NIBOU NDIG NYA GI NICAN 4:1 - ALLAH NIHYET MEM TUNGWATU NYA

¹ Mpe di gom ne sop gom di nijjep ne nabi rin noro mai leu su ug ngat Elisa bipai bak “Andigpoi e, dijjep mai su! Akan kep bipia noni ne no di bit Allah nihyet ri. Noni dahat ningwam leu tungwagom ba, nogindini no dima kwei lene mikat dipmot bat cin leu da ba, ubon yok nok awak drek dip ningwam po dijjep di mai su dahat ei pimati.”

NIBOU NDIG NYA GI NICAN 4:1 ပူးပေါင်းရင်းမြစ်များ

NITRITI 22:12

Lene tuhan nihyet tibim ei malaikati dima nuhui him bipai “Ma akes anda leu apmot lene angget noni au. Nogindini dikan tut bipia akuk na biDa ba, apwoi dingona. Lewo angon tak kep apmot gom ngat dima leu Da bi.”

NIBOU NDIG NYA GI NIGOM 18:3

Gima rino Ahab hig Obaja kwei ngat noni. (Obaja ne mindor mem Ahab nide ig bei nsi nya hagom ri. Noni ba ningon di gom bikuk no bak tuhan cem.

NIBOU NDIG NYA GI NIGOM 20:35

Mpe dima lene nabi gom leu nimpung nabi nya ikieti ba tuhan nicuk noti bibidip huk nisut nabi gom leu binhyepo bui noni noro nisut dima kou sut.

NIBOU NDIG NYA GI NICAN 2:15

Tirigi nabi ibou ningot muhwi leu minu ndig Yerikho ingat gima bou igyai him tu lene igyai nillei bipai biyam “Elisa ba nokep Elia de nisindemti tu!” Lene ikwei um noni bikuk yok ei nimig him.

NIBOU NDIG NYA GI NICAN 2:3

Nabi nya nimpung gom di ibong ei mpia dima ikwei ngat Elisa bihig ser noni “Akan tut bipia tuhan mikon ade andigpoi hak leu na mem njap di ammani e?” Lene Elisa buhup “I, dikan tut tu. Noro ma nyeni isimbot kep biyam tut gima au.”

NIBOU NDIG NYA GI NICAN 2:5

Nabi nya nimpung gom di ibong ei mpia dima ikwei ngat Elisa bihig ser noni “Akan tut bipia Allah mikon ade andigpoi hak leu na mem njap di ammani e?” Lene Elisa buhup “I, dikan tut tu. Noro ma nyeni isimbot kep biyam tut gima au.”

NIBOU NDIG NYA GI NICAN 2:7

nabi nya ibou ningot muhwi yehei sut yok kikau ug ei Minyei Yordan. Lene Elia kin Elisa ikwei ya ei minyei nintig dip lo, nabi ibou ningot muhwi pima igya ter.

NIBOU NDIG NYA GI NICAN 4:38

Mpe di gom ne ninggum di buhun kieng kep minu dima hagom. Gima rino Elisa ngkwei hanyen kwei ei Gilgal. Tirigi noni ngginau nimpung nabi nya gom lene cuk nide awak ba, ug yai yeng di nindig bingei njita mem nimpung nabi dima igyem.

NIBOU NDIG NYA GI NICAN 6:9

Noro Elisa sok nihyet bak nibou ndig mben Israel bisok kep noni ser nhyema tentara Israel yuug ei mpia dima bi lewo tentara Siria ikos dik sir simpak ba, itin ei mem gima ihwen yok.

NEHEMIA 10:31

Gino ngkiai nya ijoi sut itri gandum kin ndigban hiter nya binye ei Njap Nigwam Kep Ninghuisi cem njap di kwes nindigsi nya cem lene minipek mun nyeng hi leu yok bi sren. Bikwop ari bingwam gi nimuhwindacan lene miniyai miai njita ba, minibrim nyende ningwam di jo bak yo di hiter ei ari bingwam dima cem bi sren.

NEHEMIA 7:2

Lene dikes midyai nibou ningig niyai kep minu ndig Yerusalemti bak disut Hanani lene Hananya bi nok nibou mem tentara nibousi di igya coi. Hananya ttin tut Allah ba, limwa nya iba ingon com noni dor njiriek nibou nindigsi nya.

MAZMUR 103:11

Ningon ngakei tungwatu di ikuk yok biNoni nya nindig bibor dem kep nok mpia-bbed him nanaisi di anai.

MAZMUR 103:17

Noro tuhan ningon ngakeisi kin nisingat tutti jo ninno bijo kikau mem yo di ikuk yok bak Noni buug ninno mem ide nintun him yamti di bram yam nya,

MAZMUR 115:13

Noni minjei mun di kei bak yo di inyeng jei nya kin yo di ibon inyeng bi nya yahagom gino ikon ninyenga.

MAZMUR 147:11

Noro ngat ningwes ei yo di ingon gom tut Noni kin yo di iba ingon com Nide ningon ngakeisi di ug hon nohonti bi sren nya.

