pai bak “Zakharia e, ma angon digit tut au! Allah miap ade nadi tu. Gima rino atnem Elisabet misrek tut munggwom pinai. Suar ajem ninyeng Yohanes.