NIPINGOK NINGONTI 22:7

No di nyeng tut ndigban ninyeng tak kep no di nuhui mbum. Gino hiter dahat ningwam leu nani ne anyeng tak kep noni.

NIBA NINGON SRIP HUKTI 12:13

Tirigi dibinai sut hagom bidem leu lene nirop ninda ndigsi cuk nye “Ma jittin tut Allah Nongkom bijibit nicukti nya hagom. Lewo gima ne Allah ningon kanti mem nye di tungwatu nya tirigi Noni pai tes nye ri.”

NIBA NINGON SRIP HUKTI 8:12

Mbro nok gino no di sibut bon sisar nimangti sratus gom ba, nide njap cem jei lo, dikan tut bipia no di bit Allah nihyet bikuk no biNoni mimbrek-mimbrek mporo bong kei gwam kei.

YESAYA 50:1

tuhan pai bak mben Israel “Ditde limwa jen, jikan bipia dikou sut je noyam kin pinai di kou sut nitnem e? Gi nok lene ma jindo srat di bindo tut gi dikou sut ditnem biDa. Jikan bipia ditri je noyam kin no di ba nimunggwom bat nya bibirop ningwam di noni bon bak hiter e? E bi. Jide siceu nya ikat je bibuwak je ug ei jingkiaisi drek dip jide sisar kin jingon di mbuk biborti!

YEREMIA 34:14

awak di mben Ibrani di yai midyai nok awak kikau mem nijam ari bingwam nitindur muhwindagom tu lene suar niceu kwek noni leu nuubon no nok awakti ei ari bingwam gi nimuhwindacan ningwigsi. Noro jidigup bat-jidigai bat nya itug hon nipreu ei mem yokti dima bimiap kep mun di dipai biyok dima bi.

IMAM NYA IDE MIDYAI 25:48

lene dem tut gima mben Israel dima nide bat hi pek noni hanyen. tuhan sindui sut ba, nide adig-ajoi nipinai hi e,

MALEAKHI 3:16

Lene yo di ittin tut tuhan isimbot kep biyam. Noni ngig nitingou mem yok biyok ngon kep ighyet lene pas kep yo di ikon ninyeng ba, ittin tut Noni yahagom inyeng ei srat gomti di jo Noho bei.

MALEAKHI 4:2

Noro Ditde nisindemti di teu je mitau kep je nok mpia nipriti ba, nimbai di nok mpia nimbai mibindei ba, jikei hanyen. Jiyati kwes bijingon nggan-triot dem kep sapi pmot di sindi hei leu sar nsi.

MATIUS 18:25

Bit bon awak dima rop ningwam kan bi. Gima rino nibou ndig cuk yok mem gima itri noni kin nitnem nimunggwom bat nya kin nide ndigban hagom bibipek mitiei mem gima birop ningwam dima.

MATIUS 18:30

Noro noni ngondut nisut bi ba, com noni ug ei ig bui nsi bibou rop nide ningwam leu ug e.

MATIUS 18:35

Lene Yesus pai nihyet ningwigsi bitak kep nihyet nibiti nindati “Nok gima cem Dicig ei gwamti mibibon je bibikwop tungwagom-gom nok gima drek dip gi jiba jingon gom bikos ser sisar di jisut bon tut je bi nya.”

KISAH 13:26

Disut bat je di jintun Abraham him kin je di nindigsi di jikuk je bak Allah e, Allah sok nihyet tut niteu leu sisarti kin niyaijo nijep kwei bak nyeni yahagom.

YAKOBUS 2:13

Gino tungwagom ngondut hiter bi ne mpe dino Allah mbus ningonti lene Noni mingondut no dima bi. Noro ningondut yamti sindem dor njiriek hukum!

NINGAT-HI-NGAT NYA 15:4

Tuhan e, tou rino ttin tut Nani bi i? Tou rino kou sut gima tri tut anyeng di jei bibor i? Nangkom akwes-kwau. Tungwatu dihyeisi hagom mikwei kuk yok ei amig him binggei sut Na lewo ayai munti nya di sren-srau jo nibreisi ba, yahagom ingat bou igyai him tu.”

NINGAT-HI-NGAT NYA 19:5

Nihyet gom tibim kwei leu banggo mbrei bipai “Ma Allah de awak nya kin tungwatu di inyeng jei nya kin gi inyeng bi nya di ikuk yok bak Noni nya e, jikwei ba, inggei sut Allah.”

SRAT RUT 1:3

Elimelekh mai leu nitnem. Apino nitnem kin nipmot bat cin ibong biyongkom.

SAMUEL GI NIGOM 22:2

Nok gima cem yo dino hiter ihwen bit yok kin yo di ibon ningwam di buhun tak yok kin yo di ingon sibui cem yahagom ibicom yam bit Daud ba, noni nok nibou mem yok. Yo di ibit Daud dima yahagom imangti ibou sratus bitai.